Populaire Bijbelverzen uit Mt 4

Deel

Qalaĝaja Jesús 'yateguet: —Joda'me Dios 'laqatac enaac: «Ja nach'egata ga'me pan ta'le nec'aleta'yejop ga'me jiyaĝaua, dite da'me qoyouetaque ena'uaque jodaa'me 'laqataqa joñe'me Dios.»

Qalaĝaja Jesús 'yateguet: —Am payac Satanás, jayem oca'e, qa'a da'me Dios 'laqatac enaac: «A'nonaĝachigui joñe'me Adejaliaĝanec jo'ne Anedios nataq'aen nach'eñeta a'uonataĝaneuo'o joñe'me.»

Jesús 'yateguet: —Nach'e ena'am da'me Dios 'laqatac eetojo': «Ena'te auapiyenec ga'me jo'ne jetaque aua'uo joñe'me Jaliaĝanec jo'ne Anedios.»

Yem qama'le joñe'me Dios Lepaqal yauegue ñe'me Jesús ga'me aleua jo'ne totapega't, qaedi ñe'me payac yapiyen joñe'me. Qama'le ue'ta gaa'me cuarenta pi'yaĝadi nataq'aen noloqo'ote da'me ja deque'e; yem qama'le yataqachiñe 'uo da'me loqouaĝa.

Qama'le Jesús yiyaĝanalo jogaa'me, enaac: —¡Jayem oquiyegue, qama'le ami janema qomle da'me adañoqotaĝanaĝaqui qaedi anec'alaĝachidegue ga'me jiyaĝadipi! Qama'le paja'a yepota'n joga'me najelaĝail da'me quetegue joñe'me.

Chane'eja chiyoqotelegue da'me Jesús t'aqataĝatapema ga'me jiyaĝadipi, enaac: “¡A'niyelaqaeyot joñe'me Dios jo'ne ne'tague di'me piyem, qa'a male qoyoqo'ta da'me laloqo' da'me nejaliaĝatelegue ena'uac!”