Populaire Bijbelverzen uit Chapletajic 3

Deel

Xril c'u ri ixok chi sibalaj je'lic ri u wäch ri che', xpe u rayinic che u tijic rech cäc'oji' retamanic. Xuchup c'u jun chque ri e u wäch ri che', xutij c'ut xuya' c'u rech ri rachajil, xukuje' c'u ri are' xutijo.

Ri cumätz are c'o na u no'j chquiwäch conojel ri juyubal tak awaj ri e u banom ri Ajawaxel Dios, xuc'ot c'u u chi' ri ixok: “¿La u bim ri Dios chiwe chi man quitij taj ri qui wäch ri che' ri e c'o pa ri ticonijibal?”

Quinban na chi ri at xukuje' ri ixok, quic'ulelaj na iwib, junam xukuje' ri awija'lil ruc' ri rija'lil. Ri rija'lil cuwach' na ri a jolom, are c'u ri at cacatz na ri u xe' rakan.”

Xubij c'u ri Dios che ri ixok: “Quinbano chi cänimataj ri a k'oxomal aretak cäc'oji' ri awal, ruc' k'oxom cawil qui wäch ri e awal. Pune' cärik ri k'oxomal, lok' ri' ri awachajil chawäch, cätakan c'u na ri awachajil pawi'.”

Cach'äc na ri a wa ruc' ri u c'atanal ri a palaj, c'ä cattzelej na pa ri ulew ri xatesax wi', at c'u ya' ulew catux chi c'u na ulew.”

Xubij c'u che ri achi: “Rumal rech xanimaj u tzij ri awixokil, xatij c'u u wäch ri che' ri xinbij chawe chi man catij taj, camic ri ulew cäcanaj chuxe' c'okonic u mac awech; ruc' c'axalaj chac cäban na chi cuq'uiyisaj ri catijo pa ronojel ri a c'aslemal.

Ri Dios xuc'ot u chi' ri achi, xubij che: “¿Jachin xbin chawe chi at ch'analic? ¿La xa xatij awe ri u wäch ri che' ri xinbij chawe chi man catij taj?”

Aretak resam chi bic ri achi, xebucoj jujun aj cajalaj tak tobanelab ri e c'o qui xic', pa elebal k'ij che ri ticonijibal xukuje' jun ch'ich' re ch'o'j ri sibalaj cäjuluwic ri cäsutin pa ronojel c'olbal, rech mawi jun cäkeb chuxcut ri che' re c'aslemal.

Ri achi xucoj Eva che u bi' ri rixokil, are c'ut qui nan conojel ri e c'aslic.