Populaire Bijbelverzen uit Takwiin 3

Delen

Wa khalaas, al-mara chaafat al-chadara di taʼajib al-een wa samha le l-akil wa adiile tanti al-ilim. Wa be da, gataʼat min iyaalha, akalatah wa raajilha gaaʼid jambaha wa hi antatah wa hu kula akal.

Wa l-daabi hu najiid min kulla haywaanaat al-kadaade al-khalagaahum Allah al-Rabb. Wa l-daabi saʼalaaha le l-mara wa gaal : «Sahiih ke al-Rabb gaal leeku ma taakulu iyaal min kulla l-chadar al-fi l-jineene walla ?»

Inta wa l-mara tabgo udwaan wa zurriiytak wa zurriiyitha yabgo udwaan. Wa waahid minhum yikassir raasak wa inta tiʼaddiih fi kaʼabah.»

Wa Allah gaal le l-mara : «Khalabatki tabga leeki gaasiye wa inti tatʼabe fi l-waaluuda. Wa indiki chahwa le raajilki wa laakin hu yamlukki.»

Wa be duraaʼak bas taakul lahaddi tigabbil fi l-turaab al-khalagook minnah. Achaan inta min al-turaab wa tigabbil fi l-turaab.»

Wa Allah gaal le Adam : «Inta simiʼt kalaam martak wa akalt min iyaal hana l-chadara al-ana dahartak minha. Fi chaanak inta, al-turaab yabga malʼuun. Wa talga maʼaachak be taʼab fi kulla muddit hayaatak.

Wa Allah al-Rabb gaal leyah : «Yaatu al-ooraak kadar inta aryaan ? Hal inta akalt min al-chadara al-ana dahartak minha walla ?»

Wa min tarad al-insaan, Allah al-Rabb khatta makhluugiin samaawiyiin be l-nuss al-sabhaani le jineenit Adin. Wa be seef al-indah naar yuduur, humman yaharsu derib chadarat al-Haya.

Wa l-raajil samma martah Hawwa (maʼanaatah al-haya) achaan hi amm hana kulli insaan hayy.