Populaire Bijbelverzen uit Luk 17

Deel

Be Iesu e poeiena i tanen, “Takei, balö te lam. A nihamana i tamölö te kato haniga poutse lalou lö.”

Te kato homi nen i tamölö tara tohit a pöata turu töa u lan, ba nonei te la uanama i tamölö tara tohit has a pöata bate poeiena, ‘Alia e palis ba negu a markato a omi i tar,’ ba lö te hapolasa hasem a markato a omi te katoeien.”

Kaba a töa i taren e tara sabi te gogoso uaien me habirits poutsina me ranga hapanina te hatsunono menaien e Sunahan. Ba nonei e tuhopö nena i mouna e Iesu me haniga uana i tanen. A katuun teka a toun Samaria.

Alimiou go tara kap haniga naiam a peisa milimiou. “Sanena tega kato homia a hahatoulana i tamölö, alö go ranga hapiou meien. Na tega palis ba naien a markato a omi i torinen, ba lö te hapolasa ba nem a markato a omi i tanen.

Be Iesu e rangatana, “Alia e kato haniga pouts regula a maloto a katuun. Ga ime te ka ria a tosie?

Ba Tsunono e ranga palisina me poeiena, “A ngalin mastet e tetenei koruna, kaba e habutena a kaan leba te pan soköna. U nihamana e markato has uana iesana. Noahasina te tetenei koruna u nihamana i tamilimiou, alimiou e tatei ranga noa has mia turu ruei teka bate poeiemiou, ‘Alö go takalapama batena taleba pouts moua i tasi,’ ba nonei te kukute hase nou u ranga i tamilimiou!”

A katuun te peits nena a nitöatöa i tanen ena hatie nen romana. Kaba a katuun te hataia sile nei a nitöatöa i tanen te ngil mena neien lia, nonei ena sabie nen romana.

Be Iesu e poeiena turu katunun tsitsilo i tanen, “Mamanaka a omi e roron las rena u katuun bate kato homir, kaba a nomi pan e butu noua romana tara katuun te las mena a katuun tara tou hiamus! Kaba tega kato homieia ta katuun ta töa tara galapien teka te hamana uaier i tar ba pien te kato homina, e niga balana tegi kits menai ta hatu pan i totongolona a katuun teka batena harukue ria i loul!

A pöata te la pouts guma lia romana e markato has uana romana te kato uu a pöata tere Noa i manasa. Tara man lan i mam turu uolo pan, u katuun i nou me uar me hitölur, me noana turu lan te tasuia e Noa tara tolaala. Ba u uolo pan e la nama me atung hamate hobotontöa rena u katuun.