Sawmus 7
7
Uvetunya igwa tuguhe arikut giteyni
1Kiyavwiye nuwohkiga, piwntak nah uti nawaygi. Uya amnih mpithan giwkis madikte hiyeg ku pariye nuharaksetnivwi.
2Ka ba isaksa igkis kamaxwenuma pisenwepma nukakuh kewa pahavwi kawokwinebe ig sigkebdihpiye giwin, yumah pahavwinema hiyeg namnihten atere.
3Kiyavwiye nuwohkiga, wake nah inyewatbe keh mbayka, ka samkama. Wake nah taraksebe,
4wake nah katiwnisebe git pahavwi yumanene gitaraksan nukakuh, wake nah amevwibe nuvetunya gewkanbet waditnevyenen,
5nikwe ka samkama adahan igkis nuvetunyavu haraksevun igkis kamaxwen. Ka samkama adahan igkis pisenwe nukakuh, ikiswen harit waykbo, miyarevye, yuma naymuhwan akiw.
6Kiyavwiye Uhokri, kannikawnaba akak pidagoni adahan pis mpitha nuvetunyavu gidagonikis. Asa kavetunsigkis adahan pis amnihun. Mmanawa pis hiyepkere waditkanenwa ay amadga inin.
7 Uya hiyak gikakkis kurinewa. Pahadguhnaba madikte hiyegviyenevwi pivetunat. Kumadukanigkis ayteke inutak.
8Mmanawa pisnewa gihiyvetnikis hiyegviyenevwi ba igkis wadityewatma. Hiyaknaba nukakuh hawata, Kiyavwiye. Mmanawa nah mpiksewnene wew wadit piwtrik, nah inyewa wewkere akak pihiyekemni.
9Uya pisenwa akak madikte mbayavye gihiyekemnikis! Ikinaba kabayka gitkis madikte wadityevwi. Mmanawa pisnewa waditka akivara. Pisnewa ku pariye uhiyvetni ba uhiyekemni wadityewatma.
10Ignewa Kiyavwiye Uhokri numaptenten; ig amnih hiyeg ku pariye wadityevwi.
11Ku aysaw ig hiyekne gikakkis hiyeg ig ka taraksati; mpuse hawkri ig ekkevye hiyeg gitaraksankis.
12Ku igkis ka miniwkere ariw gitaraksankis, nikwe Kiyavwiye Uhokri kiyawasanek giwana ig pisenwanek gikakkis. Gimedga kuwis ah adahan gihapseptenkis akak giyaka.
13Ig kuwis ahegbet akak giyakwok pahaywotneye. Ig kuwis ahegbet adahan haviswiye giyaka ku pariye kadahanene tiket gukigsa.
14Ivegnay ku samah hiyeg mbayavye kehbeta mbayka. Igkis ahegbeta matekbetka hawata igkis avanenekwa wasaymakanenwa gannivwikis.
15Igkis atik wayk adahan kehne tey, bawa igkisnewa tuguhpiye atere arikut ini giteynikis akiw.
16Hene ini mbayka ku pariye gikehnikis in diyuhe givititkiswa akiw. Nikwe igkis uti inwata mbeyne.
17Nahme kabayhanek Kiyavwiye giw, mmanawa ignewa waditye. Nah paknek adahan kabeyhene ner ku pariye avitminene madikte.
Nu geselecteerd:
Sawmus 7: pluPB
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© 2018, Wycliffe Bible Translators, Inc. All rights reserved.
Sawmus 7
7
Uvetunya igwa tuguhe arikut giteyni
1Kiyavwiye nuwohkiga, piwntak nah uti nawaygi. Uya amnih mpithan giwkis madikte hiyeg ku pariye nuharaksetnivwi.
2Ka ba isaksa igkis kamaxwenuma pisenwepma nukakuh kewa pahavwi kawokwinebe ig sigkebdihpiye giwin, yumah pahavwinema hiyeg namnihten atere.
3Kiyavwiye nuwohkiga, wake nah inyewatbe keh mbayka, ka samkama. Wake nah taraksebe,
4wake nah katiwnisebe git pahavwi yumanene gitaraksan nukakuh, wake nah amevwibe nuvetunya gewkanbet waditnevyenen,
5nikwe ka samkama adahan igkis nuvetunyavu haraksevun igkis kamaxwen. Ka samkama adahan igkis pisenwe nukakuh, ikiswen harit waykbo, miyarevye, yuma naymuhwan akiw.
6Kiyavwiye Uhokri, kannikawnaba akak pidagoni adahan pis mpitha nuvetunyavu gidagonikis. Asa kavetunsigkis adahan pis amnihun. Mmanawa pis hiyepkere waditkanenwa ay amadga inin.
7 Uya hiyak gikakkis kurinewa. Pahadguhnaba madikte hiyegviyenevwi pivetunat. Kumadukanigkis ayteke inutak.
8Mmanawa pisnewa gihiyvetnikis hiyegviyenevwi ba igkis wadityewatma. Hiyaknaba nukakuh hawata, Kiyavwiye. Mmanawa nah mpiksewnene wew wadit piwtrik, nah inyewa wewkere akak pihiyekemni.
9Uya pisenwa akak madikte mbayavye gihiyekemnikis! Ikinaba kabayka gitkis madikte wadityevwi. Mmanawa pisnewa waditka akivara. Pisnewa ku pariye uhiyvetni ba uhiyekemni wadityewatma.
10Ignewa Kiyavwiye Uhokri numaptenten; ig amnih hiyeg ku pariye wadityevwi.
11Ku aysaw ig hiyekne gikakkis hiyeg ig ka taraksati; mpuse hawkri ig ekkevye hiyeg gitaraksankis.
12Ku igkis ka miniwkere ariw gitaraksankis, nikwe Kiyavwiye Uhokri kiyawasanek giwana ig pisenwanek gikakkis. Gimedga kuwis ah adahan gihapseptenkis akak giyaka.
13Ig kuwis ahegbet akak giyakwok pahaywotneye. Ig kuwis ahegbet adahan haviswiye giyaka ku pariye kadahanene tiket gukigsa.
14Ivegnay ku samah hiyeg mbayavye kehbeta mbayka. Igkis ahegbeta matekbetka hawata igkis avanenekwa wasaymakanenwa gannivwikis.
15Igkis atik wayk adahan kehne tey, bawa igkisnewa tuguhpiye atere arikut ini giteynikis akiw.
16Hene ini mbayka ku pariye gikehnikis in diyuhe givititkiswa akiw. Nikwe igkis uti inwata mbeyne.
17Nahme kabayhanek Kiyavwiye giw, mmanawa ignewa waditye. Nah paknek adahan kabeyhene ner ku pariye avitminene madikte.
Nu geselecteerd:
:
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© 2018, Wycliffe Bible Translators, Inc. All rights reserved.