Matìù 10
10
Bɔntu̧ Yesò bu ntsɔ̀b babe la
(Mk 3:13-19; Lk 6:12-16)
1Yesò li ntɔ bɔkatè bi bu ntsɔ̀b babe la àdzìꞋ yeamɔꞋ ŋà àwɔb àtɔŋ ndɨ bɔ̀ɔ nɨ efəâ fote kàbɔ̀ŋ ane bòt e mě bə èghɔ̧ nè èlɔꞋ ègème la.
2Tèlente bɔntu̧ bu ntsɔ̀b babe la wu: Simùn wu èlen tò ko li ngu Pità la, bɔ̂ wanyɨ vi Andùlù, Jimsì waã Zebèdiì bɔ̂ wanyɨ vi Jɔ̌n, 3Filìb bɔ̂ Bàtòlomiò, Tɔmasì bɔ̂ Màtìù nɨa mèkab taksì, Jimsì waã Alfeɔ̀ bɔ̂ Tàdià, 4Simùn wu tà lè taꞋa wua nùà mènəè àlaꞋ la, nè Judàs Iskaliòt wu tà li ndɔ̀Ꞌ fɨ̧ɨ̧na a Yesò la.
Lèghȩ̀ȩ̀nè bɔntu̧ bu ntsɔ̀b babe la
(Mk 6:7-13; Lk 9:1-6)
5Yesò li ntsà bɔntu̧ bi bàa ntsɔ̀b babe la àbȩ shu abua yɔb nê, “Bɨ̀ ka ngà àdziꞋa ko a èbem àlaꞋ a bòt kà wu Bèjuê. Bɨ̀ ka ngà ka wuê a èbem àpfəa ko ane èpfəè bòt Sàmalìà. 6Ka bɨ ghà wuê abua bòt Izəèlȩê bu bɔ̀ wu mbɨ̀Ꞌɨ̀ njɨ̀te te nyɔ la. 7Bɨa me ghȩ̀ȩ̀ne, bɨ me làꞋa èngǎ̧ Mbɔ̧ɔ̧mà shua nê, ‘Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧.’ 8Bɨ̀ bə bòt èghɔ̧, njù̧ù̧me bòt bɔ pfəꞋte la, ngɨ̀ bòt èghɔ̧atsɔꞋɔ è pem, mè fəè fote kàbɔ̀ŋ ane bòt. Bɨ li mbɔ̀ ka yu̧, è wu ale, bɨ̀ mè ŋa abua bòt kà bɔ yu̧ mɨ̧̂. 9Bɨa me ghǎ, bɨ̀ ka mbèà goêl, kò silbà, ka wuê kapà a èbem ntaꞋ tɨ̧. 10Bɨa me ghǎ, bɨ̀ ka nɨ̀ ambè, bɨ̀ ka nɨ̀ ka wuê ndǐte màꞋa tebe, kò gùbtsə, kò ambàŋ leꞋ. Nkàà nê wɔ̀fàꞋ è bɔ ndɨ tàa bɔ àghɨa tàa nkɨ̀ŋkà la.
11“Bɨ ghɨ̀ bɨ̀ gha a èpfəè ènɨ̧, kò èbe techɨɨle leꞋ, bɨ kɨ ngule wòt tà kɔ̀ŋkè esèe àwɨ̧ la, ntsèke bɨ tò ba, te àlia bɨa me ghà la a kùꞋ. 12Bɨ̀ nyi a lob, bɨ tsaꞋte bòt lob mbɔŋ nê àlàŋkè à wu ne nɨ̧̀. 13È wu nê, bɔ sèè àwɨ̧, bɨ tsiꞋ àlàŋkè àyɨ̧ a wu nè nɔ̀b. Ka bɔ̀ bakà sèe awɨ̧, bɨ̀ nɨ àlàŋkè àyɨ̧. 14Ka wòt bakà sèe awɨ̧, mbakà yute ànəa bɨ shua la, bɨ yòò àbeb lob mbɔŋ, kò àpfəèa mbɔŋ leꞋ ane èka bɨ̧, ndèbè kwen tɨ̧ ndzəè me ghǎ. 15Ane nkûŋ, e shua wɨ̧ nê, naa li ngu ane àlia saꞋa Mbɔ̧ɔ̧mà, tà kù tèsȩte bòt Sodòm nè Gòmolà tè ntsè ndɨ tàa ku e te bòt èpfəè mbɔŋ la.
Bɔɔ me kɨ ètsə bɔkatè Yesò enɨ
(Mk 13:9-13; Lk 21:12-17)
16“Bɨ̀ zə ntsɔ̧̀, e ngua ntsàà àwɨ̧ àbȩ mbɨ̀Ꞌɨ̀ njɨ̀tsə ayɔɔ ngwitenyà̧. È wu ale, bɨ me yìa mbɨ̀Ꞌɨ̀ ètsɔꞋ, mè me yu ane mènəè mɨ̧ mbɨ̀Ꞌɨ̀ bèbaba. 17Bɨ̀ me ko awɨ̧ ane bɔbȩ na bɔ̀ɔ baãaã awɨ̧ enɨ ghǎ a lobte èsaꞋa, e mě shu̧ awɨ̧ a èbem lobte Mbɔ̧ɔ̧mà tɔb la. 18Bɔɔ li esəèŋnè àwɨ̧ enɨ ghǎ a mbì bègɔvanɔ̀, nè bèfɔ̧̀ ambo yaã, bɨa shu ànəa bɨ ye mè ko ane yaã la a mbì lɔb bɔ̂ bòt kà wu Bèjuê. 19ÀfɨꞋa bɔ nɨ awɨ̧ nɨŋ ngà la, bɨ̀ ka me mɨ̀ɨ̀te ndɨ bɨ̀a shu la nyaŋ kò ànəa bɨ̀a shu la leꞋ, nkàà nê èngǎ̧ bɨ̀a làꞋà la aa kɔꞋɔ àtsəa ayɨ̧ àfɨꞋa mbɔŋ. 20È ntsě bɨ̀ambɔŋ nga me làꞋà la, wu Fo Tǎt wɨ̧ Mbɔ̧ɔ̧mà naa tsě ane yɨ̧ e làꞋà la.
21“Bòt aa li ŋa bɔnyɨ bɔb ne bɔ buŋa, bètǎt bɔ̧ e mè ngɨ̀ wuê a èlɨ mbɔŋ ane bɔ̧ bɔb, bɔ̧ e mè ngu li elɔ̀ke mbù̧tsə ane bètǎt bɔb e ghɨ̌ bɔ bùŋè àwɔb. 22Bòt bàgème aa li me pààbè àwɨ̧ ambo yaã, ka wòt tà baãaã èntɨ̧ɨ̧ vi tè ngà ndìà la, wu li e peme. 23Bɔ me kɨ àtsəa yɨ̧ enɨ a èbem àpfəè àko, bɨ lùùlà ngà a yea tsa. KwàꞋ ane nkûŋ, tsiꞋ è shu awɨ̧ nê betsiꞋa bɨ̀ ka paa àfàꞋ àyɨ̧ a èbem èpfəè bòt Izəèlȩê ègème kà Waã Wòt kɨ̀Ꞌɨ̂.
24“Wakatè bakà tse a nyɨꞋtà vi, wafàꞋ kà meè tsea tǎt àfàꞋ vi. 25Ale, wakatè è tsìꞋa mbɨ̀Ꞌɨ̀ nyɨꞋta vi, tà wùꞋtè àvi. WafàꞋ è tsìꞋa mbɨ̀Ꞌɨ̀ tǎt àfàꞋ vi, tà wùꞋtè àvi mɨ̧̂. Bɔ wu tsì èlen tǎt lob ane Belzebùl, ko bɔɔ tɔ bòt lob tò ane tèlente kàbɔ̀ŋ te tsě.
Wòt àa me bɔa tò la
(Lk 12:2-7)
26“Ale, bɨ̀ ka bɔ̀a wòt, nkàà nê àghɨ ko bɔ kabà kà a wu li edzəâ àbȩ la a ntsě, àyea a lò̧ò̧te kà wu li pùùla ayaã la à ka wuê. 27Ànəa mâ shu awɨ̧ a èbem ndzěm la, bɨ̀ shu a kètsìà nèngû̧, àyea bɨ zə a ntsèm la, bɨ tùꞋ a tèbuꞋte èlu̧. 28Bɨ̀ ka mbɔ̀ɔ bòt bu bɔ̀ɔ bùŋe wòt, ka bɔ̀ ka wu ko ebùŋe àlɨ̀ŋkè tò la; bɨ̀ bɔɔ wuê wòt tàa ko tsàà mbɨ̧̀ ènyit nè àlɨ̀ŋkè a èbem èwet Satàn la. 29Tè bɔɔ̀ kà fɨ̧ɨ̧ne bèdzɔɔlekɔt babe ane kapà wemɔ̀Ꞌ? Ka la, Mbɔ̧ɔ̧mà bakà bɨ̧̀ɨ̧̀ne, wekǒ ane yɔb ka kwen a si. 30Ka wuê nyèm tu àtsəa yɨ̧ la, Mbɔ̧ɔ̧mà ko kèmpà̧ tùà tègème. 31È wu ale, bɨ̀ ka mbɔ̀â, ngu nê bɨ tsè àlaã bèdzɔɔlekɔt a mbì Mbɔ̧ɔ̧mà.
32“Ale, wòt ègème tà tɨ̧ɨ̧ a kètsìà bòt mbɨ̧̀ɨ̧̀ne nê ye wu wòt am la, maa li mbɨ̧̀ɨ̧̀ne nê tà wu wòt am mɨ̧̂ a mbì Tǎt am wu a ègwet la. 33Ka wòt tà tɨ̧ɨ̧ a kètsìà bòt ntu̧ am la, maa li tu̧ atò mɨ̧̂ a mbì Tǎt am wu a ègwet la.
È ntsě àlàŋkè, wu àyɔ̀ŋ
(Lk 12:51-53; 14:26-27)
34“Bɨ̀ ka mɨ̀ɨ̀tè nê, e nkɨꞋɨ e ghɨ̌ àlàŋkè a ngɔ̀ŋ ŋaà. ChaꞋ, è nka kɨꞋa e ghɨ̌ àlàŋkè, e nkɨꞋa ezǐ àyɔ̀ŋ. 35E kɨꞋa ezi àyɔ̀ŋ a kètsìà,
‘Waã bɔ̂ tǎt vi, nè waàvi bɔ̂ nyɨ̌ vi,
e mě zǐ àyɔ̀ŋ a kètsìà àvi bɔ̂ nyɨ̌ lob vi.
36Ngule bɔmbù̧ wòt nàà wu bòt lob tò.’
37“Wòt tà kɔ̀ŋkè tǎt vi nè nyɨ̌ vi tè ntsè am la, bakà kuꞋu ewe tàa wu wɔ̧ la. Wòt tà kɔ̀ŋkè wambâ̧ vi kò waàvi vi leꞋ tè ntsè am la ka meè kùꞋu ewe tàa wu wɔ̧ la. 38Wòt bakà bɨ̧̀ɨ̧̀ne eŋeꞋe mbasa vi ekùŋè am, tà kà kuꞋu ewe tàa wu wɔ̧ la. 39Wòt me kɨ ebɔ wuê mèmpème mi ko taa bi mèmpème mbɔŋ, ka wòt tà ŋà àtsəa zi ambo yaã la naa bɔ mèmpème.
40“Wòt sèè àwɨ̧, tà ko nê ye sèe am, èwe tà sèè am la, ko nê ye sèè atò wu tà tsàà am la. 41Wòt tà sèe ndàꞋàtɔŋ Mbɔ̧ɔ̧mà, nkàà nê ŋut wu ndàꞋàtɔŋ Mbɔ̧ɔ̧mà la, naa li bɔ àbȩ̀ bɔɔ ŋa abua ndàꞋàtɔŋ Mbɔ̧ɔ̧mà la. Wòt tà sèe wòt ntsɔ̧̀ ambo àfaꞋa ntsɔ̧̀ ŋut la, naa li bɔ àghɨa Mbɔ̧ɔ̧mà naa ŋǎ abua bòt ntsɔ̧̀ la. 42Wòt tà ŋa ka wuê ndɔŋ mèleb kèfi abua wekǒ ane ebe tèchɨɨle baa, ndɨ̀ wu ŋut wu wakatè am la, kwàꞋ ane nkûŋ, tsiꞋ è shu awɨ̧ nè, betsiꞋa àbȩ̀ atò à ka nyɔ̂.”
Nu geselecteerd:
Matìù 10: mnf
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© 2006, Cameroon Association for Bible Translation and Literacy
Matìù 10
10
Bɔntu̧ Yesò bu ntsɔ̀b babe la
(Mk 3:13-19; Lk 6:12-16)
1Yesò li ntɔ bɔkatè bi bu ntsɔ̀b babe la àdzìꞋ yeamɔꞋ ŋà àwɔb àtɔŋ ndɨ bɔ̀ɔ nɨ efəâ fote kàbɔ̀ŋ ane bòt e mě bə èghɔ̧ nè èlɔꞋ ègème la.
2Tèlente bɔntu̧ bu ntsɔ̀b babe la wu: Simùn wu èlen tò ko li ngu Pità la, bɔ̂ wanyɨ vi Andùlù, Jimsì waã Zebèdiì bɔ̂ wanyɨ vi Jɔ̌n, 3Filìb bɔ̂ Bàtòlomiò, Tɔmasì bɔ̂ Màtìù nɨa mèkab taksì, Jimsì waã Alfeɔ̀ bɔ̂ Tàdià, 4Simùn wu tà lè taꞋa wua nùà mènəè àlaꞋ la, nè Judàs Iskaliòt wu tà li ndɔ̀Ꞌ fɨ̧ɨ̧na a Yesò la.
Lèghȩ̀ȩ̀nè bɔntu̧ bu ntsɔ̀b babe la
(Mk 6:7-13; Lk 9:1-6)
5Yesò li ntsà bɔntu̧ bi bàa ntsɔ̀b babe la àbȩ shu abua yɔb nê, “Bɨ̀ ka ngà àdziꞋa ko a èbem àlaꞋ a bòt kà wu Bèjuê. Bɨ̀ ka ngà ka wuê a èbem àpfəa ko ane èpfəè bòt Sàmalìà. 6Ka bɨ ghà wuê abua bòt Izəèlȩê bu bɔ̀ wu mbɨ̀Ꞌɨ̀ njɨ̀te te nyɔ la. 7Bɨa me ghȩ̀ȩ̀ne, bɨ me làꞋa èngǎ̧ Mbɔ̧ɔ̧mà shua nê, ‘Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧.’ 8Bɨ̀ bə bòt èghɔ̧, njù̧ù̧me bòt bɔ pfəꞋte la, ngɨ̀ bòt èghɔ̧atsɔꞋɔ è pem, mè fəè fote kàbɔ̀ŋ ane bòt. Bɨ li mbɔ̀ ka yu̧, è wu ale, bɨ̀ mè ŋa abua bòt kà bɔ yu̧ mɨ̧̂. 9Bɨa me ghǎ, bɨ̀ ka mbèà goêl, kò silbà, ka wuê kapà a èbem ntaꞋ tɨ̧. 10Bɨa me ghǎ, bɨ̀ ka nɨ̀ ambè, bɨ̀ ka nɨ̀ ka wuê ndǐte màꞋa tebe, kò gùbtsə, kò ambàŋ leꞋ. Nkàà nê wɔ̀fàꞋ è bɔ ndɨ tàa bɔ àghɨa tàa nkɨ̀ŋkà la.
11“Bɨ ghɨ̀ bɨ̀ gha a èpfəè ènɨ̧, kò èbe techɨɨle leꞋ, bɨ kɨ ngule wòt tà kɔ̀ŋkè esèe àwɨ̧ la, ntsèke bɨ tò ba, te àlia bɨa me ghà la a kùꞋ. 12Bɨ̀ nyi a lob, bɨ tsaꞋte bòt lob mbɔŋ nê àlàŋkè à wu ne nɨ̧̀. 13È wu nê, bɔ sèè àwɨ̧, bɨ tsiꞋ àlàŋkè àyɨ̧ a wu nè nɔ̀b. Ka bɔ̀ bakà sèe awɨ̧, bɨ̀ nɨ àlàŋkè àyɨ̧. 14Ka wòt bakà sèe awɨ̧, mbakà yute ànəa bɨ shua la, bɨ yòò àbeb lob mbɔŋ, kò àpfəèa mbɔŋ leꞋ ane èka bɨ̧, ndèbè kwen tɨ̧ ndzəè me ghǎ. 15Ane nkûŋ, e shua wɨ̧ nê, naa li ngu ane àlia saꞋa Mbɔ̧ɔ̧mà, tà kù tèsȩte bòt Sodòm nè Gòmolà tè ntsè ndɨ tàa ku e te bòt èpfəè mbɔŋ la.
Bɔɔ me kɨ ètsə bɔkatè Yesò enɨ
(Mk 13:9-13; Lk 21:12-17)
16“Bɨ̀ zə ntsɔ̧̀, e ngua ntsàà àwɨ̧ àbȩ mbɨ̀Ꞌɨ̀ njɨ̀tsə ayɔɔ ngwitenyà̧. È wu ale, bɨ me yìa mbɨ̀Ꞌɨ̀ ètsɔꞋ, mè me yu ane mènəè mɨ̧ mbɨ̀Ꞌɨ̀ bèbaba. 17Bɨ̀ me ko awɨ̧ ane bɔbȩ na bɔ̀ɔ baãaã awɨ̧ enɨ ghǎ a lobte èsaꞋa, e mě shu̧ awɨ̧ a èbem lobte Mbɔ̧ɔ̧mà tɔb la. 18Bɔɔ li esəèŋnè àwɨ̧ enɨ ghǎ a mbì bègɔvanɔ̀, nè bèfɔ̧̀ ambo yaã, bɨa shu ànəa bɨ ye mè ko ane yaã la a mbì lɔb bɔ̂ bòt kà wu Bèjuê. 19ÀfɨꞋa bɔ nɨ awɨ̧ nɨŋ ngà la, bɨ̀ ka me mɨ̀ɨ̀te ndɨ bɨ̀a shu la nyaŋ kò ànəa bɨ̀a shu la leꞋ, nkàà nê èngǎ̧ bɨ̀a làꞋà la aa kɔꞋɔ àtsəa ayɨ̧ àfɨꞋa mbɔŋ. 20È ntsě bɨ̀ambɔŋ nga me làꞋà la, wu Fo Tǎt wɨ̧ Mbɔ̧ɔ̧mà naa tsě ane yɨ̧ e làꞋà la.
21“Bòt aa li ŋa bɔnyɨ bɔb ne bɔ buŋa, bètǎt bɔ̧ e mè ngɨ̀ wuê a èlɨ mbɔŋ ane bɔ̧ bɔb, bɔ̧ e mè ngu li elɔ̀ke mbù̧tsə ane bètǎt bɔb e ghɨ̌ bɔ bùŋè àwɔb. 22Bòt bàgème aa li me pààbè àwɨ̧ ambo yaã, ka wòt tà baãaã èntɨ̧ɨ̧ vi tè ngà ndìà la, wu li e peme. 23Bɔ me kɨ àtsəa yɨ̧ enɨ a èbem àpfəè àko, bɨ lùùlà ngà a yea tsa. KwàꞋ ane nkûŋ, tsiꞋ è shu awɨ̧ nê betsiꞋa bɨ̀ ka paa àfàꞋ àyɨ̧ a èbem èpfəè bòt Izəèlȩê ègème kà Waã Wòt kɨ̀Ꞌɨ̂.
24“Wakatè bakà tse a nyɨꞋtà vi, wafàꞋ kà meè tsea tǎt àfàꞋ vi. 25Ale, wakatè è tsìꞋa mbɨ̀Ꞌɨ̀ nyɨꞋta vi, tà wùꞋtè àvi. WafàꞋ è tsìꞋa mbɨ̀Ꞌɨ̀ tǎt àfàꞋ vi, tà wùꞋtè àvi mɨ̧̂. Bɔ wu tsì èlen tǎt lob ane Belzebùl, ko bɔɔ tɔ bòt lob tò ane tèlente kàbɔ̀ŋ te tsě.
Wòt àa me bɔa tò la
(Lk 12:2-7)
26“Ale, bɨ̀ ka bɔ̀a wòt, nkàà nê àghɨ ko bɔ kabà kà a wu li edzəâ àbȩ la a ntsě, àyea a lò̧ò̧te kà wu li pùùla ayaã la à ka wuê. 27Ànəa mâ shu awɨ̧ a èbem ndzěm la, bɨ̀ shu a kètsìà nèngû̧, àyea bɨ zə a ntsèm la, bɨ tùꞋ a tèbuꞋte èlu̧. 28Bɨ̀ ka mbɔ̀ɔ bòt bu bɔ̀ɔ bùŋe wòt, ka bɔ̀ ka wu ko ebùŋe àlɨ̀ŋkè tò la; bɨ̀ bɔɔ wuê wòt tàa ko tsàà mbɨ̧̀ ènyit nè àlɨ̀ŋkè a èbem èwet Satàn la. 29Tè bɔɔ̀ kà fɨ̧ɨ̧ne bèdzɔɔlekɔt babe ane kapà wemɔ̀Ꞌ? Ka la, Mbɔ̧ɔ̧mà bakà bɨ̧̀ɨ̧̀ne, wekǒ ane yɔb ka kwen a si. 30Ka wuê nyèm tu àtsəa yɨ̧ la, Mbɔ̧ɔ̧mà ko kèmpà̧ tùà tègème. 31È wu ale, bɨ̀ ka mbɔ̀â, ngu nê bɨ tsè àlaã bèdzɔɔlekɔt a mbì Mbɔ̧ɔ̧mà.
32“Ale, wòt ègème tà tɨ̧ɨ̧ a kètsìà bòt mbɨ̧̀ɨ̧̀ne nê ye wu wòt am la, maa li mbɨ̧̀ɨ̧̀ne nê tà wu wòt am mɨ̧̂ a mbì Tǎt am wu a ègwet la. 33Ka wòt tà tɨ̧ɨ̧ a kètsìà bòt ntu̧ am la, maa li tu̧ atò mɨ̧̂ a mbì Tǎt am wu a ègwet la.
È ntsě àlàŋkè, wu àyɔ̀ŋ
(Lk 12:51-53; 14:26-27)
34“Bɨ̀ ka mɨ̀ɨ̀tè nê, e nkɨꞋɨ e ghɨ̌ àlàŋkè a ngɔ̀ŋ ŋaà. ChaꞋ, è nka kɨꞋa e ghɨ̌ àlàŋkè, e nkɨꞋa ezǐ àyɔ̀ŋ. 35E kɨꞋa ezi àyɔ̀ŋ a kètsìà,
‘Waã bɔ̂ tǎt vi, nè waàvi bɔ̂ nyɨ̌ vi,
e mě zǐ àyɔ̀ŋ a kètsìà àvi bɔ̂ nyɨ̌ lob vi.
36Ngule bɔmbù̧ wòt nàà wu bòt lob tò.’
37“Wòt tà kɔ̀ŋkè tǎt vi nè nyɨ̌ vi tè ntsè am la, bakà kuꞋu ewe tàa wu wɔ̧ la. Wòt tà kɔ̀ŋkè wambâ̧ vi kò waàvi vi leꞋ tè ntsè am la ka meè kùꞋu ewe tàa wu wɔ̧ la. 38Wòt bakà bɨ̧̀ɨ̧̀ne eŋeꞋe mbasa vi ekùŋè am, tà kà kuꞋu ewe tàa wu wɔ̧ la. 39Wòt me kɨ ebɔ wuê mèmpème mi ko taa bi mèmpème mbɔŋ, ka wòt tà ŋà àtsəa zi ambo yaã la naa bɔ mèmpème.
40“Wòt sèè àwɨ̧, tà ko nê ye sèe am, èwe tà sèè am la, ko nê ye sèè atò wu tà tsàà am la. 41Wòt tà sèe ndàꞋàtɔŋ Mbɔ̧ɔ̧mà, nkàà nê ŋut wu ndàꞋàtɔŋ Mbɔ̧ɔ̧mà la, naa li bɔ àbȩ̀ bɔɔ ŋa abua ndàꞋàtɔŋ Mbɔ̧ɔ̧mà la. Wòt tà sèe wòt ntsɔ̧̀ ambo àfaꞋa ntsɔ̧̀ ŋut la, naa li bɔ àghɨa Mbɔ̧ɔ̧mà naa ŋǎ abua bòt ntsɔ̧̀ la. 42Wòt tà ŋa ka wuê ndɔŋ mèleb kèfi abua wekǒ ane ebe tèchɨɨle baa, ndɨ̀ wu ŋut wu wakatè am la, kwàꞋ ane nkûŋ, tsiꞋ è shu awɨ̧ nè, betsiꞋa àbȩ̀ atò à ka nyɔ̂.”
Nu geselecteerd:
:
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© 2006, Cameroon Association for Bible Translation and Literacy