Joni 1
1
Ijwi mbulyakaba muntu
1Kumatalikilo ooyo uutegwa Jwi wakaliko kale. Lino wakali aantoomwe a Leza, alimwi ngu Leza. 2Ngonguwe wakali a Leza kumatalikilo, 3zintu zyoonse zyakalengwa anguwe naatali nguwe nikwatakalengwa cintu niciba comwe. 4Muli nguwe momwakali buumi, nkabela buumi oobu bwakali mumuni wabantu. 5Mumuni ooyu ulamunika mumudima, pele mudima tuukonzyi kuuzunda pe.
6Kwakali muntu umwi uutegwa Joni wakatumwa a Leza. 7Joni wakaboolela kuzoopa bumboni bwa Mumuni ooyu, kutegwa mubumboni bwakwe bantu boonse basyome Mumuni. 8Joni teensi ngo Mumuni, pele wakazida kuzoopa bumboni bwa Mumuni.
9Ooyu ngonguwe Mumuni wini-wini wakaza ansi kuzoomunikila bantu boonse. 10Walo wakalimo munyika muno, nyika yakalengwa kwiindila muli nguwe, nikuba boobo bantu bamunyika tiibakamuzi pe. 11Wakaza kucisi cokwabo, pele bantu bakwe tiibakamutambula. 12Pele aabo bakamutambula akumusyoma wakabapa nguzu zyakuba bana ba Leza. 13Kuba bana ba Leza tiikwakazwida kubazyali babo, nikuba kukuyanda kwamuntu, pele mbana bazyedwe kunguzu zya Leza.
14Nkabela Jwi eelyo lyakaba muntu, wakasika kuzookkala akati kesu kazwide luzyalo abwini. Swebo twakeebela bulemu bwakwe, bulemu bwa Simuzyalwa alikke wa Wisi. Wakali aaluse akwaamba zyakasimpe lyoonse. 15Joni wakali kumucitila bumboni. Wakoompolola kuti, “Ngonguwe ooyu ngwendakali kumwaambila kuti, ‘Uuza munsi lyangu ulandiinda, nkaambo wakaliko kale mebo nketanazyalwa!’” 16Muluse lwakwe lupati swebo twakatambula zileleko zinji kwiindilila. 17Milawo yakapegwa kwiindila muli Mozesi, pele luse abwini zyakazibwa kwiindila muli Jesu Kilisito. 18Noliba lili taakwe muntu wakabona Leza, nokuba kaindi kaniini buyo Mwana Simuzyalwa alikke uuyandisigwa nguwakatwaambila zyakwe.
Bumboni Bwa Joni Mubbapatizi
(Mateyo 3.1-12; Maako 1.1-8; Luka 3.1-18)
19Mboobu bumboni bwa Joni ciindi naakabuzigwa abapaizi a Balevi bakatumwa abapati ba Bajuda baku Jelusalemu kuzoomubuzya kuti, “Ino nduweni?” 20Wakaingula katakaki waambisya kuti, “Nsili ndime Munanike wa Leza pe.” 21Bakamubuzya kuti, “Ino nduweni? Sena nduwe Elija?” Wakaingula kuti, “Peepe, nsili ndime nguwe.” Bakati, “Sena nduwe Musinsimi uuyooboola?” Joni wakati, “Nsili nguwe.” 22Nkaako bakamubuzisisya bati, “Kotwaambila we naa nduweni kutegwa tukaambe kuli aabo batutuma. Ino uti nduweni?” 23Joni wakati, “Ndime yooyo ngwaakaamba musinsimi Izaya kuti,
‘Kuli waambilizya munkanda kuti,
Amululamike nzila zya Mwami!’”
24Aabo bantu bakali kumubuzya bakatumidwe a Bafalisi. 25Alimwi bakamubuzya kuti, “Ino nkaambo nzi ncobbapatizya kuti kotali Munanike, naa Elija, naa musinsimi uuyooboola?” 26Joni wakabaingula kuti, “Mebo ndibbapatizya amaanzi buyo. Pele akati kanu mpali umwi ngomutazi. 27Ooyo ngonguwe uuza munsi lyangu, ngonguwe ngweteelede akwaangununa kaanzyo kandyasyo yakwe.” 28Makani aaya oonse akacitikila kumunzi wa Betani, uuli mutala lyamulonga wa Jolodani, oomo Joni mwaakali kubbapatizya.
Mwanaa Mbelele wa Leza
29Nibwakaca Joni wakabona Jesu kaza kulinguwe, mpoonya wakati, “Amubone Mwanaa Mbelele wa Leza, uugwisya zinyonyoono zyanyika! 30Ngonguwe ngwendakali kwaamba nindakati, ‘Uuza munsi lyangu ulandiinda, nkaambo wakaliwo kale mebo nketanazyalwa.’ 31Mebo lwangu tiindakamuzi, pele ndakazida kubbapatizya amaanzi kuti ayubununwe ku Baisilayeli.”
32Alimwi Joni wakalungulula kuti, “Ndakabona Muuya Uusalala kuuseluka kuzwa kujulu mbuli nkwilimba akukkala ali nguwe. 33Mebo nsiindakamuzi, pele Leza wakandituma kubbapatizya amaanzi wakati kulindime, ‘Kufumbwa waakubona muntu uutikaselukilwe Muuya wangu kuzwa kujulu akumukkala, ukazibe kuti ngonguwe ooyo uubbapatizya a Muuya Uusalala.’ 34Lino lwangu ndemwini ndalibonena, nkankakaako ndapa bumboni bwakuti, ‘Ooyu ngo Mwanaa Leza!’”
Basikwiiya ba Jesu bataanzi
35Nibwakaca Joni wakaliimvwi abasikwiiya bakwe bobilo, 36Naakabona Jesu keenda wakati, “Amulange nguulya Mwanaa Mbelele wa Leza.” 37Basikwiiya bobilo aabo nibakamvwa boobo bakaccilila Jesu. 38Jesu naakacebuka, wakababona kabamuccilila, eelyo wakabuzya kuti, “Ino muyandaula nzi?” Bakamwiingula kuti, “Rabbi, ino ukkala kuli?” (“Rabbi,” caamba kuti, “Mwiiyi.”) 39Jesu wakati, “Amuboole mukabone.” Aboobo bakainka akubona nkwaakali kukkala. Bakaakukkala anguwe buzuba oobo boonse, nkaambo kwakali kale kumazuba.
40Umwi wabaabo bakaccilila Jesu, ciindi Joni naakabaambila, wakali Andulu, mwanookwabo Saimoni Pita. 41Nkabela Andulu wakasaanguna kuunka kuli Saimoni akuyoomwaambila kuti, “Twamujana Munanike wa Leza.” (Zina eeli lyaamba kuti Kilisito.) 42Andulu wakatolelezya Saimoni kuli Jesu. Jesu nakamubona wakati, “Nduwe Saimoni mwanaa Jona, kuzwa ono unooitwa kuti Kefasi.” (Zina eeli lyaamba kuti, Pita naa bbwe.)
Jesu mbwaakaita Filipo a Natanayeli
43Nibwakaca Jesu wakayeeya kuunka kucisi ca Galilii, ooko wakajana mwaalumi wiitwa kuti Filipo, mpawo wakamwaambila kuti, “Ndiccilile!” 44Filipo wakali kukkala mu Betesaida. Mumunzi wakali kukkala Andulu a Pita. 45Filipo wakajana Natanayeli, mpoonya wakamwaambila kuti, “Twamujana muntu Mozesi ngwaakalemba mumabbuku aamilawo, ngonguwenya uulembedwe amumabbuku aabasinsimi, ngu Jesu waku Nazaleta, mwanaa Josefa.” 46Natanayeli wakati kuli Filipo, “Sena amwalo mu Nazaleta inga mwazwa cintu cibotu?” Filipo wakaingula wati, “Koboola, ukalibonene omwini.”
47Lino Jesu naakabona Natanayeli uzabuza kulinguwe, wakati, “Ngooyu Muisilayeli mwini-mwini, uutacengi!” 48Natanayeli wakabuzya kuti, “Ino wakandiziba buti?” Jesu wakaingula kuti, “Ndalikubwene kale kocili munsi lyamukuyu, katana akukwiita Filipo.” 49Mpoonya Natanayeli wakaambila Jesu kuti, “O Mufundisi, nduwe Mwanaa Leza! Nduwe Mwami wa Isilayeli!” 50Jesu wakati, “Sena wasyoma oobo nkaambo ndati, ‘Ndakubona kocili munsi lyamukuyu?’ Uyoobona zintu zimbi zipati ziinda ceeci.” 51Wakati alimwi, “Ncobeni, muyoobona julu kalijulidwe, abangelo kabatanta akuseluka aa Mwanaa Muntu.”
Nu geselecteerd:
Joni 1: Tonga96
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Tonga Bible © United Bible Societies, 1994.
Joni 1
1
Ijwi mbulyakaba muntu
1Kumatalikilo ooyo uutegwa Jwi wakaliko kale. Lino wakali aantoomwe a Leza, alimwi ngu Leza. 2Ngonguwe wakali a Leza kumatalikilo, 3zintu zyoonse zyakalengwa anguwe naatali nguwe nikwatakalengwa cintu niciba comwe. 4Muli nguwe momwakali buumi, nkabela buumi oobu bwakali mumuni wabantu. 5Mumuni ooyu ulamunika mumudima, pele mudima tuukonzyi kuuzunda pe.
6Kwakali muntu umwi uutegwa Joni wakatumwa a Leza. 7Joni wakaboolela kuzoopa bumboni bwa Mumuni ooyu, kutegwa mubumboni bwakwe bantu boonse basyome Mumuni. 8Joni teensi ngo Mumuni, pele wakazida kuzoopa bumboni bwa Mumuni.
9Ooyu ngonguwe Mumuni wini-wini wakaza ansi kuzoomunikila bantu boonse. 10Walo wakalimo munyika muno, nyika yakalengwa kwiindila muli nguwe, nikuba boobo bantu bamunyika tiibakamuzi pe. 11Wakaza kucisi cokwabo, pele bantu bakwe tiibakamutambula. 12Pele aabo bakamutambula akumusyoma wakabapa nguzu zyakuba bana ba Leza. 13Kuba bana ba Leza tiikwakazwida kubazyali babo, nikuba kukuyanda kwamuntu, pele mbana bazyedwe kunguzu zya Leza.
14Nkabela Jwi eelyo lyakaba muntu, wakasika kuzookkala akati kesu kazwide luzyalo abwini. Swebo twakeebela bulemu bwakwe, bulemu bwa Simuzyalwa alikke wa Wisi. Wakali aaluse akwaamba zyakasimpe lyoonse. 15Joni wakali kumucitila bumboni. Wakoompolola kuti, “Ngonguwe ooyu ngwendakali kumwaambila kuti, ‘Uuza munsi lyangu ulandiinda, nkaambo wakaliko kale mebo nketanazyalwa!’” 16Muluse lwakwe lupati swebo twakatambula zileleko zinji kwiindilila. 17Milawo yakapegwa kwiindila muli Mozesi, pele luse abwini zyakazibwa kwiindila muli Jesu Kilisito. 18Noliba lili taakwe muntu wakabona Leza, nokuba kaindi kaniini buyo Mwana Simuzyalwa alikke uuyandisigwa nguwakatwaambila zyakwe.
Bumboni Bwa Joni Mubbapatizi
(Mateyo 3.1-12; Maako 1.1-8; Luka 3.1-18)
19Mboobu bumboni bwa Joni ciindi naakabuzigwa abapaizi a Balevi bakatumwa abapati ba Bajuda baku Jelusalemu kuzoomubuzya kuti, “Ino nduweni?” 20Wakaingula katakaki waambisya kuti, “Nsili ndime Munanike wa Leza pe.” 21Bakamubuzya kuti, “Ino nduweni? Sena nduwe Elija?” Wakaingula kuti, “Peepe, nsili ndime nguwe.” Bakati, “Sena nduwe Musinsimi uuyooboola?” Joni wakati, “Nsili nguwe.” 22Nkaako bakamubuzisisya bati, “Kotwaambila we naa nduweni kutegwa tukaambe kuli aabo batutuma. Ino uti nduweni?” 23Joni wakati, “Ndime yooyo ngwaakaamba musinsimi Izaya kuti,
‘Kuli waambilizya munkanda kuti,
Amululamike nzila zya Mwami!’”
24Aabo bantu bakali kumubuzya bakatumidwe a Bafalisi. 25Alimwi bakamubuzya kuti, “Ino nkaambo nzi ncobbapatizya kuti kotali Munanike, naa Elija, naa musinsimi uuyooboola?” 26Joni wakabaingula kuti, “Mebo ndibbapatizya amaanzi buyo. Pele akati kanu mpali umwi ngomutazi. 27Ooyo ngonguwe uuza munsi lyangu, ngonguwe ngweteelede akwaangununa kaanzyo kandyasyo yakwe.” 28Makani aaya oonse akacitikila kumunzi wa Betani, uuli mutala lyamulonga wa Jolodani, oomo Joni mwaakali kubbapatizya.
Mwanaa Mbelele wa Leza
29Nibwakaca Joni wakabona Jesu kaza kulinguwe, mpoonya wakati, “Amubone Mwanaa Mbelele wa Leza, uugwisya zinyonyoono zyanyika! 30Ngonguwe ngwendakali kwaamba nindakati, ‘Uuza munsi lyangu ulandiinda, nkaambo wakaliwo kale mebo nketanazyalwa.’ 31Mebo lwangu tiindakamuzi, pele ndakazida kubbapatizya amaanzi kuti ayubununwe ku Baisilayeli.”
32Alimwi Joni wakalungulula kuti, “Ndakabona Muuya Uusalala kuuseluka kuzwa kujulu mbuli nkwilimba akukkala ali nguwe. 33Mebo nsiindakamuzi, pele Leza wakandituma kubbapatizya amaanzi wakati kulindime, ‘Kufumbwa waakubona muntu uutikaselukilwe Muuya wangu kuzwa kujulu akumukkala, ukazibe kuti ngonguwe ooyo uubbapatizya a Muuya Uusalala.’ 34Lino lwangu ndemwini ndalibonena, nkankakaako ndapa bumboni bwakuti, ‘Ooyu ngo Mwanaa Leza!’”
Basikwiiya ba Jesu bataanzi
35Nibwakaca Joni wakaliimvwi abasikwiiya bakwe bobilo, 36Naakabona Jesu keenda wakati, “Amulange nguulya Mwanaa Mbelele wa Leza.” 37Basikwiiya bobilo aabo nibakamvwa boobo bakaccilila Jesu. 38Jesu naakacebuka, wakababona kabamuccilila, eelyo wakabuzya kuti, “Ino muyandaula nzi?” Bakamwiingula kuti, “Rabbi, ino ukkala kuli?” (“Rabbi,” caamba kuti, “Mwiiyi.”) 39Jesu wakati, “Amuboole mukabone.” Aboobo bakainka akubona nkwaakali kukkala. Bakaakukkala anguwe buzuba oobo boonse, nkaambo kwakali kale kumazuba.
40Umwi wabaabo bakaccilila Jesu, ciindi Joni naakabaambila, wakali Andulu, mwanookwabo Saimoni Pita. 41Nkabela Andulu wakasaanguna kuunka kuli Saimoni akuyoomwaambila kuti, “Twamujana Munanike wa Leza.” (Zina eeli lyaamba kuti Kilisito.) 42Andulu wakatolelezya Saimoni kuli Jesu. Jesu nakamubona wakati, “Nduwe Saimoni mwanaa Jona, kuzwa ono unooitwa kuti Kefasi.” (Zina eeli lyaamba kuti, Pita naa bbwe.)
Jesu mbwaakaita Filipo a Natanayeli
43Nibwakaca Jesu wakayeeya kuunka kucisi ca Galilii, ooko wakajana mwaalumi wiitwa kuti Filipo, mpawo wakamwaambila kuti, “Ndiccilile!” 44Filipo wakali kukkala mu Betesaida. Mumunzi wakali kukkala Andulu a Pita. 45Filipo wakajana Natanayeli, mpoonya wakamwaambila kuti, “Twamujana muntu Mozesi ngwaakalemba mumabbuku aamilawo, ngonguwenya uulembedwe amumabbuku aabasinsimi, ngu Jesu waku Nazaleta, mwanaa Josefa.” 46Natanayeli wakati kuli Filipo, “Sena amwalo mu Nazaleta inga mwazwa cintu cibotu?” Filipo wakaingula wati, “Koboola, ukalibonene omwini.”
47Lino Jesu naakabona Natanayeli uzabuza kulinguwe, wakati, “Ngooyu Muisilayeli mwini-mwini, uutacengi!” 48Natanayeli wakabuzya kuti, “Ino wakandiziba buti?” Jesu wakaingula kuti, “Ndalikubwene kale kocili munsi lyamukuyu, katana akukwiita Filipo.” 49Mpoonya Natanayeli wakaambila Jesu kuti, “O Mufundisi, nduwe Mwanaa Leza! Nduwe Mwami wa Isilayeli!” 50Jesu wakati, “Sena wasyoma oobo nkaambo ndati, ‘Ndakubona kocili munsi lyamukuyu?’ Uyoobona zintu zimbi zipati ziinda ceeci.” 51Wakati alimwi, “Ncobeni, muyoobona julu kalijulidwe, abangelo kabatanta akuseluka aa Mwanaa Muntu.”
Nu geselecteerd:
:
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Tonga Bible © United Bible Societies, 1994.