Luka Me hay dəbələmməna gə ede
Me hay dəbələmməna gə ede
Aŋa ga, Labara Sələmna gə Luka hətska. Luka sahan zak ɗu gə ɗəfəkpənŋa a Yesu‑a, amá gə wuran ɗu slənɗay ba. Zazak a ma ɗa kutə Yesu de, mbumbutsək zaɗay ene gəni lakede kəma, ha ɗa bunkənede me sahan ba kalkala. Wakita saŋa ga, hətskəna a ɗu s'iŋgeɗe sləmay ene Tiyufil. Luka sahan zak duktar, kukutək Pul ɗu slənɗay səlay duna ala a mene hay de. A ɗa gə de ɗa hadzək wakita hay gə a wakita s'Askwaf de saŋa ga, ba wuran ɓile aŋa humas Zhuwif ba. Amá gə dzak ala apə isaɗe Zhuwif hay‑a, gəni yaga hay ene ɗá sənede a Yesu.
Na me hay gə a wakita saŋa de, i kutə zhek i kutə zhek:
Igə ɗa hadzək wakita saŋa ande 1:1-4
Ɗa wahəktan kəma wutə Yesu atə Zhaŋ ɗu bunə ɗaha 1:5–2:52
Wazu Zhaŋ ɗu bunə ɗaha 3:1-20
Bunɗay Yesu atə Shetene mà, ɗeɗimka kəma a təŋɗila ala hipe de 3:21–4:13
Yesu huwaka ala a higay Galile de 4:14–9:50
Yesu nayede ada Galile ka, huke ala a Zheruzalem 9:51–19:27
Kasuka gə shifa Yesu kiɗke apəna apə higay saŋa ka: Wutə sheriya ene atə vəɗɗiya ene 19:28–23:56
Yesu slabayede ada dagava ɗa gə ka wutə a mika de 24:1-12
Yesu mbəslkəlhətan ŋa ene a ɗa kutə wuran, ta hulaka atə ayitəna, ɗa hukəla ala askwaf de 24:13-53
Nu geselecteerd:
Luka Me hay dəbələmməna gə ede: mlr
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© (Active), Wycliffe Bible Translators, Inc. All rights reserved.