Matayi 15
15
UYesu akwamula lwe vukumuvuzilizya izya kushilanyʼamata
1-20: Mal. 7,1-23.
1Pe vahapalamila kwa Yesu navaFalisayi navamanyakalata ve vafumile mu-Yelusalemu vahati: 2Avasundikwa vaho vakushilanya twashʼutulajizyo twa vasongo? She vatakusukusula munyove lwe vavusilʼukulyʼuvugali. 3Uwenʼahamula ahati: Imwʼulwa Mulungu ululajizyo mukulushilanya lwashi, she mukuti tulandate twe twinyu utulajizyo? 4ShʼuMulungu ahomelezizye nilya kuti:
Uno wengʼakuliga nuyise nunyina we pakuti afwanje kwe kufwa.
5Nkandʼimwe mukuti she pajelelezizyʼumuntu ingʼakuyanga nakwa yise nakwa nyina akuti: Namile nkupanje ahantu ha kukutula nkandʼishi lelo ha kufinjila, 6pʼatakushindiha uyise nunyina. She muhonzizyʼimwe, ilya Mulungu izwi lye mukulilotelezya she mukuti tulandate twe twinyʼutulajizyo. 7Mwe valumilenga mwe, amwʼatalovosizyʼuYesaya lwʼahavayanjila nzila lwʼahati:
8Avantʼiva vakunitiha ge malomu geka,
amoyo gavo she galʼukutali,
9vakunchindishilʼine shaha vwelele,
vakusambilizyʼinsambilizyo zye tulajizyo twa vantu.
10Lwʼavavunganisilʼavantʼimpuga, pʼahavavuzya ahati: Simutejelezyaje muzimanyinsanye! 11Twenga tukwinjila mwilomu tutakuhandamanyʼumuntu, nkandi tutwo twe tukufuma mwilomu twe tukuhandamanyʼumuntu. 12Pe vahapalamila kukwakwe avasundikwa vakwe vahati: Uvawenyi avaFalisayi ukupunula lwe viṿuyʼizwi lila? 13Uwenʼahamula ahati: Ywontʼiṿivwalwa ṿwʼatavwayʼuTata wa kumwanya ṿwe yiliyitwa. 14Simuvaleshe. Ve vantonko ve vakuvalongolelʼavantonko vamwavo. Ingʼuwantonko akumulongolʼuwantonko uwamwavo, pe vakugwila mushiliva ve vavili vonti. 15PʼuPeteli ahamula ahati: Utuvuzyajʼishiholanyʼishi. 16Uwene ahati: Fwane mushili suti namwe, musyayʼinjele namwe? 17Mushilʼukuzimanyinsanya zye nkuti ṿwonti ṿwe ṿikwinjila mwilomu ṿikuvala muvula, havili ṿikutagwa mumusalani? 18Izyene zye zikufuma mwilomu, zye zifumile mumwoyo zizyo nyene zye zikuhandamanyʼumuntu. 19She zikufuma mumwoyo zyontʼinsivʼimbivi, nuvugozi, nuluvembu, nizya vwa malaya, nuvwiva, nuvwahome vwʼilenga, namatona, nindigo. 20Zye zikumuhandamanyʼumuntu zizyo; nkandʼizya kulyʼuvugali lwʼutasukusuye munyove we muntu, zye zitakumuhandamanya ndali.
Ukupola kwa mwana umulindu uwa vakunzi
21-28: Mal. 7,24-30.
21PʼuYesu ahafuma pupo, ahashimbilila munsi ya mu-Tili niya mu-Sidoni. 22Pe vahitushilʼumwantanda woka umu-Kanani, akufuma mumwo mwe zipahinʼinsi zinizi, ahavilishila ahati: Umfwilʼuvwila, we Mwene we Mwana-Davidi! Shʼumwana wanʼumulindu impepʼimbivi yimupenuye nkani. 23Uwene nyene ahasita nukumwamula nalyokʼizwi. Pʼavasundikwa vakwe vahamulambilizya vahati: Umuvwezyaje shʼakuvilishila mwisinda. 24Uwenʼahamula ahati: Ntumilwe kwe kungʼonzi zye zitezile izya nyumba ya Isilayili ine, ntatumilwe nakuzinji izya vwelele. 25Pʼuwenʼumwantanda ahapalamila, ahakupama kukwakwe ahati: Mwene mula! 26Uwenʼahamula ahati: Hate hinza ukusendʼuvugali vwa vana ukutajilʼutuvwa. 27Uwenʼumwantanda ahati: Kwe nalyoli Mwene, havilʼine ntili she nutuvwa tukusevʼutwalila twe tukulagala pameza zya vahatatuvwa. 28PʼuYesu ahamula ahati: We mwantanda, lupitʼulwitiho lwaho! Zyinzaje kukwaho zizyo zyʼulaṿile. Pʼumwana wakwe ahazuzuvuha pahavalilizyo huho.
Avinji vakuzuzuvuha
29IlelʼuYesu lwʼayefile pupo, pʼahavala kwa sumbi wa mu-Galilayi, ahazuva pigamba, pʼahatendama pupo. 30Vahapalamila kukwakwe avantʼimpugʼimpiti, vahavaleta nave vakugugʼukujenda, navantonko, navashinunu, navalemazu, navamwavʼavinji, vahavaviha kuṿinama ṿwakwe. Uwenʼahavazuzuvushizya. 31Pʼavantʼimpuga yonti vahasukumila lwe vawenyi nukuyangʼavashinunu nukuyanana ve valemayʼumuvili, nukujenda ve vahagugaga nukwenyʼavantonko. VahamutimʼuMulungu wa Yisilayili.
Ukulisya avantu 4,000
32-39: Mal. 8,1-10.
32PʼuYesu ahavitʼavasundikwa vakwe, ahavavuzya ahati: Nkuvapepelezyʼavantʼimpugʼiva. She valinzitʼamanda gatatu kukwanʼuku vasitakulya naṿimo. Ntakwanzʼukuvavwezya she vataliye naṿimo, ukuti vatagwanjʼulusyo mwidala. 33Avenʼavasundikwa vakwe vahamula vahati: Tugaje kwi mulwugwʼumu amakati ga kuvalelʼavantʼimpuga vovulo? 34UwenʼuYesu ahati: Muli nago galingʼamakati? Avene vahati: Tuli nago gasanu nagavili nutuswi tunsi. 35PʼuYesu ahavavuzyʼavantʼimpuga yonti ahati: Simutendame pansi. 36Pʼahasendʼamakati gasanu nagavilʼaga nutuswʼutu, ahasalifwa. Pʼahaga-mensulanya, ahavapʼavasundikwa vakwe, avenʼavasundikwa vahavapʼavantʼimpuga yonti. 37Ve vahalya, vahikuta vonti. Pe vahavunganihʼutwalilʼutu twe valeshe, tuhizula muṿitundu ṿisanu naṿivili. 38Avene ve vahalya vali 4,000 ukuvazya ve vanaṿuli veka kusitakuvazya navantanda navana. 39Ilelo lwʼavavwezizyʼavantʼimpuga yonti, pʼahazuva mwivoti, ahavala munsi ya mu-Magadani.
Nu geselecteerd:
Matayi 15: NYi1965
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Nyiha New Testament © British and Foreign Bible Society, 1965.
Matayi 15
15
UYesu akwamula lwe vukumuvuzilizya izya kushilanyʼamata
1-20: Mal. 7,1-23.
1Pe vahapalamila kwa Yesu navaFalisayi navamanyakalata ve vafumile mu-Yelusalemu vahati: 2Avasundikwa vaho vakushilanya twashʼutulajizyo twa vasongo? She vatakusukusula munyove lwe vavusilʼukulyʼuvugali. 3Uwenʼahamula ahati: Imwʼulwa Mulungu ululajizyo mukulushilanya lwashi, she mukuti tulandate twe twinyu utulajizyo? 4ShʼuMulungu ahomelezizye nilya kuti:
Uno wengʼakuliga nuyise nunyina we pakuti afwanje kwe kufwa.
5Nkandʼimwe mukuti she pajelelezizyʼumuntu ingʼakuyanga nakwa yise nakwa nyina akuti: Namile nkupanje ahantu ha kukutula nkandʼishi lelo ha kufinjila, 6pʼatakushindiha uyise nunyina. She muhonzizyʼimwe, ilya Mulungu izwi lye mukulilotelezya she mukuti tulandate twe twinyʼutulajizyo. 7Mwe valumilenga mwe, amwʼatalovosizyʼuYesaya lwʼahavayanjila nzila lwʼahati:
8Avantʼiva vakunitiha ge malomu geka,
amoyo gavo she galʼukutali,
9vakunchindishilʼine shaha vwelele,
vakusambilizyʼinsambilizyo zye tulajizyo twa vantu.
10Lwʼavavunganisilʼavantʼimpuga, pʼahavavuzya ahati: Simutejelezyaje muzimanyinsanye! 11Twenga tukwinjila mwilomu tutakuhandamanyʼumuntu, nkandi tutwo twe tukufuma mwilomu twe tukuhandamanyʼumuntu. 12Pe vahapalamila kukwakwe avasundikwa vakwe vahati: Uvawenyi avaFalisayi ukupunula lwe viṿuyʼizwi lila? 13Uwenʼahamula ahati: Ywontʼiṿivwalwa ṿwʼatavwayʼuTata wa kumwanya ṿwe yiliyitwa. 14Simuvaleshe. Ve vantonko ve vakuvalongolelʼavantonko vamwavo. Ingʼuwantonko akumulongolʼuwantonko uwamwavo, pe vakugwila mushiliva ve vavili vonti. 15PʼuPeteli ahamula ahati: Utuvuzyajʼishiholanyʼishi. 16Uwene ahati: Fwane mushili suti namwe, musyayʼinjele namwe? 17Mushilʼukuzimanyinsanya zye nkuti ṿwonti ṿwe ṿikwinjila mwilomu ṿikuvala muvula, havili ṿikutagwa mumusalani? 18Izyene zye zikufuma mwilomu, zye zifumile mumwoyo zizyo nyene zye zikuhandamanyʼumuntu. 19She zikufuma mumwoyo zyontʼinsivʼimbivi, nuvugozi, nuluvembu, nizya vwa malaya, nuvwiva, nuvwahome vwʼilenga, namatona, nindigo. 20Zye zikumuhandamanyʼumuntu zizyo; nkandʼizya kulyʼuvugali lwʼutasukusuye munyove we muntu, zye zitakumuhandamanya ndali.
Ukupola kwa mwana umulindu uwa vakunzi
21-28: Mal. 7,24-30.
21PʼuYesu ahafuma pupo, ahashimbilila munsi ya mu-Tili niya mu-Sidoni. 22Pe vahitushilʼumwantanda woka umu-Kanani, akufuma mumwo mwe zipahinʼinsi zinizi, ahavilishila ahati: Umfwilʼuvwila, we Mwene we Mwana-Davidi! Shʼumwana wanʼumulindu impepʼimbivi yimupenuye nkani. 23Uwene nyene ahasita nukumwamula nalyokʼizwi. Pʼavasundikwa vakwe vahamulambilizya vahati: Umuvwezyaje shʼakuvilishila mwisinda. 24Uwenʼahamula ahati: Ntumilwe kwe kungʼonzi zye zitezile izya nyumba ya Isilayili ine, ntatumilwe nakuzinji izya vwelele. 25Pʼuwenʼumwantanda ahapalamila, ahakupama kukwakwe ahati: Mwene mula! 26Uwenʼahamula ahati: Hate hinza ukusendʼuvugali vwa vana ukutajilʼutuvwa. 27Uwenʼumwantanda ahati: Kwe nalyoli Mwene, havilʼine ntili she nutuvwa tukusevʼutwalila twe tukulagala pameza zya vahatatuvwa. 28PʼuYesu ahamula ahati: We mwantanda, lupitʼulwitiho lwaho! Zyinzaje kukwaho zizyo zyʼulaṿile. Pʼumwana wakwe ahazuzuvuha pahavalilizyo huho.
Avinji vakuzuzuvuha
29IlelʼuYesu lwʼayefile pupo, pʼahavala kwa sumbi wa mu-Galilayi, ahazuva pigamba, pʼahatendama pupo. 30Vahapalamila kukwakwe avantʼimpugʼimpiti, vahavaleta nave vakugugʼukujenda, navantonko, navashinunu, navalemazu, navamwavʼavinji, vahavaviha kuṿinama ṿwakwe. Uwenʼahavazuzuvushizya. 31Pʼavantʼimpuga yonti vahasukumila lwe vawenyi nukuyangʼavashinunu nukuyanana ve valemayʼumuvili, nukujenda ve vahagugaga nukwenyʼavantonko. VahamutimʼuMulungu wa Yisilayili.
Ukulisya avantu 4,000
32-39: Mal. 8,1-10.
32PʼuYesu ahavitʼavasundikwa vakwe, ahavavuzya ahati: Nkuvapepelezyʼavantʼimpugʼiva. She valinzitʼamanda gatatu kukwanʼuku vasitakulya naṿimo. Ntakwanzʼukuvavwezya she vataliye naṿimo, ukuti vatagwanjʼulusyo mwidala. 33Avenʼavasundikwa vakwe vahamula vahati: Tugaje kwi mulwugwʼumu amakati ga kuvalelʼavantʼimpuga vovulo? 34UwenʼuYesu ahati: Muli nago galingʼamakati? Avene vahati: Tuli nago gasanu nagavili nutuswi tunsi. 35PʼuYesu ahavavuzyʼavantʼimpuga yonti ahati: Simutendame pansi. 36Pʼahasendʼamakati gasanu nagavilʼaga nutuswʼutu, ahasalifwa. Pʼahaga-mensulanya, ahavapʼavasundikwa vakwe, avenʼavasundikwa vahavapʼavantʼimpuga yonti. 37Ve vahalya, vahikuta vonti. Pe vahavunganihʼutwalilʼutu twe valeshe, tuhizula muṿitundu ṿisanu naṿivili. 38Avene ve vahalya vali 4,000 ukuvazya ve vanaṿuli veka kusitakuvazya navantanda navana. 39Ilelo lwʼavavwezizyʼavantʼimpuga yonti, pʼahazuva mwivoti, ahavala munsi ya mu-Magadani.
Nu geselecteerd:
:
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Nyiha New Testament © British and Foreign Bible Society, 1965.