Matayi 18
18
Insambilizyo muvwahayisye
1-9: Mal. 9,33-47. Luk. 9,46-48.
1Pahavalilizyo huho pe vahapalamila kwa Yesu avasundikwa vakwe vahati: Umupiti mushinamwene sha kumwanya amwʼunanu? 2Pʼuwenʼahitʼumwana ahamuviha pahati, 3ahavavuzya ahati: Nalyoli nkuvavuzyʼine nkuti: Inga mutakuyandula, inga mutakuyipelʼukuva fwe vana, pe mutaliyinjila mushinamwene sha kumwanya. 4Nkandʼuno wengʼakuyisya weka, akuyipelʼukuva fwe mwana wununo, wʼakuva mupiti mushinamwene sha kumwanya. 5Uno wʼakuposhela wokʼumwana wʼali fwe wununo, ingʼakumuposhela mwe mwizina lyanʼine, wʼamposheleye nenene.
Insoshe kuli ve vakupunuzyʼavanji
6Nkandʼuno wengʼakupunuzya wokʼuwa vansʼiva ve vakunitihʼine, wʼahondeyʼukukunjilwʼulwala kunsingo ulwa kuvalʼukumudwiṿwa mwa sumbi mwe mwiviye. 7Ye mwe we nsi, impunuzyo zya kuvapunuzyʼavantu! shʼimpunuzyo zye zitakudumuha ndali, zikuva. Nkandi ye mwe we muntu wʼukuletʼulupunuzyo! 8Mwe mumwo lelo ingʼumuhono waho woka, ingʼishinama shaho shoka shikukupunuzya, pe dumulaga ushitaje! She nukuvalʼukwinjila muvulanzi shʼuyidumuye nukuva nago gonti amahono, ṿwonti niṿinama lwʼuvusilʼukutajilwa mumwoto wa shima—kwinza kwe kuyilemazya. 9Popʼingʼuyazile lyokʼilyinso lyaho likukupunuzyʼiwe, pe yipaga ulitaje, she nukuva wʼilyinso lyoka vwelele lwʼuvazile ukwinjila muvulanzi nukuva nago ge gavilʼaminso lwʼukuvalʼukutajilwa mwa gehena mwʼakwahʼumwoto — kwinza ukuva wʼilyinso lyoka. 10Mwandaje mutamupupusyaje numo uwa vansʼiva; she nkuvavuzyʼine nkuti: Avahavizya vavo kumwanya vakulolana nawo shima kuminsʼuTata wa kumwanya. 11[ShʼuMwanamuntu ayinzilʼukupoha she shitezile.]
Ishiholanyo sha ngʼonzi ye yatezile
12-14: Luk. 15,4-7.
12Vulʼimwe? Ingʼumuntʼalonsilʼingʼonzi amashumʼishumi, ilelo pe yokʼijende nukutega, pʼizyamwavʼamashumi gasanu nagane nazisanu nazine amwʼatangazileha mumagamba, atangavalʼukwanza yiyo yʼitezile? 13Ilelʼingʼavazilʼukuyaga, nalyoli nkuvavuzyʼine nkuti: Pʼaliseshela nkani pangʼonzi yiyo, alipitilizya nakuzyamwavo zyonti zye zitatezile mwe zivaliye zyontʼamashumi gasanu nagane nazisanu nazine. 14Shʼaho-nzizye vovulo wope nuSo wa kumwanya, atakasimʼukuti ategaje wokʼuwa vansʼiva.
Ṿwe pakuti tuvavombelaje avavombambivi
15Ilelʼingʼuwamwinyu atazilʼumulandu, pe valaga uhamusoshe lwe muyelelesile mwe vavili nawe nawuyo. Ingʼakwitisile pʼumulonsilʼuwamwinyu. 16Ingʼatakwitiha pʼuvasendʼavamwavo nga woka nga vavili, gontʼamazwi ukuti gavanje mumalomu ga vahome nga vavili nga vatatu. 17Inga vope navanava atakuvitiha, pʼuhaziyanje lwe shihominʼishivanza shonti. Inga shope nashe shivanza atakushitiha, pʼuhatinji kwe kuva wa kunzi lelo, nawe musonkolamusonko vwelele. 18Nalyoli nkuvavuzyʼine nkuti: Zyonti zyenga mukuzikunga imwe pansʼipa, zye zikuva zye zikunzilwe nakumwanya. Zyonti zyenga mukuzisatula imwe pansʼipa zye zikuva nsatulwa nakumwanya.
Uluputo lwa vonti poka
19Havili nkuvavuzyʼine nkuti: Inga muli vavili mwitinkine pansʼipa mutili nzagaga tulave hamʼahantu ahalive, nashenga honu, uTata wa kumwanya alivapa. 20Shenga vahomine mwizina lyane nga vavili nga vatatu, pe nane ndi navo mumwo.
Ṿwe zikuhondela ukuswilanʼimbivi nishiholanyo sha muvomṿʼumunyala
21Pupʼahapalamila kukwakwʼuPeteli, ahati: Mwene, uwamwitu ingʼakutalʼamalandu kukwane pe pakuti ngaswile halinga? Ingavanga hasano nahavili? 22UwenʼuYesu ahamula ahati: Ine ntakuti ugaswile uvuyizye hasano nahavili, ndali, nkandi uhafishe pamashumi gasano nagavili nahasano nahavili. 23Mwe mumwʼuvumwene vwa kumwanya vuholine numuntu umwene wʼatili avanyamata vane vambazizyʼiṿwane ṿwe navalesheye. 24Ilelo lwʼakwandʼukuvazya navo, pe vahamuleta kukwakwe woka wʼaliyʼamatalanta ge gali 10,000.#Italanta yoka tungalinganya nishilingi 5,000. 25Ayazile lelʼumwene ṿisoṿilʼiṿwa kumulipa, pʼumwene ahahomelezya ahati: Simukazye vonti nawuyo numushi wakwe navana vakwe naṿwonti ṿwengʼali naṿwo, mwe mṿwaje iṿwa kundipʼine. 26Pʼumunyamatʼuno ahamusugamilila ahalambilizya ahati: Unolovele suti kwe nkakulipe ṿwonti. 27Pʼumwene ahamupepelezyʼumunyamata wuyo ahamusatula, gope namalandu gakwe ahati ngalesile. 28Ilelo lwafumile pupʼumunyamata wuyo, pʼahahomana numunyamatʼuwamwavo wʼapaṿile kukwakwe amadinali amashumi ishumi, wʼahamulema ahamufina kunsingo ahati lipaga huho hʼupaṿile.#Idinali yoka tungalinganya nisenti 75. 29Pʼumunyamatʼula uwamwavo ahasugamila pansi, ahalambilizya ahati: Unolovele kwe nkakulipe vwonti. 30Uwene nyene ahasita ahavala nawo ahanawigalila mujela ahati akufuma lwʼalifile ṿiṿwo ṿwʼapaṿile. 31Avene nyenʼavanyamatʼavamwavo lwe vaziwenyi zinizi, pe vahaswimililwa nkani, vahavalʼukumuvuzyʼumwene wavo zyonti zye ziṿomṿilwe. 32Pʼumwene wakwe ahamwita ahati: We munyamata we munyala iwe, ṿwonti ṿwe waliye iwe ndesile shʼundambilizizye. 33Amwe patahondeye lelʼukuti nawʼumupepelezyajʼumunyamata wamwinyu, inza she nkupepelezizye nane? 34Pʼumwene wakwe ahamutwala kuvahayimṿwa, shʼaṿisitwe nkani, ahati alifuma mumwo lwʼalifile ṿwonti ṿiṿwo ṿwʼaliye. 35Namwe uTata wa kumwanya shʼalihonzya vovulo, inga mutakuswila mumoyo ginyu amalandu ga vamwinyu.
Nu geselecteerd:
Matayi 18: NYi1965
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Nyiha New Testament © British and Foreign Bible Society, 1965.