Mateo 4
4
1Haho Yesu walinivagwa na Roho kwibalangu kigele agemwe na Shetani. 2Na hanuma na kufunga nsiku makumi anne na mavuziku makumi anne nzala yamukolaga. 3Na muhumbiki wamwegelaga, umuwila, Ulu veve uli Mwana wa Mulungu, ugawile mawe genaya gave mikate. 4Alisi uyu witavukaga, uhaya, Yatonilwe,
Munhu kuzuvuka ngʼo ku mukate duhu, alisi ku kila muhayo hogwene gulifuma ku mulomo gwa Mulungu.
5Haho Shetani alimutongeka ku kaya nsondo, na alimwimika ku kansonge kʼisengelo na alimuwila, Ulu veve uli Mwana wa Mulungu, witikile hasi; kwisi yatonilwe,
6Akuvalagila vamalaika vakwe kunguno yako na vakukuvucha mu makono,
Kwigela ngʼo wikumpe kwiwe.
7Yesu wamuwilaga, Hangi yatonilwe,
Uleke kumuhumbika Guku Mulungu wako.
8Hangi Shetani alimutongeka ku lugulu lulihu muno, na alimolecha mavutemi gose ga liwelelo na malukumo 9gago na alimuwila, Genaya gose nkukupa veve ulu ulisukamba kunkuvila nene. 10Haho Yesu alimuwila,
Ingagaho Shetani, kwisi yatonilwe,
Umukuvile Guku Mulungu wako na umutumamile uyo inene.
11Haho Shetani wamulekaga, na vamalaika vizaga vamutumamilaga.
12Alisi aho Yesu wigagwa ati Yohana wafungilwe wajaga ku Galilaya. 13Na wasamaga ku Nazareti na wajaga na wikalaga mu Kapernaumu ya hanyanza mu 14maluvimbi ga Zebuloni na Naftali; kigele yifikile kitisi yayombilwe na mufumbuzi Yesaya, homwene alihaya,
15Nsi ya Zebuloni na nsi ya Naftali
Ha lwande lwa nyanza ku mwambu ya Yordani,
Galilaya ya vapagani:
16Vanhu hovene vikalage mu giti vaguvonaga mwanga muhanya,
Na mwanga gwavafumilaga venavo hovene vikalage mu mudaka gwa lufu.
17Kufuma hʼitungo lyenilo Yesu wavukizaja kutanizya na kuyomba, Mupiluke moyo, kwisi vutemi wʼilunde wegelaga. 18Na aho wayumbaga ha nguka ya nyanza ya Galilaya, wavavonaga vavili va vudugu, Simoni homwene alitanwa Petro, na muduguye Andrea, hovene vavagi valivutagila vukila mu nyanza, kwisi vavagi valovi. 19Na alivawila, Mundonde, nane nkumuvezya inwe kuvi valova vanhu. 20Na itungo lili vagalekaga mavukila, 21na vamulondaga. Na aho wasenegelaga hambele wavavonaga vangi vavili va vudugu, Yakobo mwana Zebedayo na muduguye Yohana, hovene vavagi mu wato hamohene na nsavo Zebedayo, na vavagi valigavezelezya mavukila gavo, na wavitanaga. 22Na itungo lili vavulekaga wato na nsavo na vamulondaga.
23Na Yesu wapilimaga mu Galilaya yose na wahembekaga mu masinagogo gavo na watanizaja Mhola ya Chelu ya vutemi, na wapizaja mavulwile gose na mavulema gose mugati na vanhu. 24Na vukumuku wakwe wasambalaga mugati na Shami yose; na vamuletelaga valwile vose hovene vadimagwa na mavulwile ga mitindo yose na mavusatu, vanhu va migavo, va kafunta, valema; 25na wavapizaja. Na mavuto mingi ga vanhu gamulondaga kufuma ku Galilaya na Dekapoli na Yerusalema na Uyahudi na ku mwambu ya Yordani.
Nu geselecteerd:
Mateo 4: Nym51
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Nyamwezi New Testament © Bible Society of Tanzania, 1951.
Mateo 4
4
1Haho Yesu walinivagwa na Roho kwibalangu kigele agemwe na Shetani. 2Na hanuma na kufunga nsiku makumi anne na mavuziku makumi anne nzala yamukolaga. 3Na muhumbiki wamwegelaga, umuwila, Ulu veve uli Mwana wa Mulungu, ugawile mawe genaya gave mikate. 4Alisi uyu witavukaga, uhaya, Yatonilwe,
Munhu kuzuvuka ngʼo ku mukate duhu, alisi ku kila muhayo hogwene gulifuma ku mulomo gwa Mulungu.
5Haho Shetani alimutongeka ku kaya nsondo, na alimwimika ku kansonge kʼisengelo na alimuwila, Ulu veve uli Mwana wa Mulungu, witikile hasi; kwisi yatonilwe,
6Akuvalagila vamalaika vakwe kunguno yako na vakukuvucha mu makono,
Kwigela ngʼo wikumpe kwiwe.
7Yesu wamuwilaga, Hangi yatonilwe,
Uleke kumuhumbika Guku Mulungu wako.
8Hangi Shetani alimutongeka ku lugulu lulihu muno, na alimolecha mavutemi gose ga liwelelo na malukumo 9gago na alimuwila, Genaya gose nkukupa veve ulu ulisukamba kunkuvila nene. 10Haho Yesu alimuwila,
Ingagaho Shetani, kwisi yatonilwe,
Umukuvile Guku Mulungu wako na umutumamile uyo inene.
11Haho Shetani wamulekaga, na vamalaika vizaga vamutumamilaga.
12Alisi aho Yesu wigagwa ati Yohana wafungilwe wajaga ku Galilaya. 13Na wasamaga ku Nazareti na wajaga na wikalaga mu Kapernaumu ya hanyanza mu 14maluvimbi ga Zebuloni na Naftali; kigele yifikile kitisi yayombilwe na mufumbuzi Yesaya, homwene alihaya,
15Nsi ya Zebuloni na nsi ya Naftali
Ha lwande lwa nyanza ku mwambu ya Yordani,
Galilaya ya vapagani:
16Vanhu hovene vikalage mu giti vaguvonaga mwanga muhanya,
Na mwanga gwavafumilaga venavo hovene vikalage mu mudaka gwa lufu.
17Kufuma hʼitungo lyenilo Yesu wavukizaja kutanizya na kuyomba, Mupiluke moyo, kwisi vutemi wʼilunde wegelaga. 18Na aho wayumbaga ha nguka ya nyanza ya Galilaya, wavavonaga vavili va vudugu, Simoni homwene alitanwa Petro, na muduguye Andrea, hovene vavagi valivutagila vukila mu nyanza, kwisi vavagi valovi. 19Na alivawila, Mundonde, nane nkumuvezya inwe kuvi valova vanhu. 20Na itungo lili vagalekaga mavukila, 21na vamulondaga. Na aho wasenegelaga hambele wavavonaga vangi vavili va vudugu, Yakobo mwana Zebedayo na muduguye Yohana, hovene vavagi mu wato hamohene na nsavo Zebedayo, na vavagi valigavezelezya mavukila gavo, na wavitanaga. 22Na itungo lili vavulekaga wato na nsavo na vamulondaga.
23Na Yesu wapilimaga mu Galilaya yose na wahembekaga mu masinagogo gavo na watanizaja Mhola ya Chelu ya vutemi, na wapizaja mavulwile gose na mavulema gose mugati na vanhu. 24Na vukumuku wakwe wasambalaga mugati na Shami yose; na vamuletelaga valwile vose hovene vadimagwa na mavulwile ga mitindo yose na mavusatu, vanhu va migavo, va kafunta, valema; 25na wavapizaja. Na mavuto mingi ga vanhu gamulondaga kufuma ku Galilaya na Dekapoli na Yerusalema na Uyahudi na ku mwambu ya Yordani.
Nu geselecteerd:
:
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Nyamwezi New Testament © Bible Society of Tanzania, 1951.