Mattĕo 17

Jezŭ B́ăkhlècòklîhta Ane

(Mărko 9.2-13; Lŭka 9.28-36)

1Kîd́ò̆ anithăthô hwădō, Jezŭ jo Petru, Zăkomo kî cî ṕîkò̆ Zowănnī kî Za htaihŭ lōwa d́ŏ khòlò̆ ahtajî dèmè̆ akho nu. 2Kîd́ò̆ Ze ne b́ăkhlèhta còklîgè lōwa tòcò ahlò̆mò̄. Zu mugādŭbŭ hlî̆segòdrògè acab́ô̆ lumu nu. Kîd́ò̆ Zè dèkô̆dèthò b́ô̆disi acab́ô̆ dèsciphò̆ nu. 3Kîd́ò̆ cabò̄, Mŏzè kî Elĭjah pòhtahtî cè tòcò ahlò̆mò̄, zò dòdò̄htî Jezŭ. 4B́ĕnu Petru d́òhtabogè Jezŭ gōjo, “B́ĭcè, wò ò b́ĕjo amòbò̄d́ò̆; akè b́è b́eḿĕ Na tha d́ō, wa gā pra d́ò̆è hipho thŏ wa; ḿî Ni nikhĭ dawa, Mŏzè anikhĭ dawa kî Elĭjah anikhĭ dawa nā?”

5Cò tò d́ò hwă dè hnî̆ńò, gôlô̄gele dè̄tob́o agè̄gòbrò dokhlo la gāb́i cè tòcò. Kîd́ò̆ d́ŏ dè̄tob́o aklè̆ dèlē thèhtagè dèdè̆ ad́ò, “Ajo ḿî Jo Phokhŏ Jè b́èlò̄gudu, htè ab́èthob́ètha Jè dèbwè nu. Sòkhĕńebò̄ ze lē.”

6Zo bōhmubicè tòcò thîhè̆ d́ō za lakhu tokola kî thaphuthaganāgè azî̄azô̄. 7Ḿî Jezŭ leb́ôhtî, Cò tòwè̄ lōwa alò Hwă d́ō, “Wè̄hto, Scisă ḿè,” Cò d́ò lōwa do. 8Kîd́ò̆ cè tòcò tcahta d́ō, zè dè kèhtî be bija dèbwè̆ ńò, ḿî Jezŭ dèbwè lò.

Elĭjah Adèdole

9Kîd́ò̆ b́ĕ ze gelakô khòlò̆ nu, Jezŭ hmèla cè tòcò gōjo, “Bija Apho da htaboge dèthĭ aklè̆ hnî̆ńò athŭtherĕ, d́ò̆sa ḿè bija thĭ tcahtî dè ajo dèbwè̆ ḿè.”

10Kîd́ò̆ Zo bōhmubicè tòcò d́ò Cè gōjo, “Mègōnu Skrĭbāpho tòcò d́ò ma, Elĭjah gā la ŭsu b́è manè̄?”

11Ḿî Jezŭ d́òge cè tòcò, “Elĭjah gā la hnèhnèkò̆ hŏ kî zā prahnèkò̆ dèlŏcăcè. 12Barasă Jò d́ò̆sa thĭ htè Elĭjah la hwă htŏ dòkhò̆ nu, ḿî bija di thîhè̆ cè ńò; kîd́ò̆ bija mèi darazăgè cè acab́ô̆ ab́è bija atha nu lò. Bija Apho gā khab́èkò̆ gōnu nu.”

13B́ĕnu Zo bōhmubicè tòcò thîhè̆kò̆ htè Zè dèjî̄b́è ajo ḿîgè Zowănnī Baptĭsta awîakè̆ nu.

Jezŭ Mèhmage Hnèphîb́è Amikhŏpho Dèbwè

(Mărko 9.14-29; Lŭka 9.37-43)

14Kîd́ò̆ b́ĕ Zo dolehtî bija aboahò nu, bija dèbwè lehtî Cè, zo dōhnŏlă lōwa ahlò̆mò̄ kî cò d́ò, 15“B́ĭcè, khòwèbò̄ jo phokhŏ tîkî. Manè̄ kòd́òdo dō, zi thî̆scî̆hta kî za khab́èsôzî̄gè, za lakhunī tèpwè hmîklè̆ kî htĭklè̆ dèjwèjwè lò. 16Je lei cè No bōhmubicè tòcò ò, ḿî zè dèmèhmage kèhta lōwa ńò.”

17B́ĕnu Jezŭ d́òge cè gōjo, “Ŏ bija atu b́udè ńò kî ahèphrò dikhwĭ, Jò kò̄ òkôb́è thĭ kă dādè̄? Jò gò̄ khòthad́ò̆b́è thĭ dādè̄? Lei cè Jò ò b́ĕjo.” 18Kîd́ò̆ Jezŭ hò̆ cè, kî dèhnè hèhtagè zi hîklè̆ kî b́ĕnu akhî phlò̆ ahlò̆mò̄ abĭsèpho hmagegè.

19Whă d́ō Zo bōhmubicè tòcò lehtî ladū Jezŭ kî cò d́ò, “Wa da hna hèhta kèhta ma dèhnè ńò nè̄?”

20Jezŭ d́ò cè tòcò gōjo, “Ḿî thĭ dèb́u tò ò ńò akhoacè̆. Manè̄ kòd́òdo dō, Jò d́ò thĭ adî̄ahma, thĭ dèb́u kò ò ma htĕ thèplèphlo nu d́ō, thĭ kò̄ d́ò khòlò̆ ajo dèmè̆, ‘Hèphlòḿĭ b́ĕjo kî lebò̄ d́ŏnu,’ d́ō agè̄ hèphlòḿĭ tèpwè. Kîd́ò̆ thĭ nikhĭ dè atè kèhta za ńò kò tò ò tèpwè dimĭ ńò.”

21Barasă dèhnè ajo domo b́èhnahèhta za ḿî dèthèb́è̆ kî dèd́u dèadèò̆ abu lò.

Jezŭ D́ò̆sadòlò Adèssègnè̆bòdò Gīpla tapla

(Mărko 9.30-32; Lŭka 9.43-45)

22B́ĕ Cò òplowe lōwa Galilĕage bu nu, Jezŭ d́ò cè tòcò gōjo, “Bija Apho kè̄ b́è ilaphlòḿĭkò̆ bija acukhòbu. 23Bija gè̄ mèthĭkò̆ Cè; kî thŏni dini za gā htabogekò̆,” Cò d́ò lōwa d́o.

Kîd́ò̆ cè tòcò ohmŭorasôgè.

Dèila Zarādo Adèhmŭ

24Kîd́ò̆ b́ĕ Zo dole Kapèrnaum U nu, bija ahè da Zarādo adèhmŭ tòcò lehtî Petru kî cò d́ò lōwa, “Thĭ Sara ti i Zarādo adèhmŭ ńò ā?”

25“Ci i hŏ,” cò d́ò do. Kîd́ò̆ b́ĕ ze lenī hibu nu, Jezŭ d́òsĭ ŭsu cè gōjo, “Simŏnè, no gomobò̄ cadè̄? Lākho Asaphra tòcò phî d́ŏhmŭ ḿîwî, gehmŭ ḿîwî bò̄bwè ò bwè? Zo pho zi li ò ā? Ḿî̆dîḿî ńò tî̆tèḿè̆ ò ā?”

26“Tî̆tèḿè̆ ò,” Petru d́ò do.

Jezŭ d́ò cè, “Mègōnu, pholi tòcò òhlô̆òla tèpwè. 27Barasă cab́ô̆htè wo kho wè cè̆ zo gō do gomo kèḿèbò̄ dè ńò nu, lebò̄ pèllèbu kî hwĕlădēbò̄ dèkhwè̆, kîd́ò̆ phîbò̄ dāpho aglā ŭsu tòb́ò̆ nu kîd́ò̆ b́ĕ na b́apha ahòbŭ nu, na gā panikò̆ hô̆ tèb́e. Phî kî ibò̄ cè tòcò Ji nikhĭ, kî ni nikhĭ.”

Nu geselecteerd:

Mattĕo 17: GRNT21

Markering

Deel

Kopiëren

Wil je jouw markerkingen op al je apparaten opslaan? Meld je aan of log in

Geba Roman New Testament © Bible Society of Myanmar, 2021.

Meer informatie over Geba Roman New Testament