Tegagia 6
6
Mia mpoweweu mosa'o
6:1-8
1Tempono mia mompu'u tetiangi hadio i wawontolino, ka dompe'anaako ira ana beine, 2luwuno anu tuwu i suruga mengkitao nine ana beinedo mia atuu ntekokosi. Ka i'amba inso i olodo beine atuudo ondae mpo'ala gagi beinedo, isemamo koa anu inehedo. 3Mepau Iramo i Ue, ”Penaa-Ku nahi ta mo'ia mpiha i larono mia hangano mia atuu ihi. Tinuwuno butu ta hawe asa etu ka rua pulu nta'u koa.” 4I tempo atuu ka lembuino mbo'u, hinao mia melolangkai i tolino, tempono anu tuwu i suruga mpewowaliako ira ana beinedo mia ka beine atuudo mpe'anaako ira anado. Ondaemo atuu mia anu moroso ka mosia i tempo se'eluno, luwuno mia anu telele needo.
5 #
Mat. 24:37; Luk. 17:26; 1Pet. 3:20 Dokitao i Ue tedoa langkai mosa'ono wineweuno mia i tolino, ka luwuno pinewowolono aroano wela mewuaako mosa'oa mpena. 6Ka Do'amba i Ue me'o'ole nine Dopokogagiomo mia i tolino, ka mongkona atuu mokomasusao aroa-Do. 7Mepau Iramo i Ue, ”Aku mokotampula ira mia anu pinokogagi-Ku atuu inso i wawontolino, moiko mia maupo pinotuwu, luwuno kondehora melele ka luwuno manu-manu i laro meene, hangano me'o'ole Aku nine Kupokogagi iramo.” 8Sine i Noho mohawe pompehohawa-Do i Ue.
I Noho ka bangkano
6:9-22
9 #
2Pet. 2:5
Ndiomo tutuluno somborino i Noho. I Noho onaemo asa mia anu mentee ka nahina tataano i olodo luwuno mia i tempo atuu, ka i Noho momperorohi ndi Ondae Ue Ala. 10I Noho mohawe otolu ira anano tama: i Semi, i Hami, ka i Yapeti. 11I aro-Do Ue Ala tolino mosa'oomo lahi ka bukeako pobobarasaia. 12Dokitao Ue Ala tolino atuu, ka mengkaa tedoa ntu'u mosa'o, hangano luwuno mia mpoweweu anu mosa'o i tolino.
13Mepau Iramo Ue Ala ndi Noho, ”Kuputusiomo mokotampulao tuwudo luwuakoano anu tuwu, hangano tolino bukeako pobobarasaido. Kanandio-andio, Aku mokotampula ira meronga saru tolino. 14Weweuomo asa bangkamu inso a ngkeu gopiri. Bangka atuu asalakono weweuo mpebolo-bolongko ka asalakono apiiakono tere i bungkuno ka i larono. 15Kanandiomo asalakono uweweuo bangka atuu: tolu etu hiku ondauno, lima pulu hiku maluano, ka tolupulu hiku mantandeno. 16Poweweuakono atono bangka atuu ka poko'umariomo bangka atuu hawe asa hiku inso i wawono, ka pasaomo tondono i apano. Weweuomo bangka atuu metuda i totono, i tongano ka i wawono. 17Menteeano Aku mompotii lolowi sumampuo tolino mokotampulao luwuno anu tuwu, anu hinao penaano i totono langi; luwuno anu kongko i tolino ta mate. 18Sine, Aku moweweu pedandia-Ku saru omue. Omue komewinso a laro bangka atuu: omue meronga saru luwuno anamu, beinemu ka beinedo luwuno anamu. 19Inso a luwuno anu tuwu, inso a luwuno anu hinao penaano, asa pasa inso a luwuno atuu asalakono uwawao a laro bangka, ka itepekaria tuwudo meronga saru omue; asalakono wawao lakino ka waino. 20Inso a luwuno rupano manu-manu, inso a luwuno rupano kondehora melele i wawontolino, inso a luwuno rupano pinotuwu, inso a luwuno atuu, asalakono hawe asa pasa ndi omue, ka itepekaria tuwuno. 21Sine omue, wawaomo luwuno anu moiko ikinaa. Pumpuomo atuu ndi omue ka igagi kaangamu ka ondae.” 22#Ibr. 11:7Ka i'amba i Noho weweuo luwuno atuu; kona ntu'u kana peparenta-Do Ue Ala ndi onae, kanatuumo iweweuo.
Nu geselecteerd:
Tegagia 6: XMZ
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Tegagia 6
6
Mia mpoweweu mosa'o
6:1-8
1Tempono mia mompu'u tetiangi hadio i wawontolino, ka dompe'anaako ira ana beine, 2luwuno anu tuwu i suruga mengkitao nine ana beinedo mia atuu ntekokosi. Ka i'amba inso i olodo beine atuudo ondae mpo'ala gagi beinedo, isemamo koa anu inehedo. 3Mepau Iramo i Ue, ”Penaa-Ku nahi ta mo'ia mpiha i larono mia hangano mia atuu ihi. Tinuwuno butu ta hawe asa etu ka rua pulu nta'u koa.” 4I tempo atuu ka lembuino mbo'u, hinao mia melolangkai i tolino, tempono anu tuwu i suruga mpewowaliako ira ana beinedo mia ka beine atuudo mpe'anaako ira anado. Ondaemo atuu mia anu moroso ka mosia i tempo se'eluno, luwuno mia anu telele needo.
5 #
Mat. 24:37; Luk. 17:26; 1Pet. 3:20 Dokitao i Ue tedoa langkai mosa'ono wineweuno mia i tolino, ka luwuno pinewowolono aroano wela mewuaako mosa'oa mpena. 6Ka Do'amba i Ue me'o'ole nine Dopokogagiomo mia i tolino, ka mongkona atuu mokomasusao aroa-Do. 7Mepau Iramo i Ue, ”Aku mokotampula ira mia anu pinokogagi-Ku atuu inso i wawontolino, moiko mia maupo pinotuwu, luwuno kondehora melele ka luwuno manu-manu i laro meene, hangano me'o'ole Aku nine Kupokogagi iramo.” 8Sine i Noho mohawe pompehohawa-Do i Ue.
I Noho ka bangkano
6:9-22
9 #
2Pet. 2:5
Ndiomo tutuluno somborino i Noho. I Noho onaemo asa mia anu mentee ka nahina tataano i olodo luwuno mia i tempo atuu, ka i Noho momperorohi ndi Ondae Ue Ala. 10I Noho mohawe otolu ira anano tama: i Semi, i Hami, ka i Yapeti. 11I aro-Do Ue Ala tolino mosa'oomo lahi ka bukeako pobobarasaia. 12Dokitao Ue Ala tolino atuu, ka mengkaa tedoa ntu'u mosa'o, hangano luwuno mia mpoweweu anu mosa'o i tolino.
13Mepau Iramo Ue Ala ndi Noho, ”Kuputusiomo mokotampulao tuwudo luwuakoano anu tuwu, hangano tolino bukeako pobobarasaido. Kanandio-andio, Aku mokotampula ira meronga saru tolino. 14Weweuomo asa bangkamu inso a ngkeu gopiri. Bangka atuu asalakono weweuo mpebolo-bolongko ka asalakono apiiakono tere i bungkuno ka i larono. 15Kanandiomo asalakono uweweuo bangka atuu: tolu etu hiku ondauno, lima pulu hiku maluano, ka tolupulu hiku mantandeno. 16Poweweuakono atono bangka atuu ka poko'umariomo bangka atuu hawe asa hiku inso i wawono, ka pasaomo tondono i apano. Weweuomo bangka atuu metuda i totono, i tongano ka i wawono. 17Menteeano Aku mompotii lolowi sumampuo tolino mokotampulao luwuno anu tuwu, anu hinao penaano i totono langi; luwuno anu kongko i tolino ta mate. 18Sine, Aku moweweu pedandia-Ku saru omue. Omue komewinso a laro bangka atuu: omue meronga saru luwuno anamu, beinemu ka beinedo luwuno anamu. 19Inso a luwuno anu tuwu, inso a luwuno anu hinao penaano, asa pasa inso a luwuno atuu asalakono uwawao a laro bangka, ka itepekaria tuwudo meronga saru omue; asalakono wawao lakino ka waino. 20Inso a luwuno rupano manu-manu, inso a luwuno rupano kondehora melele i wawontolino, inso a luwuno rupano pinotuwu, inso a luwuno atuu, asalakono hawe asa pasa ndi omue, ka itepekaria tuwuno. 21Sine omue, wawaomo luwuno anu moiko ikinaa. Pumpuomo atuu ndi omue ka igagi kaangamu ka ondae.” 22#Ibr. 11:7Ka i'amba i Noho weweuo luwuno atuu; kona ntu'u kana peparenta-Do Ue Ala ndi onae, kanatuumo iweweuo.
Nu geselecteerd:
:
Markering
Deel
Kopiëren
Wil je jouw markerkingen op al je apparaten opslaan? Meld je aan of log in