Mʉkpanganɨa 5
5
1Uduɓa wɔ ɨfananja ngɨyɔ Adamʉ wa bɔ: Ɓisi ngʉɓa Asɔɓɨɨ a꞉kɨa-ɔɔ ɓombi, a꞉ɓʉkɨa ta ndʉ ɨyɔ ingainga. 2A꞉ɓʉkɨa ndʉ gue nɔ moi, nɔ kʉdɔ, a꞉ɓʉkiokio, nɔ, ɔ꞉ɓinjo tɨa ino yɔ «ɓombi» kʉ nɔ ɓisi ngʉɓɔnanɨ a꞉ɓʉkɨa-ɔɔ.
3Ɨyɛ ndʉ Adamʉ a꞉ɓio tɨa nɔ mago mɨa mʉngana nɔ ɓatɛkɛɓɛ ɓaatʉ, ɔ꞉tɔnɔta mwana ata gue ngɨa a꞉mʉkpata ta ɨyɔ ɓɔ hiyo. Ɔ꞉mʉsʉa ino ɓɔ Sɛtɨ. 4Ambise angɔ akɔnɔta Sɛtɨ, Adamʉ a꞉kwaa ɓata-sɨ ta mago mɨa ɓɛgɨna. Nɔ, ɔ꞉nɔta ɓata kʉɔ ɓana ngaɓɔmɔ ɓegue nɔ ɓeɓoi. 5Adamʉ a꞉wo ɔɓieni tɨa nɔ mago maɓomu, mɨa ɨsaɓɔkʉ nɔ ɓatɛkɛɓɛ ɓaatʉ.
6Ɨyɛ ndʉ Sɛtɨ a꞉ɓio tɨa nɔ mago mɨa mʉngana nɔ ɓɔkʉ, ɔ꞉tɔnɔta Ɛnɔsɨ. 7Ambise angɔ akɔnɔta Ɛnɔsɨ, Sɛtɨ a꞉kwaa ɓata-sɨ mago ta mɨa ɓɛgɨna nɔ mɛɗɨanɛka. Nɔ, ɔ꞉tɔnɔta ɓata kʉɔ ɓana ngaɓɔmɔ ɓegue nɔ ɓeɓoi. 8Ɨyɔ Sɛtɨ, a꞉wo ɔɓieni tɨa nɔ mago maɓomu, mɨa ɨsaɓɔkʉ nɔ tɛkɛɓɛ nɔ ɓepini.
9Ɨyɛ ndʉ Ɛnɔsɨ a꞉ɓio tɨa nɔ mago ɓatɛkɛɓɛ ɨsaɓɔkʉ, ɔ꞉tɔnɔta tɨa Kɛnanɨ. 10Ambise angɔ akɔnɔta Kɛnanɨ, a꞉kwaa ɓata-sɨ ta mago mɨa ɓɛgɨna nɔ tɛkɛɓɛ nɔ ɓɔkʉ. Nɔ, ɔ꞉tɔnɔta ɓata kʉɔ ɓana ngaɓɔmɔ ɓegue nɔ ɓeɓoi. 11Ɨyɔ Ɛnɔsɨ, a꞉wo ɔɓieni tɨa nɔ mago maɓomu, mɨa ɨsaɓɔkʉ nɔ ɓɔkʉ.
12Ɨyɛ ndʉ Kɛnanɨ a꞉ɓio tɨa nɔ mago ɓatɛkɛɓɛ mɛɗɨanɛka, ɔ꞉tɔnɔta Mahalalɛlɨ. 13Ambise angɔ akɔnɔta Mahalalɛlɨ, Kɛnanɨ a꞉kwaa ɓata-sɨ ta mago mɨa ɓɛgɨna nɔ ɓatɛkɛɓɛ ɓɔgɨna. Nɔ, ɔ꞉tɔnɔta ɓata kʉɔ ɓana ngaɓɔmɔ ɓegue nɔ ɓeɓoi. 14Ɨyɔ Kɛnanɨ, a꞉wo ɔ꞉ɓieni tɨa nɔ mago maɓomu, mɨa ɨsaɓɔkʉ nɔ tɛkɛɓɛ.
15Ɨyɛ ndʉ Mahalalɛlɨ a꞉ɓio tɨa nɔ mago ɓatɛkɛɓɛ mɛɗɨa nɔ ɓɔkʉ, ɔ꞉tɔnɔta Yɛlɛdɨ. 16Ambise angɔ akɔnɔta Yɛlɛdɨ, a꞉kwaa ɓata-sɨ ta mago mɨa ɓɛgɨna nɔ ɓatɛkɛɓɛ ɓaatʉ. Nɔ, ɔ꞉tɔnɔta ɓata kʉɔ ɓana nga ɓɔmɔ ɓegue nɔ ɓeɓoi. 17Ɨyɔ Mahalalɛlɨ, a꞉wo ɔɓieni tɨa nɔ mago maɓomu, mɨa ɓɛgɨna nɔ ɓatɛkɛɓɛ ɨsaɓɔkʉ nɔ ɓɔkʉ.
18Ɨyɛ ndʉ Yɛlɛdɨ a꞉ɓio tɨa nɔ mago mɨa mʉngana nɔ ɓatɛkɛɓɛ mɛɗɨa nɔ kapɨnɨ, ɔ꞉tɔnɔta Ɛnɔka. 19Ambise angɔ akɔnɔta Ɛnɔka, Yɛlɛdɨ a꞉kwaa ɓata-sɨ ta mago mɨa ɓɛgɨna. Nɔ, ɔ꞉tɔnɔta ɓata kʉɔ ɓana nga ɓɔmɔ ɓegue nɔ ɓeɓoi. 20Ɨyɔ Yɛlɛdɨ, a꞉wo ɔɓieni tɨa nɔ mago maɓomu, mɨa ɨsaɓɔkʉ nɔ ɓatɛkɛɓɛ mɛɗɨa nɔ ɓepini.
21Ɨyɛ ndʉ Ɛnɔka a꞉ɓio tɨa nɔ mago ɓatɛkɛɓɛ mɛɗɨa nɔ ɓɔkʉ, ɔ꞉tɔnɔta Mɛtʉsɛla. 22Ambise angɔ akɔnɔta Mɛtʉsɛla, ɨyɔ Ɛnɔka a꞉kwaa ɓata-sɨ mago ta mɨa ɓeetu, ɓɔɓieni akɔnɔ nɔ Asɔɓɨɨ ta iɗo. Nɔ, ɔ꞉tɔnɔta ɓata kʉɔ ɓana nga ɓɔmɔ ɓegue nɔ ɓeɓoi. 23Mago maɓomu ngʉka Ɛnɔka a꞉kwaa ɛsɨ ɔ ɨpá, ka꞉ɓio mɨa ɓeetu nɔ ɓatɛkɛɓɛ mɛɗɨa nɔ ɓɔkʉ. 24Ɨyɔ Ɛnɔka, ɓa꞉ɓikɔnɔ nɔ Asɔɓɨɨ iɗo. Mbise ɔngɔ ɔ꞉nawo ga woo, dɔ, Asɔɓɨɨ a꞉ɓio ɓɔ ɔmʉsɨkeni tɨa sɨkanɨ.
25Ɨyɛ ndʉ Mɛtʉsɛla a꞉ɓio tɨa nɔ mago mɨa mʉngana nɔ ɓatɛkɛɓɛ ɓɛgɨna nɔ mɛɗɨanɛka, ɔ꞉tɔnɔta Lamɛkɨ. 26Ambise ɨyɔ akɔnɔta Lamɛkɨ, Mɛtʉsɛla a꞉kwaa ɓata-sɨ ta mago mɨa mɛɗɨanɛka nɔ ɓatɛkɛɓɛ ɓɛgɨna nɔ ɓepini. Nɔ, a꞉nɔta ɓata kʉɔ ɓana ngaɓɔmɔ ɓegue nɔ ɓeɓoi. 27Mɛtʉsɛla a꞉wɔ ɔɓieni tɨa nɔ mago maɓomu, mɨa ɨsaɓɔkʉ nɔ ɓatɛkɛɓɛ mɛɗɨa nɔ ɨsaɓɔkʉ.
28Ɨyɛ ndʉ Lamɛkɨ a꞉ɓio tɨa nɔ mago mɨa mʉngana nɔ ɓatɛkɛɓɛ ɓɛgɨna nɔ ɓepini, ɔ꞉tɔnɔta mwana ata gue. 29Kʉdɔ, a꞉mʉsʉa ino ɓɔ Nɔa#5:29 Nɔa: pɔ ɓɔ yanʉkanɨa tinetine ndʉ «sungo mʉtɨma» nɔ Ebelenia, yakamɛngana, ya aka tɨa ɓɔ «tʉngbʉa», nɔ ɔ꞉sugo ɓɔ: «Ɨyɔ mwana ngɨananɨ akɛ, a꞊tɨtʉngbʉa akɔ tɛa yɛta ɓʉmʉ ngɨyeso, ɨyɛ, takɨa nɔ lɨkɔndɔ ngɨleso, amati ɔ ɨtaka ngɨyɛ MAKWƆƁƗƗ a꞉ɨgbanga ngbanganɨ ayɛ.» 30Ambise angɔ akɔnɔta Nɔa, Lamɛkɨ a꞉kwaa ɓata-sɨ ta mago mɨa ɓɔkʉ nɔ ɓatɛkɛɓɛ ɨsaɓɔkʉ nɔ ɓɔkʉ. Nɔ, ɔ꞉tɔnɔta ɓata kʉɔ ɓana ngaɓɔmɔ ɓegue nɔ ɓeɓoi. 31Lamɛkɨ a꞉wɔ ɔɓieni tɨa nɔ mago maɓomu, mɨa mɛɗɨanɛka nɔ ɓatɛkɛɓɛ mɛɗɨanɛka nɔ mɛɗɨanɛka.
32Ɨyɛ ndʉ Nɔa a꞉ɓio tɨa nɔ mago mɨa ɓɔkʉ, ɔ꞉tɔnɔta atɨ Sɛmʉ, Hama nɔ Yafɛtɨ.
Nu geselecteerd:
Mʉkpanganɨa 5: buuN
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© 2021, Wycliffe Bible Translators, Inc.