متا 21
21
مسیح آخری وأرٚ رِه شِه اورشلیم
1هو وخت کی فأرٚسِده بیت فأجی، کی زیتون کوه میأن، اورشلیمٚ نیزدیکی نٚهأ بو، عیسا دوتأ خو شأگردأنَ پیش پیش اوسه کوده 2و بٚفرمأسته: «بیشید او دیهأتی کی شیمی جولو نٚهأ. هو زمأت کی بوشؤیید بودورون، ایتأ اولأغَ اونی زأکٚ اَمرأ دینیدی کی دٚوٚستٚه دأرٚده. اوشأنَ وأکونید و بأوٚرید می ورجأ. 3اگه کسی وأوٚرسِه چی کودأندرید، بیگید: "خوداوند اَشأنَ لأزیم دأره،" و اونم دفأتن وئأله اوشأنَ بأوٚرید.»
4اَ کأرٚ اَمرأ، ایتأ جٚه قدیمٚ پیغمبرأنٚ پیشگویی، انجأم بوبو کی بوگفته بو:
5«اورشلیمَ بیگید: "تی پأدیشأ اَیِه تی ورجأ. اون فروتنٚ و اولأغ سٚر نیشینه، کرّه اولأغ سٚر."»#21:5 زکریأ ۹:۹
6او دوتأ شأگردأن بوشؤده و هر چی عیسا بوگفته بو، انجأم بٚدأده. 7اوشأن اولأغ و اونی زأکَ بأوٚردٚد و خوشأنَ لیوأسأنَ اوشأنَ پوشت تأوٚدأده و عیسا سوأرَ بو. 8جِمئیت میأن، خٚیلیأن خوشأنی لیوأسأنَ اونی رأ سٚر، جأده دورون وأشأدأندوبود و بعضیتأنٚم دأرٚ خألأنٚ وأوِده، اونی رأ سٚر جأده دورون وأشأدأندوبود.
9مردوم جٚه پس و پیش، دٚوأرٚستأندوبود و ایجگره زِئید: «هوشیعانا #21:9 «هوشیعانا» وأژه ینی«خأهیش کونیم نیجأت بٚدٚن». ولی بأزون جٚه اَ وأژه، حمد و ستأیٚش وأسی ایستفأده بوکودٚد؛ اَطویی هم آیه‌یٚ ۱۵ دورون.داوودٚ پٚسرٚ رِه! مووأرٚکٚ اون کی خوداوندَ نأمٚ اَمرأ اَیِه. بوجؤرترینٚ آسمأنأنَ دورون!»#21:9 مزمور۱۱۸:۲۵-۲۶؛۱۴۸:۱
10وختی اون بوشؤ اورشلیم دورون، تومأمٚ شهر بٚذوق بأمؤده. مردوم وأوٚرسِئید: «اَ مردأی کیسه؟»
11جوأب ایشتأوٚستید: «اون عیسایٚ پیغمبره، جلیلٚ ناصره جَا بأمؤ.»
عیسا خو دٚسٚ اَمرأ معبدَ پأکَ کونه
12بأزون عیسا بوشؤ معبدٚ دورون و اوشأنی‌یَ کی اویَه بیهین بوفروش کودأندوبود، تأودأ بیرون و صرّأفأنٚ تختأنٚ و کوتٚر فوروشأنَ بٚسأطٚ فوگوردأنه.
13عیسا اوشأنَ بوگفته: «موقدسٚ کیتأبأن فرمأیٚده کی "می خأنه، دوعأ خأنه، دؤخأده بِه"، ولی شومأن اونَ دوزدأنٚ لأنه چأکودیدی.»
14هو زمأتٚ میأن، کورأن و ایفلیجأن بأمؤده اونی ورجأ معبٚدٚ دورون و اون همٚتأنَ شفأ بٚدأ. 15پیله کأهینأن و دینٚ عألیمأنٚم اَ موجیزه‌یأنَ فأندرستأندوبود، و ایشتأوٚستید کی کوجی‌زأکأن ایجگره زٚنده، گده: «خوش بأمؤیی، اَی داوودٚ پأدیشأ پٚسر!» 16هنٚ وأسی زٚرخَ بوستٚد، عیسا‌یَ بوگفتد: «نشتأوی اَ زأکأن چی گده؟»
عیسا جوأب بٚدأ: «چٚره، ایشتأوٚم! شومأن مگه هیوخت موقدسٚ کیتأبأنَ نٚخأندیدی؟ اویَه بینیویشته بوبوسته کی "زأکأن و شیرخوره زأکأن، تی ستأیٚشٚ رِه زوأن وأزَ کونٚد!" #21:16 مزمور ۲:۸»
17بأزون شهرٚ جَا بوشؤ بیرون، بوشؤ بیت عنیا و شب هویه بئیسأ.
ایمأنٚ قوّت
18فردأیی صُبٚ دٚمٚ رِه، وختی عیسا وأگردستأندوبو اورشلیم، اونَ ویشتأ کوده. 19جأده کنأر ایتأ اَنجیل دأرَ بیدِه؛ بوشؤ اونی ور کی ایتأ مِیوه بیچینه. ولی دأرٚ سٚر جغرز ولگ دِه هیچی نیأفته. پس بوگفته: «بٚبه کی دِه هیذره تی جَا مِیوه بیرون نأیِه!» دفأتن دأر خوشکَ بوسته.
20وختی شأگردأن اَ مأجیرأیٚ بیدِده قأقَ بوستٚد، بوگفتد: «چی زود اَنجیل دأر خوشکٚ بو!»
21عیسا اوشأنَ بوگفته: «رأس‌رأسِی شٚمٚره گم اگه ایمأن بٚدأرید و شک نوکونید، نه فقد اَ کأر، بلکی جٚه اَن پیله‌ترم انجأم دیهیدی. حتّا تأنید اَ کوهَ بیگید، "جٚه اَیَه بٚکنده بوبو و دریأ دورون تأوٚدأ بوبو"، و هطویی به. 22اگه ایمأن بٚدأرید، دوعأ دورون هر چی بٚخأیید، یأفیدی.»
عیسا ایتأ سوألَ، سوألٚ اَمرأ جوأب دِهه
23عیسا ایوأردِه بأمؤ معبدٚ دورون و مردومٚ آمؤختٚنَ سٚر بیگیفت. پیله کأهینأن و قومٚ پیله کسأن بأمؤده و اونی جَا وأورسئده: «کو ایقتدأرٚ اَمرأ اَ کأرأنَ انجأم دیهی؟ کی تٚرَه اَ ایقتدأرَ فأدأ؟»
24عیسا بٚفرمأست: «بٚشرطی شیمی جوأبَ دٚهٚم کی اوّل می جوأبَ بدید. 25یوحنا ایقتدأر، مردومٚ تعمید دئنٚ رِه آسمأنٚ جَا بو یا اینسأنٚ جَا؟»
اَشأن اَ موضو وأسی کس‌کسٚ اَمرأ مشوٚرت بوکودٚد و بوگفتد: «اگه بیگیم خودا اونَ اوسه کوده، خودمأنٚ بٚدأم تأوٚدأ دأریم، چون وأوٚرسِه: پس چٚره اونَ ایمأن نأوٚردیدی؟ 26و اگه بیگیم اینسأنٚ جَا بو، اَ مردوم اَمٚرَه فوتورکٚده، چون همٚتأن یوحنایَ پیغمبر دأنده.»
27آخرپٚسی بوگفتد: «اَمأن نأنیم!»
عیسا بٚفرمأسته: «پس اَنٚ وأسی منم شٚمٚره نگم کی کو ایقتدأرٚ اَمرأ اَ کأرأنَ کونم.
دو تأ رِیکٚ دأستأن
28«ولی شیمی نظر اَ موردٚ رِه چیسه؟
«ایتأ مردأی دوتأ پٚسر دأشتی. پیله پٚسرَ بوگفته: پٚسر جأن، ایمرو بوشو زیمینٚ سٚر کأر بوکون. 29جوأب بٚدأ: " نٚشم!" ولی بأزین پٚشیمأنَ بو و بوشؤ. 30بأزون، خو کوجه پٚسرم هه گبَ بٚزِه. اون جوأب بٚدأ: "چوم آقأ جأن شٚم." ولی نوشؤ. 31شیمی فیکرٚ اَمرأ، کویتأ پٚسر خو پئر فرمأنَ انجأم بٚدأ؟»
جوأب بٚدأده: «البت کی پیله پٚسر.»
بأزون عیسا خو منظورَ اَ دأستأنَ جَا بٚفرمأسته: «موطمٚین بیبید فأسیدٚ باج‌فأگیرأن و فأیشه‌یأنٚ، شیمی جَا پیشتر شٚده خودا ملکوتٚ دورون، 32چون یوحنا شٚمٚره دعوت بوکوده کی خودا ور وأگردید و توبه بوکونید، ولی شومأن اونی دعوتَ توجه نوکودید، ولی خٚیلی جٚه باج‌فأگیرأن و فأیشه‌یأنٚ اونَ ایمأن بأوٚردٚد. حتّا اَ موضو دِئنٚ اَمرأ، بأزم شومأن توبه نوکودید و ایمأن نأوٚردید.
ظألیمٚ بأغبأنأنٚ دأستأن
33«ایتأ دِه نقلَ بشتأوید: اینفر کی ایتأ مِلکٚ صأب بو، اویَه انگور بأغ چأکود و اونی دؤر تأ دورَ رٚمٚش بوکوده، انگورأن دمختنٚ وأسی ایتأ چأچه چأکوده، و ایتأ نیگهبأنی بُرجم اویَه بٚپأ بدأشت و او بأغٚ، چنتأ بأغبأنَ ایجأره بٚدأ، و بوشؤ موسأفیرت. 34انگور چِئنٚ فصلٚ رِه، خو آدمأنَ اوسه کوده کی بأغٚ مأصولٚ جَا خو سأمَ فأگیره. 35ولی بأغبأنأن اوشأنَ بیگیفتٚد، ایتأیَ بٚزِئده، ایتأیَ بوکوشتٚد و اویتأیَ سنگسأر بوکودٚد. 36صأب بأغ چنتأ دِه جٚه خو غولأمأنَ اوسه کوده کی خو سأمَ فأگیره؛ ولی بأزم هوطو بوبو. 37آخرپٚسی خو پٚسرَ اوسه کوده، اَ خیأل اَمرأ کی اونَ حورمٚت نٚهٚده. 38ولی وختی بأغبأنأنٚ چوم دکفته، صأب بأغٚ پٚسرَ، کس‌کسَ بوگفتد: "اون وأرثه؛ پس بأیید اونَ بوکوشیم کی بأغ اَمی شین بٚبه." 39پس اونَ بأغٚ جَا بیرون ببردٚد و بوکوشتٚد.
40«اَسه چی فیکر کونیدی؟ وختی صأب بأغ وأگرده، بأغبأنأنٚ اَمرأ چی کونه؟»
41قومٚ پیله کسأن جوأب بٚدأده: «حتمن بدجوری اَشأنَ جَا اینتقأم فأگیره و بأغَ، بأغبأنأنی‌یَ ایجأره دِهه کی بتأنه خو سأمَ موقع سٚر اَشأنٚ جَا فأگیره.»
42بأزون عیسا اَشأنٚ جَا وأوٚرسِه: «ینی تأ اَسه موقدسٚ کیتأبأنٚ دورون نٚخأندیدی کی: "او سنگی کی معمأرأن فیشأدٚد، سأختمأنٚ اصلی سنگ بوبوسته. اَن خوداوندٚ کأره، و اَمِرِه عجیب بٚنظر اَیِه " #21:42 مزمور ۱۱۸:۲۲؟
43«می منظور اَنه کی خودا ملکوت شیمی جَا فأگیفته به و قومی‌یَ فأدأ بِه کی اونی مِیوه‌یَ فأدٚد. 44اگه کسی اَ سنگٚ رو بٚکفه، تیکه پأرَه بِه؛ و اگه اَ سنگ اینفرٚ سٚر بٚکفه، اونَ پأختَ کونٚه.»
45وختی پیله کأهینأن و فریسیأن بٚفأمٚستد کی عیسا اوشأنٚ جَا گب زِئن دٚرٚه و اونی منظور ظألیمٚ بأغبأنأنَ جَا اَ نقلٚ دورون، خودشأنٚد، 46تصمیم بیگیفتٚد اونَ بوکوشٚد، ولی مردومٚ جَا بٚتٚرسِئده چون همه عیسا‌یَ پیغمبر دأنستیدی.
Nu geselecteerd:
متا 21: GLK_NT
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© 2024 Transform Iran
متا 21
21
مسیح آخری وأرٚ رِه شِه اورشلیم
1هو وخت کی فأرٚسِده بیت فأجی، کی زیتون کوه میأن، اورشلیمٚ نیزدیکی نٚهأ بو، عیسا دوتأ خو شأگردأنَ پیش پیش اوسه کوده 2و بٚفرمأسته: «بیشید او دیهأتی کی شیمی جولو نٚهأ. هو زمأت کی بوشؤیید بودورون، ایتأ اولأغَ اونی زأکٚ اَمرأ دینیدی کی دٚوٚستٚه دأرٚده. اوشأنَ وأکونید و بأوٚرید می ورجأ. 3اگه کسی وأوٚرسِه چی کودأندرید، بیگید: "خوداوند اَشأنَ لأزیم دأره،" و اونم دفأتن وئأله اوشأنَ بأوٚرید.»
4اَ کأرٚ اَمرأ، ایتأ جٚه قدیمٚ پیغمبرأنٚ پیشگویی، انجأم بوبو کی بوگفته بو:
5«اورشلیمَ بیگید: "تی پأدیشأ اَیِه تی ورجأ. اون فروتنٚ و اولأغ سٚر نیشینه، کرّه اولأغ سٚر."»#21:5 زکریأ ۹:۹
6او دوتأ شأگردأن بوشؤده و هر چی عیسا بوگفته بو، انجأم بٚدأده. 7اوشأن اولأغ و اونی زأکَ بأوٚردٚد و خوشأنَ لیوأسأنَ اوشأنَ پوشت تأوٚدأده و عیسا سوأرَ بو. 8جِمئیت میأن، خٚیلیأن خوشأنی لیوأسأنَ اونی رأ سٚر، جأده دورون وأشأدأندوبود و بعضیتأنٚم دأرٚ خألأنٚ وأوِده، اونی رأ سٚر جأده دورون وأشأدأندوبود.
9مردوم جٚه پس و پیش، دٚوأرٚستأندوبود و ایجگره زِئید: «هوشیعانا #21:9 «هوشیعانا» وأژه ینی«خأهیش کونیم نیجأت بٚدٚن». ولی بأزون جٚه اَ وأژه، حمد و ستأیٚش وأسی ایستفأده بوکودٚد؛ اَطویی هم آیه‌یٚ ۱۵ دورون.داوودٚ پٚسرٚ رِه! مووأرٚکٚ اون کی خوداوندَ نأمٚ اَمرأ اَیِه. بوجؤرترینٚ آسمأنأنَ دورون!»#21:9 مزمور۱۱۸:۲۵-۲۶؛۱۴۸:۱
10وختی اون بوشؤ اورشلیم دورون، تومأمٚ شهر بٚذوق بأمؤده. مردوم وأوٚرسِئید: «اَ مردأی کیسه؟»
11جوأب ایشتأوٚستید: «اون عیسایٚ پیغمبره، جلیلٚ ناصره جَا بأمؤ.»
عیسا خو دٚسٚ اَمرأ معبدَ پأکَ کونه
12بأزون عیسا بوشؤ معبدٚ دورون و اوشأنی‌یَ کی اویَه بیهین بوفروش کودأندوبود، تأودأ بیرون و صرّأفأنٚ تختأنٚ و کوتٚر فوروشأنَ بٚسأطٚ فوگوردأنه.
13عیسا اوشأنَ بوگفته: «موقدسٚ کیتأبأن فرمأیٚده کی "می خأنه، دوعأ خأنه، دؤخأده بِه"، ولی شومأن اونَ دوزدأنٚ لأنه چأکودیدی.»
14هو زمأتٚ میأن، کورأن و ایفلیجأن بأمؤده اونی ورجأ معبٚدٚ دورون و اون همٚتأنَ شفأ بٚدأ. 15پیله کأهینأن و دینٚ عألیمأنٚم اَ موجیزه‌یأنَ فأندرستأندوبود، و ایشتأوٚستید کی کوجی‌زأکأن ایجگره زٚنده، گده: «خوش بأمؤیی، اَی داوودٚ پأدیشأ پٚسر!» 16هنٚ وأسی زٚرخَ بوستٚد، عیسا‌یَ بوگفتد: «نشتأوی اَ زأکأن چی گده؟»
عیسا جوأب بٚدأ: «چٚره، ایشتأوٚم! شومأن مگه هیوخت موقدسٚ کیتأبأنَ نٚخأندیدی؟ اویَه بینیویشته بوبوسته کی "زأکأن و شیرخوره زأکأن، تی ستأیٚشٚ رِه زوأن وأزَ کونٚد!" #21:16 مزمور ۲:۸»
17بأزون شهرٚ جَا بوشؤ بیرون، بوشؤ بیت عنیا و شب هویه بئیسأ.
ایمأنٚ قوّت
18فردأیی صُبٚ دٚمٚ رِه، وختی عیسا وأگردستأندوبو اورشلیم، اونَ ویشتأ کوده. 19جأده کنأر ایتأ اَنجیل دأرَ بیدِه؛ بوشؤ اونی ور کی ایتأ مِیوه بیچینه. ولی دأرٚ سٚر جغرز ولگ دِه هیچی نیأفته. پس بوگفته: «بٚبه کی دِه هیذره تی جَا مِیوه بیرون نأیِه!» دفأتن دأر خوشکَ بوسته.
20وختی شأگردأن اَ مأجیرأیٚ بیدِده قأقَ بوستٚد، بوگفتد: «چی زود اَنجیل دأر خوشکٚ بو!»
21عیسا اوشأنَ بوگفته: «رأس‌رأسِی شٚمٚره گم اگه ایمأن بٚدأرید و شک نوکونید، نه فقد اَ کأر، بلکی جٚه اَن پیله‌ترم انجأم دیهیدی. حتّا تأنید اَ کوهَ بیگید، "جٚه اَیَه بٚکنده بوبو و دریأ دورون تأوٚدأ بوبو"، و هطویی به. 22اگه ایمأن بٚدأرید، دوعأ دورون هر چی بٚخأیید، یأفیدی.»
عیسا ایتأ سوألَ، سوألٚ اَمرأ جوأب دِهه
23عیسا ایوأردِه بأمؤ معبدٚ دورون و مردومٚ آمؤختٚنَ سٚر بیگیفت. پیله کأهینأن و قومٚ پیله کسأن بأمؤده و اونی جَا وأورسئده: «کو ایقتدأرٚ اَمرأ اَ کأرأنَ انجأم دیهی؟ کی تٚرَه اَ ایقتدأرَ فأدأ؟»
24عیسا بٚفرمأست: «بٚشرطی شیمی جوأبَ دٚهٚم کی اوّل می جوأبَ بدید. 25یوحنا ایقتدأر، مردومٚ تعمید دئنٚ رِه آسمأنٚ جَا بو یا اینسأنٚ جَا؟»
اَشأن اَ موضو وأسی کس‌کسٚ اَمرأ مشوٚرت بوکودٚد و بوگفتد: «اگه بیگیم خودا اونَ اوسه کوده، خودمأنٚ بٚدأم تأوٚدأ دأریم، چون وأوٚرسِه: پس چٚره اونَ ایمأن نأوٚردیدی؟ 26و اگه بیگیم اینسأنٚ جَا بو، اَ مردوم اَمٚرَه فوتورکٚده، چون همٚتأن یوحنایَ پیغمبر دأنده.»
27آخرپٚسی بوگفتد: «اَمأن نأنیم!»
عیسا بٚفرمأسته: «پس اَنٚ وأسی منم شٚمٚره نگم کی کو ایقتدأرٚ اَمرأ اَ کأرأنَ کونم.
دو تأ رِیکٚ دأستأن
28«ولی شیمی نظر اَ موردٚ رِه چیسه؟
«ایتأ مردأی دوتأ پٚسر دأشتی. پیله پٚسرَ بوگفته: پٚسر جأن، ایمرو بوشو زیمینٚ سٚر کأر بوکون. 29جوأب بٚدأ: " نٚشم!" ولی بأزین پٚشیمأنَ بو و بوشؤ. 30بأزون، خو کوجه پٚسرم هه گبَ بٚزِه. اون جوأب بٚدأ: "چوم آقأ جأن شٚم." ولی نوشؤ. 31شیمی فیکرٚ اَمرأ، کویتأ پٚسر خو پئر فرمأنَ انجأم بٚدأ؟»
جوأب بٚدأده: «البت کی پیله پٚسر.»
بأزون عیسا خو منظورَ اَ دأستأنَ جَا بٚفرمأسته: «موطمٚین بیبید فأسیدٚ باج‌فأگیرأن و فأیشه‌یأنٚ، شیمی جَا پیشتر شٚده خودا ملکوتٚ دورون، 32چون یوحنا شٚمٚره دعوت بوکوده کی خودا ور وأگردید و توبه بوکونید، ولی شومأن اونی دعوتَ توجه نوکودید، ولی خٚیلی جٚه باج‌فأگیرأن و فأیشه‌یأنٚ اونَ ایمأن بأوٚردٚد. حتّا اَ موضو دِئنٚ اَمرأ، بأزم شومأن توبه نوکودید و ایمأن نأوٚردید.
ظألیمٚ بأغبأنأنٚ دأستأن
33«ایتأ دِه نقلَ بشتأوید: اینفر کی ایتأ مِلکٚ صأب بو، اویَه انگور بأغ چأکود و اونی دؤر تأ دورَ رٚمٚش بوکوده، انگورأن دمختنٚ وأسی ایتأ چأچه چأکوده، و ایتأ نیگهبأنی بُرجم اویَه بٚپأ بدأشت و او بأغٚ، چنتأ بأغبأنَ ایجأره بٚدأ، و بوشؤ موسأفیرت. 34انگور چِئنٚ فصلٚ رِه، خو آدمأنَ اوسه کوده کی بأغٚ مأصولٚ جَا خو سأمَ فأگیره. 35ولی بأغبأنأن اوشأنَ بیگیفتٚد، ایتأیَ بٚزِئده، ایتأیَ بوکوشتٚد و اویتأیَ سنگسأر بوکودٚد. 36صأب بأغ چنتأ دِه جٚه خو غولأمأنَ اوسه کوده کی خو سأمَ فأگیره؛ ولی بأزم هوطو بوبو. 37آخرپٚسی خو پٚسرَ اوسه کوده، اَ خیأل اَمرأ کی اونَ حورمٚت نٚهٚده. 38ولی وختی بأغبأنأنٚ چوم دکفته، صأب بأغٚ پٚسرَ، کس‌کسَ بوگفتد: "اون وأرثه؛ پس بأیید اونَ بوکوشیم کی بأغ اَمی شین بٚبه." 39پس اونَ بأغٚ جَا بیرون ببردٚد و بوکوشتٚد.
40«اَسه چی فیکر کونیدی؟ وختی صأب بأغ وأگرده، بأغبأنأنٚ اَمرأ چی کونه؟»
41قومٚ پیله کسأن جوأب بٚدأده: «حتمن بدجوری اَشأنَ جَا اینتقأم فأگیره و بأغَ، بأغبأنأنی‌یَ ایجأره دِهه کی بتأنه خو سأمَ موقع سٚر اَشأنٚ جَا فأگیره.»
42بأزون عیسا اَشأنٚ جَا وأوٚرسِه: «ینی تأ اَسه موقدسٚ کیتأبأنٚ دورون نٚخأندیدی کی: "او سنگی کی معمأرأن فیشأدٚد، سأختمأنٚ اصلی سنگ بوبوسته. اَن خوداوندٚ کأره، و اَمِرِه عجیب بٚنظر اَیِه " #21:42 مزمور ۱۱۸:۲۲؟
43«می منظور اَنه کی خودا ملکوت شیمی جَا فأگیفته به و قومی‌یَ فأدأ بِه کی اونی مِیوه‌یَ فأدٚد. 44اگه کسی اَ سنگٚ رو بٚکفه، تیکه پأرَه بِه؛ و اگه اَ سنگ اینفرٚ سٚر بٚکفه، اونَ پأختَ کونٚه.»
45وختی پیله کأهینأن و فریسیأن بٚفأمٚستد کی عیسا اوشأنٚ جَا گب زِئن دٚرٚه و اونی منظور ظألیمٚ بأغبأنأنَ جَا اَ نقلٚ دورون، خودشأنٚد، 46تصمیم بیگیفتٚد اونَ بوکوشٚد، ولی مردومٚ جَا بٚتٚرسِئده چون همه عیسا‌یَ پیغمبر دأنستیدی.
Nu geselecteerd:
:
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© 2024 Transform Iran