Mateo 24
24
Hinulaan Ni Jesus a Masida u Templo
(Markos 13:1-2; Lukas 21:5-6)
1Nadid nikuna a nakaluwas dán ti Jesus tu templo ay immadeni u disepulus sakay intoldo de nikuna u bilay hide nu templo. 2Pero kinagi na nide, “Ketan moy i bilayan iye hide? Pakatandaan moy! Dumemát u aldew a awan hina ti mabuhay a bilay. Atanan ay masida!”
U Pághirap a Páddemát
(Markos 13:3-13; Lukas 21:7-19)
3Káttapos immangay ti Jesus tu Buked nu Olibo. Alay na hod a keetnod, sekreto siya a tinanong nu disepulus na hide, “Nikan beman a mangyari i bagayan ina hide? Anya u magin palatandaan nu kássoli mo a huway sakay u katapusan nu mundo?” 4Timmábbeg ti Jesus, “Mag-ingat kam a awan kam metawtaw ni ti deya man! 5Dipo makpal a umangay tu ngahan ko sakay magkagi a, ‘Hikán u Mesias!’ Sakay makpal hide a metawtaw. 6Makasanig kam ti gera sakay bahebaheta a te gera. Dyan kam maligalig. Dapat a mangyare hide iye pero bakán padla iye u katapusan. 7Dipo mákpággera u bansa hide laban tu iba-iba a bansa sakay u kahariyan hide tu iba-iba a kahariyan. Magkahod ti sákaláp sakay linog tu iba iba a lugar. 8Pero u atanan ni iye ay sapul palla nu pághirap hide.
9Ti panahon an itod, kaiyamután kam nu atanan a tolay dipo nikán sakay dakáppán para pahirapan sakay bunuwán. 10Makpal a umadág tu pánniwala de sakay maiyamut tu balang essa. Itokyon de u kapareho de ti pánnampalataya. 11Makpal u magpanggap a propeta sakay itawtaw de u kakpalan. 12U kadukássan ay kumalat tu atanan a lugar kanya mawan u págmahal nu kakpalan. 13Pero u matapat hanggan tu katapusan ay siya u maligtas. 14Sakay mepaliwanag ti buo a mundo u Maganda a Baheta a tungkol tu pághari nu Diyos para iye ay matukoyan nu atanan a bansa. Sakay káttapos ay dumemát u katapusan.”
Metan Tu Templo U Awan Ti Galang Tu Diyos
(Markos 13:14-23; Lukas 21:20-24)
15Sakay kinagi pa ni Jesus “Metan moy a mangyari tu Banal a Lugar nu Templo. Magtaknág u Awan Ti Galang Tu Diyos a inhula ni Propeta Daniel#24:15 Basaan tu Daniel 9:27, 11:31 sakay 12:11 tu itod. Pakaintendiyan iye nu magbasa! 16Ni mangyari dán iye, u atoy tu banuwan nu Judea ay dapat guminan dán tu buked. 17U atoy tu atáp ay dyan mag-isip a summádap tu bilay na para mangalap ti maski ánya. 18Sakay u atoy tu araduwan di ay dyan dán soli tu bilay di para mangalap ti damit. 19Kakagbi a tahod u mabuktet sakay u magpasuso ti aldew an itod! 20Ipagdasal moy a u kágginan moy ay dyan metaon ti sakdagnen o tu Aldew nu Káimang. 21Dipo ti itona a panahon, u tolay hide ay magdanas ti pinakagrabe a pághirap a awan padla nadanas sapul gimetán u mundo hanggan nadid. Sakay awan dán be madanas pa a huway. 22Sakay u tatahoden ni awan paapehetan nu Diyos i panahon an itod ay awan ti maligtas. Pero para tu tolay hide nu Diyos ay ipaapehet na u panahon”.
23Sakay kinagi pa ni Jesus “Ni te magkagi nikam, ‘Atoy dán u Mesias!’ o ‘Atoy hina siya!’ ay dyan kam maniwala. 24Dipo te magkunware hide a Mesias sakay te pumeta a awan tatahoden a propeta. Mangpeta hide ti makataka-taka a tanda sakay kababalaghan hide para itawtaw ni maari, pate u tolay hide nu Diyos. 25Pakatandaan moy a indipalongo ko dán iye a kinagi nikam.
26Kaya ni kagiyan de nikam, ‘Atoy hod siya tu kaparangan,’ ay dyan kam umangay. Ni kagiyan de, ‘Atoy hod siya tu disalad.’ Ay dyan kam maniwala. 27Dipo ni kodya magdemlag u kilat ni magginan gábwat ti sikatan hanggan ti sahámman ay konna labe hod u káddemát nu Anak nu Tolay. Ketan nu atanan sakay bigla. 28Ni hadya te bangkay, hod be umipon u wakwak hide.”
U Káddemát nu Anak nu Tolay
(Markos 13:24-27; Lukas 21:25-28)
29Kinagi pa ni Jesus “Káttapos ni pághirapan itod, pagdaka magdiham u aldew sakay awan magdemlag u bulan. Matápduk u biton hide a gábwat ti langet sakay maibutan u kapangyariyan hide a hod ti kalawakan. 30Káttapos ay pumeta ti langit u tanda nu Anak nu Tolay sakay magdalamhati ti grabe u atanan a bansa. Metan de u Anak nu Tolay a hod tu diklam, dumemát a makapangyariyan sakay grabe a demlag. 31Tu mabegsák a tánnog nu tambuli, iyutus na tu anghel na hide a angay tu buo a mundo sakay pisanan de u tolay hide nu Diyos.”
U Adal a Maalap tu Kayo a Igos
(Markos 13:28-31; Lukas 21:29-33)
32Kinagi pa ni Jesus “Pakaintendiyan moy u adal a maalap tu kayo a igos: ni magduun ti bigo u pinget na, tukoy moy a adeni dán u kássinag. 33Konna labe hina, ni metan moy u atanan a kinagi ko ay matukoyan moy a adeni dán u panahon nu káddemát ko---adeni dán a talaga. 34Pakatandaan moy: mangyari i atananan iye buhol a matay u lahi nadid. 35Mawan u langit sakay u luta pero u upos ko hide ay awan mawan.”
Awan ti Tolay a Makatukoy ti Aldew Nu Káddemát Na
(Markos 13:32-37; Lukas 17:26-30, 34-36)
36Kinagi pa ni Jesus “Pero awan ti nakatukoy tu aldew sakay panahon nu káddemát ko. Maski u anghel hide ti langit oni u Anak be ay awan na tukoy---u Ama la u nakatukoy ti iye. 37-38U káddemát nu Anak nu Tolay ay pareho tu káddemát nu lonsu tu itod tu panahon ni Noe. Tu itod, u tolay ay naghandaan, naglasingan sakay nagkabanga, hanggan tu aldew a makasáddáp tu dakál a abang ti Noe. 39Dimmemát u lonsu a awan di namalayan sakay nalemas hide a atanan. Konna labe hod u mangyari tu káddemát nu Anak nu Tolay, awan di maandaman. 40Ti panahonan itod, te duwwa a lállake a magtarabaho tu luta. Alapán u essa sakay mawahak u essa. 41Te duwwa a bábbey a magkaguman a maggiling. Alapán u essa sakay mawahak u essa. 42Kaya magbantay kam dipo awan moy tukoy ni nikan u aldew a umangay u Panginoon moy. 43Pakatandaan moy iye: ni tukoy la nu makábbilay ni anya a panahon ti gibi a dumemát u mágtakaw, nagbantay nakwa siya sakay awan na pabayan a sáddápán u bilay na. 44Kaya magin handa kam a pirmi dipo dumemát u Anak nu Tolay tu panahon a awan moy asaan.”
U Tapat Sakay Awan Tapat a Alipin
(Lukas 12:41-48)
45Kinagi pa ni Jesus “U matapat sakay malalaki a utusan ay siya u atádden ti kapangyariyán nu amo na a mamahala tu agum a alipin na hide. Siya u mangatád nide ti makan de tu tama a panahon. 46Pinagpala i utusanan itod, ni demáttan siya a matapat tu tarabaho na tu kássoli nu amo na! 47Kagiyan ko nikam: ipebahala nikuna nu amo na u atanan nu ari-arian na. 48Pero ni madukás i utusanan itod ay isipan na ‘Malay pa bagu a sumoli u amo ko.’ 49Sakay sapulan na a bálbagán u kapareho na a utusan sakay mákpágkainan sakay mákpáginoman tu lasingero hide. 50Magsoli u amo ni utusanan itod tu aldew a awan na asaan sakay tu panahon a awan na tukoy. 51Grabe a higpit u magin parusa nu amo ti alipin an itod. Iyangay siya tu lugar a kaguman u mapagkunware hide. Hod hide a maghirap a tahod sakay mággaadoyán.”
Nu geselecteerd:
Mateo 24: MBJC
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Pahanan Agta New Testament © Philippine Bible Society and Wycliffe Bible Translators, Inc., 2017.
Mateo 24
24
Hinulaan Ni Jesus a Masida u Templo
(Markos 13:1-2; Lukas 21:5-6)
1Nadid nikuna a nakaluwas dán ti Jesus tu templo ay immadeni u disepulus sakay intoldo de nikuna u bilay hide nu templo. 2Pero kinagi na nide, “Ketan moy i bilayan iye hide? Pakatandaan moy! Dumemát u aldew a awan hina ti mabuhay a bilay. Atanan ay masida!”
U Pághirap a Páddemát
(Markos 13:3-13; Lukas 21:7-19)
3Káttapos immangay ti Jesus tu Buked nu Olibo. Alay na hod a keetnod, sekreto siya a tinanong nu disepulus na hide, “Nikan beman a mangyari i bagayan ina hide? Anya u magin palatandaan nu kássoli mo a huway sakay u katapusan nu mundo?” 4Timmábbeg ti Jesus, “Mag-ingat kam a awan kam metawtaw ni ti deya man! 5Dipo makpal a umangay tu ngahan ko sakay magkagi a, ‘Hikán u Mesias!’ Sakay makpal hide a metawtaw. 6Makasanig kam ti gera sakay bahebaheta a te gera. Dyan kam maligalig. Dapat a mangyare hide iye pero bakán padla iye u katapusan. 7Dipo mákpággera u bansa hide laban tu iba-iba a bansa sakay u kahariyan hide tu iba-iba a kahariyan. Magkahod ti sákaláp sakay linog tu iba iba a lugar. 8Pero u atanan ni iye ay sapul palla nu pághirap hide.
9Ti panahon an itod, kaiyamután kam nu atanan a tolay dipo nikán sakay dakáppán para pahirapan sakay bunuwán. 10Makpal a umadág tu pánniwala de sakay maiyamut tu balang essa. Itokyon de u kapareho de ti pánnampalataya. 11Makpal u magpanggap a propeta sakay itawtaw de u kakpalan. 12U kadukássan ay kumalat tu atanan a lugar kanya mawan u págmahal nu kakpalan. 13Pero u matapat hanggan tu katapusan ay siya u maligtas. 14Sakay mepaliwanag ti buo a mundo u Maganda a Baheta a tungkol tu pághari nu Diyos para iye ay matukoyan nu atanan a bansa. Sakay káttapos ay dumemát u katapusan.”
Metan Tu Templo U Awan Ti Galang Tu Diyos
(Markos 13:14-23; Lukas 21:20-24)
15Sakay kinagi pa ni Jesus “Metan moy a mangyari tu Banal a Lugar nu Templo. Magtaknág u Awan Ti Galang Tu Diyos a inhula ni Propeta Daniel#24:15 Basaan tu Daniel 9:27, 11:31 sakay 12:11 tu itod. Pakaintendiyan iye nu magbasa! 16Ni mangyari dán iye, u atoy tu banuwan nu Judea ay dapat guminan dán tu buked. 17U atoy tu atáp ay dyan mag-isip a summádap tu bilay na para mangalap ti maski ánya. 18Sakay u atoy tu araduwan di ay dyan dán soli tu bilay di para mangalap ti damit. 19Kakagbi a tahod u mabuktet sakay u magpasuso ti aldew an itod! 20Ipagdasal moy a u kágginan moy ay dyan metaon ti sakdagnen o tu Aldew nu Káimang. 21Dipo ti itona a panahon, u tolay hide ay magdanas ti pinakagrabe a pághirap a awan padla nadanas sapul gimetán u mundo hanggan nadid. Sakay awan dán be madanas pa a huway. 22Sakay u tatahoden ni awan paapehetan nu Diyos i panahon an itod ay awan ti maligtas. Pero para tu tolay hide nu Diyos ay ipaapehet na u panahon”.
23Sakay kinagi pa ni Jesus “Ni te magkagi nikam, ‘Atoy dán u Mesias!’ o ‘Atoy hina siya!’ ay dyan kam maniwala. 24Dipo te magkunware hide a Mesias sakay te pumeta a awan tatahoden a propeta. Mangpeta hide ti makataka-taka a tanda sakay kababalaghan hide para itawtaw ni maari, pate u tolay hide nu Diyos. 25Pakatandaan moy a indipalongo ko dán iye a kinagi nikam.
26Kaya ni kagiyan de nikam, ‘Atoy hod siya tu kaparangan,’ ay dyan kam umangay. Ni kagiyan de, ‘Atoy hod siya tu disalad.’ Ay dyan kam maniwala. 27Dipo ni kodya magdemlag u kilat ni magginan gábwat ti sikatan hanggan ti sahámman ay konna labe hod u káddemát nu Anak nu Tolay. Ketan nu atanan sakay bigla. 28Ni hadya te bangkay, hod be umipon u wakwak hide.”
U Káddemát nu Anak nu Tolay
(Markos 13:24-27; Lukas 21:25-28)
29Kinagi pa ni Jesus “Káttapos ni pághirapan itod, pagdaka magdiham u aldew sakay awan magdemlag u bulan. Matápduk u biton hide a gábwat ti langet sakay maibutan u kapangyariyan hide a hod ti kalawakan. 30Káttapos ay pumeta ti langit u tanda nu Anak nu Tolay sakay magdalamhati ti grabe u atanan a bansa. Metan de u Anak nu Tolay a hod tu diklam, dumemát a makapangyariyan sakay grabe a demlag. 31Tu mabegsák a tánnog nu tambuli, iyutus na tu anghel na hide a angay tu buo a mundo sakay pisanan de u tolay hide nu Diyos.”
U Adal a Maalap tu Kayo a Igos
(Markos 13:28-31; Lukas 21:29-33)
32Kinagi pa ni Jesus “Pakaintendiyan moy u adal a maalap tu kayo a igos: ni magduun ti bigo u pinget na, tukoy moy a adeni dán u kássinag. 33Konna labe hina, ni metan moy u atanan a kinagi ko ay matukoyan moy a adeni dán u panahon nu káddemát ko---adeni dán a talaga. 34Pakatandaan moy: mangyari i atananan iye buhol a matay u lahi nadid. 35Mawan u langit sakay u luta pero u upos ko hide ay awan mawan.”
Awan ti Tolay a Makatukoy ti Aldew Nu Káddemát Na
(Markos 13:32-37; Lukas 17:26-30, 34-36)
36Kinagi pa ni Jesus “Pero awan ti nakatukoy tu aldew sakay panahon nu káddemát ko. Maski u anghel hide ti langit oni u Anak be ay awan na tukoy---u Ama la u nakatukoy ti iye. 37-38U káddemát nu Anak nu Tolay ay pareho tu káddemát nu lonsu tu itod tu panahon ni Noe. Tu itod, u tolay ay naghandaan, naglasingan sakay nagkabanga, hanggan tu aldew a makasáddáp tu dakál a abang ti Noe. 39Dimmemát u lonsu a awan di namalayan sakay nalemas hide a atanan. Konna labe hod u mangyari tu káddemát nu Anak nu Tolay, awan di maandaman. 40Ti panahonan itod, te duwwa a lállake a magtarabaho tu luta. Alapán u essa sakay mawahak u essa. 41Te duwwa a bábbey a magkaguman a maggiling. Alapán u essa sakay mawahak u essa. 42Kaya magbantay kam dipo awan moy tukoy ni nikan u aldew a umangay u Panginoon moy. 43Pakatandaan moy iye: ni tukoy la nu makábbilay ni anya a panahon ti gibi a dumemát u mágtakaw, nagbantay nakwa siya sakay awan na pabayan a sáddápán u bilay na. 44Kaya magin handa kam a pirmi dipo dumemát u Anak nu Tolay tu panahon a awan moy asaan.”
U Tapat Sakay Awan Tapat a Alipin
(Lukas 12:41-48)
45Kinagi pa ni Jesus “U matapat sakay malalaki a utusan ay siya u atádden ti kapangyariyán nu amo na a mamahala tu agum a alipin na hide. Siya u mangatád nide ti makan de tu tama a panahon. 46Pinagpala i utusanan itod, ni demáttan siya a matapat tu tarabaho na tu kássoli nu amo na! 47Kagiyan ko nikam: ipebahala nikuna nu amo na u atanan nu ari-arian na. 48Pero ni madukás i utusanan itod ay isipan na ‘Malay pa bagu a sumoli u amo ko.’ 49Sakay sapulan na a bálbagán u kapareho na a utusan sakay mákpágkainan sakay mákpáginoman tu lasingero hide. 50Magsoli u amo ni utusanan itod tu aldew a awan na asaan sakay tu panahon a awan na tukoy. 51Grabe a higpit u magin parusa nu amo ti alipin an itod. Iyangay siya tu lugar a kaguman u mapagkunware hide. Hod hide a maghirap a tahod sakay mággaadoyán.”
Nu geselecteerd:
:
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Pahanan Agta New Testament © Philippine Bible Society and Wycliffe Bible Translators, Inc., 2017.