Luke 3
3
1ခိင်အဆာက်တော် ဟောရောမဧကရာဇ်တိဗေရိ ဘိူန်းအူကိူရ်လေႈဖံန်ဆန်ုမ် ပုန္တိပိလတ်နီန် အ်ုန်မိုႈဟောခံမ်းကပီုန်ယုဒ၊ ဟေရုဒ် အန္တိပa စီမိုႈဟောခံမ်းအီအူပ်ဘြောင်ကပီုန် ဂါလိလဲ။ ႎါးဟေရုဒ်အန္တိပ ကဝ်အီမိုႈ ဖိလိပ္ပုနီန်ကာည်း ဣတုရဲမိုႈ ဟောခံမ်း ကပီုန်တရာခေါနိတ်၊ လုသာနိစီမိုႈ ဟောခံမ်းကပီုန်အဘိလီန်။ 2ခိင်ဒီန် ယာမ်မိုႈအန္န ကာည်း ကယာဖမိုႈ ပုရောဟေတ်အီဒါင်း ဂါရ်ဟာဝ်းရောတ် ကန္တာရတကောန်ဇာခရိ အီမိုႈယောဟာန် ကဝ်အီမိုႈ ကြောႈပ်ုန်ဒါႈလေႈစဝ်ဖြား အီဂေါည်ခေဲင်ဘြည်ဒီန်။ 3ယောဟာန်နီန် အ်ုန်လွံင်ကပါ်ႇကပံန် ကဒါႇနဒီ ဂျော်ဒန် ဟောက္လာင်းဒဲႈကဲ စူပ်တိုခေဲင်အိုမ် ခါမ်ဘည်ညှူမ် ကနာည်နံင်ဘိူန်းဆာင်ဝေဂ တပ်ုန်ဟောည်ႇဇေဝ်ဇဒေဲႈ တိုအီးဂဲ။ 4တောပ်ဘည်ကျာမ်းပ်ုန်ကိက်အူန်း အာရိယာဟေရှာယတိုအီးမှိူမ် “အူအီးအူကဝ် လွံင်ဒေဆာ်ႈဟိုရ် ခေဲင်ဘြည်ကန္တာရနီန် ဒဲႈရဒေင်အဆျှီန် ဆီုဝ်အာဝ်မိူဝ်ႈကီတ်ကာတ်။ 5ဒါကတာည်း ပနိုက်ပ္လေါင်ခနားဂေါင် ဒဲႈနောကဲ ဇာရ်ကဖြေင်။ ဒဲႈရဒေင်ကောက်ကဲက်ကဲဒီန်ဆီုဝ် ဒဲႈရဒေင်ကီန်းကဲဒီန် ပျောဆာယာ။ ဒဲႈတိုအီးကဲ ယိူဝ်းပ်ုန်ကဇောည် စဝ်ဖြား။” 6ဟောည်ႇဒီန် တိုအီးဂဲဟည်ယိူဝ်းဒိုႇ ပ်ုန်ကဇောည်စဝ်ဖြား။ 7ဟောည်ႇဒီန် ယောဟာန်နီန်အ်ုန်ဒါႈတတိုအီး ကဲအီရောတ်ဒေဲႈကနာည်နံင် စူပ်ခေဲင်အိုမ် လာည်းမံင်ဂလာb ခါမ်ဘည်ညှူမ် “အပဲ၊ အဆေမိုႈအီပ္လူႈဆဒိတပဲ ကနာည်နံင်ဒဝ်းႎဲႈဒါႇ အမျာတ်တော်စဝ်ဖြား။ ဟဴင်ဇေဝ်ဒါႈအီး ကဆီုဝ်နီန် မိုႈအ်ုန်ဒါႈ တိုအီးမိူဝ်ႈအီုင်ဂ္လံတ်ဂဲ၊ တိုအီးဇေဝ်ဇဂဲ။ 8နှဲပွံတ်ဆံက်ဆေ ဒါႈမိုႈပဲဟည် ပ္လေႈႎီုန် အီုင်ဂ္လံတ်ပ်ုန်ရေဲန်ဒေဲႈပဲ။ ပဲမည်ဒါႈယာ့်ပဲမိုႈ ခြိူဝ်းမျိုးယိူဝ်ႇတ အာဗြဟံ။ စဝ်ဖြားဘယ်အေ့ဒေ ခ္လါည်းမာဝ်းကဲနီန် ပဲန်ခြိူဝ်း အာဗြဟံ။ 9ကဇေန်နီန် စဝ်ဖြားဂေါည်တံန်းအူန်း ကနာည်နံင်ဒဲႈတာမ် ဒါင်းဒါင်း တာင်အီုင်ဂ္လံတ် တီုတ်ဇောႈ ကဲအီအာဝ်ဘိူန်း ဆာင်ဝေဂ။ ဂေါႇဘည်ဒီန် ကဲအီအာဝ်ဘိူန်းလာ်ဒါ ဆာင်ဝေဂ အာဝ်ရေဲန်ခံင်ကျ ခံင်လကဲဒိူန်း နံင်ကတူႈ ခါမ်တာမ် ပ်ုန်ဒဲႈစဝ်ဖြား နံင်ကတူႈခါမ် အီဒေါတ်ဟံပ်ခေဲင်ငံရ်ယာ့်။” 10ကူန်ရဝ်မာဂါင်ကဲ ဆမွံတ် တယောဟာန် “ဆာ်ဘာည်းဒီန် ဆေယဲနံင်လိုရေဲန်?” 11ယောဟာန်စီဒါႈ “ခေဲင်ပဲအဆေမိူဝ်ႈ ဆဒေါအာရ်လှေ ဘ်ုပ်ဒဲႈတကဲအီအာဝ်မိူဝ်ႈအူလှေ။ ဆာ်ပဲမိူဝ်ႈ ပ်ုန်ဟောမ်တျံင်ဂီုန်းမာ် ဘ်ုပ်ကကာႈဒဲႈတကဲ အီအာဝ်မိူဝ်ႈဟောမ်တျံင်။” 12ကဲအီကဲပ်ကောက်မံင်ခ္လမာ် ရောတ်ဒေဲႈတယောဟာန် ကနာည်နံင်စူပ်ခေဲင်အိုမ် လာည်းမံင်ဂလာ ခါမ်ဘည်ညှူမ် ကဲစီဆမွံတ် ယောဟာန် “ယဲလာ့် တာဆြာ ဆေယဲနံင်လိုရေဲန်?” 13ယောဟာန်စီႎီရ်ပ္လါန် “ပဲအာဝ်ဘိူန်းကဲပ်လှိူဝ်း ထာန်ပ်ုန်ပ္လအူန်းပဲ။” 14ကောန်ဆီုက်မံင်ခ္လကဲဒိူန်မာ် “ယဲလာ့် ဆေယဲနံင်လိုရေဲန်?” ယောဟာန်စီဒါႈ “ပဲမာ် အာဝ်ဘိူန်း လီလာနမှာန်း တကူန်ရဝ်မာဂါင်ဂဲ။ အာဝ်ဘိူန်းလီလာန စွဲတြား။ ပဲဘ်ုပ်နောႈယေတ်တရူရ်ႈကျံရ်ပ်ုန်ဘိူန်းပဲ။” 15တိုအီးခည်ဂီုန်း ဂေါႇမိုႈကဲဂီုည်နှံက်ရဲ့ မေရိဒေဲႈ cကဲစီထာင် ယောဟာန်မိုႈ မေရှိယ။ 16ယောဟာန်စီဒါႈ “မိုႈအေ့အောရေဲန်ဒဲႈ မံင်ဂလာ ခါမ်ဒဲႈဘည်ညှူမ်။ မိုႈလိူည်မိူဝ်ႈထဲင်အီဒါင်းအီမျြံတ်မှယ်အော။ ကနာည်နံင်ကာႈႎံ ရ်ချှူပ်စာပ်အ်ုန်လိူည်မာ် အောအာဝ်တာန် အ်ုန်နံင်ဒဲႈမံင်ဂလာ ခါမ်ဘည်ညှူမ် တပဲ ဒါပည်ငံရ်၊ ဒါပည်ငျာန်တော်စဝ်ဖြားအ်ုန်။ 17တောပ်ဘည် ကညာဂီုင်ဒါ စဴင်ခြဴင် အီဂေါည်ခေဲင်တည်းအ်ုန် ပ်ုန်ကကာႈဟေပ်အ်ုန် ကာည်း ကအာင်ငှေါနီန် မေရှိယမာ် နံင်ကကာႈ တိုအီးဘိူန်း ဆာင်ဝေဂ ကာည်း တိုအီးကဲအီဟံရ်ယာ့်။ ဆာ်မိုႈငှေါ ဟံပ်အူန်းခေဲင်ပူႇ ဆာ်မိုႈဟေပ်အ်ုန် စီနံင်ဟံပ်ႎီုန်ခေဲင်ငံရ်လာန်း အာဝ်ဆမာယံတ်။” 18ယောဟာန်နီန် အ်ုန်ဒါရဒေင်တောန်မျိုးတောန်နဲ လွံင်ဒေဆဒါင်မှိူမ်ဟောက္လာင်း ကနာည်တိုအီးဂဲနံင်ဘိူန်း ဆာင်ဝေဂ ကပံတ်ႎီရ်ကဒါႇဖြား။ 19ယောဟာန်နီန် အ်ုန်တာင်အီုင်ဂ္လံတ် ႎှါင်းဟေရောဒိကနာည်ပ်ုန်ရေဲန် ဟောခံမ်းဟေရုဒ် ဘည်အီုင်ဂ္လံတ် ဆီမ်းတိူဝ်ႈလာည်းအ်ုန်တပီးႎါးအ်ုန်။ 20ဂေါႇဘည်ဒီန် ဟောခံမ်းဟေရုဒ်နီန် ဂေါႇအ်ုန်ဆူည်ႇကောန်ဆီုက်အ်ုန်ဂဲ တိုည်းဟံပ်ယောဟာန်ခေဲင်ကဘေဲမ် စီပဲန်အ်ုန်လူည်ႇထဲင်ဘိုး အီုင်ဂ္လံတ်အူမျိုး။ 21ယောဟာန်နီန် အ်ုန်ဟောည်ႇရေဲန်ဒဲႈ မံင်ဂလာခါမ်ဘည်ညှူမ် တတိုအီးကဲ ဆီုင်ခည်အာည်ႇကတူႈအ်ုန်တလီပ်ခေဲင်ကဘေဲမ် စဝ်ဖြားယေရှုမာ် စူပ်ခေဲင်အိုမ် တိူဝ်ႈလာည်းမံင်ဂလာ ခါမ်ဘည်ညှူမ် ခိင်မှာန်းဆု ပ္လါင်ဟိူဝ်တေဲင်ကာင်ဟာဝ် 22ငျာန်တော်စဝ်ဖြားမာ် ရေဲန်ပဲန် ဆီမ်းချိုး ပ်ုရ်လေႈတေဲင် စဝ်ဖြားယေရှု။ ဟံမ်းယိူဝ်ႇတကာင်ဟာဝ်မာ် “မည်းမိုႈကောန်ပ်ုန်ရံက် ကဆဝ်းအော။ အောရံက် အောအုင်မည်းဟျာႈခည်း တနောႈအော။” 23ခိင်စဝ်ဖြားယေရှု ဇူႈဒေရေဲန် အမှုတော် အဆာက်တော်အ်ုန် ဟည်ဘိူန်း ကပံတ်အိုည်ကိူရ်ဆန်ုမ်။ အ်ုန်မိုႈကောန် ယောသပ်၊ ယောသပ်စီမိုႈ ကောန်ဧလိ။ ဧလိမိုႈကောန် မဿတ်၊ 24မဿတ်မိုႈကောန် လေဝိ၊ လေဝိမိုႈကောန် မေလခိ၊ မေလခိမိုႈကောန် ယန္န၊ ယန္နမိုႈကောန် ယောသပ်၊ 25ယောသပ်မိုႈကောန် မတ္တသိ၊ မတ္တသိမိုႈကောန် အာမုတ်၊ အာမုတ်မိုႈကောန် နာဟုံ၊ နာဟုံမိုႈကောန် ဧသလိ၊ ဧသလိမိုႈကောန် နဂ္ဂဲ၊ 26နဂ္ဂဲမိုႈကောန် မာအဲတ်၊ မာအဲတ်မိုႈကောန်မတ္တသိ၊ မတ္တသိမိုႈကောန် ရှေမိ၊ ရှေမိမိုႈကောန် ယောသပ်၊ ယောသပ်မိုႈကောန် ယုဒ၊ 27ယုဒမိုႈကောန် ယောဟန္န၊ ယောဟန္နမိုႈကောန်ရေသ၊ ရေသမိုႈကောန် ဇေရုဗဗေလ၊ ဇေရုဗဗေလမိုႈကောန် ရှာလသေလ၊ ရှာလသေလမိုႈကောန် နေရိ၊ 28နေရိမိုႈကောန် မေလခိ၊ မေလခိမိုႈကောန် အဒ္ဒိ၊ အဒ္ဒိမိုႈကောန် ကောသံ၊ ကောသံမိုႈကောန် ဧလမောဒံ၊ ဧလမောဒံမိုႈကောန် ဧရ၊ 29ဧရမိုႈကောန် ယောရှု၊ ယောရှုမိုႈကောန် ဧလျေဇာ၊ ဧလျေဇာမိုႈကောန် ယောရိမ်၊ ယောရီမ်မိုႈကောန် မဿတ်၊ မဿတ်မိုႈကောန် လေဝိ၊ 30လေဝိမိုႈကောန် ရှိမော်င်၊ ရှိမော်င်မိုႈကောန် ယုဒ၊ ယုဒမိုႈကောန် ယောသပ်၊ ယောသပ်မိုႈကောန် ယောနာန်၊ ယောနာန်မိုႈကောန်ဧလျာကေမ်၊ 31ဧလျာကေမ်မိုႈကောန် မေလေ၊ မေလေမိုႈကောန် မဲနာန်၊ မဲနာန်မိုႈကောန် မတ္တသ၊ မတ္တသမိုႈကောန် နာသာန်၊ နာသာန်မိုႈကောန် ဒါဝိဒ်၊ 32ဒါဝိဒ်မိုႈကောန် ယေရှဲ၊ ယေရှဲမိုႈကောန် ဩဗက်၊ ဩဗက်မိုႈကောန် ဗောဇ၊ ဗောဇမိုႈကောန် စာလမုင်၊ စာလမုင်မိုႈကောန် နာရှုန်၊ 33နာရှုန်မိုႈကောန် အမိနဒပ်၊ အမိနဒပ်မိုႈကောန် အဒ်မိင်၊ အဒ်မိင်မိုႈကောန် အာရံနိ၊ အာရံနိမိုႈကောန် ဟေဇရုံ၊ ဟေဇရုံမိုႈကောန် ဖာရဲတ်၊ ဖာရဲတ်မိုႈကောန်ယုဒ၊ 34ယုဒမိုႈကောန် ယာကုက်၊ ယာကုက်မိုႈကောန် ဣဇာတ်၊ ဣဇာတ်မိုႈကောန် အာဗြဟံ၊ အာဗြဟံမိုႈကောန် တေရ၊ တေရမိုႈကောန် နာခေါ်၊ 35နာခေါ်မိုႈကောန် စေရောက်၊ စေရောက်မိုႈကောန် ရာဂေါ၊ ရာဂေါမိုႈကောန် ဖာလက်၊ ဖာလက်မိုႈကောန် ဟေဗာ၊ ဟေဗာမိုႈကောန် ရှာလ၊ 36ရှာလမိုႈကောန် ကာဣနန်၊ ကာဣနန်မိုႈကောန် အာဖာဇဒ်၊ အာဖာဇဒ်မိုႈကောန် ရှေမ၊ ရှေမမိုႈကောန် နောဧ၊ နောဧမိုႈကောန် လာမက်၊ 37လာမက်မိုႈကောန် မသုရှလ၊ မသုရှလမိုႈကောန် ဧနောက်၊ ဧနောက်မိုႈကောန် ယာရက်၊ ယာရက်မိုႈကောန် မဟာလေလ၊ မဟာလေလမိုႈကောန် ကာဣနန်၊ 38ကာဣနန်မိုႈကောန် ဧနုတ်၊ ဧနုတ်မိုႈကောန် ရှေသ၊ ရှေသမိုႈကောန် အာဒံ၊ အာဒံမိုႈကောန်စဝ်ဖြား။
Nu geselecteerd:
Luke 3: stpv-rv
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
This translation of the Shwe Palaung Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.