Luke 4
4
1ဟောည်ႇဒီန် စဝ်ဖြားယေရှု ဂေါည်တောပ်ငျာန်တော်စဝ်ဖြား ႎီရ်ဒဲႈဂျော်ဒန် ယိူဝ်ႇပနဒီဇော်ဒါန် တောပ်ဘည်အွံရ် ငျာန်တော်စဝ်ဖြား ဟာဝ်းပွံတ်ဒေ ခေဲင်ဘြည်ကန္တာရ။ 2ဇူႈပွံတ်ဒီဒီန် အ်ုန်ခါမ်လာည်းပ်ုန်ကချှူးပ်ုန်ချောႇ ကန်ုမ်မာရ်နာတ် လှေင်ပွံတ်ကပံတ် ဖိုန်ကိူရ်ဆငည်း။ ဂေါႇမိုႈအ်ုန်အာဝ်ဟောမ်အာဝ်တျံင်ဆေ ဇိုချီုင်ဆငည်းကဲဒီန် ဘိူဝ်ဟည်ဟောည်ႇ အ်ုန်ဟည်ဇူႈပွံတ်ဒေ ကဘြာန်းပေါမ်။ 3မာရ်နာတ်စီဒါႈတစဝ်ဖြား “ဆာ်မည်းမိုႈကောန်စဝ်ဖြား ဒါႈဒဲႈမာဝ်းနီန် ပဲန်ကဘ။” 4ခိင်ဒီန် စဝ်ဖြားစီဒါႈ “ယီုဝ်နှဲအူန်းခေဲင်ဘေဲႇကျာမ်းa အယ်တိုအီး အာဝ်မိုႈမ အယ်ဘ်ုပ်အီမ်းလိူည် ဂေါႇပ်ုန်ဟောမ်” အူနဲ။ 5ဟောည်ႇဒီန် မာရ်နာတ်စီတောႇစဝ်ဖြားဟိုက်တေဲင်ဂေါင်ဇာရ် နှဲအ်ုန်တိူရ်ႈ ကုင်အီဂေါည်တေဲင်ကံမ်ဖာနီန် ပါ်ဒိုႇဒိုည်ႇ။ 6မာရ်နာတ်ဒါႈတစဝ်ဖြား “ဂေါႇမိုႈတဂိုးအာဏာကဲနီန် မိုႈအောဒဲႈအူန်း စီပဲန် မည်းမာ်လ ဆာ်အာဝ်မိုႈ ကဝ်ပ်ုန်ဆိင်ဒဲႈအောမာ်လ အောဘိူန်းဒဲႈ။ 7ဆာ်မည်းဂြူပ်ကိုးကွာည်အော အောနံင်ဒဲႈဒိုည်ႇကဲနီန် တမည်းပါ်ဒိုႇဒိုည်ႇ။” 8စဝ်ဖြားစီႎီရ်ပ္လါန်ဒါႈတမာရ်နာတ် “ခေဲင်ဘေဲႇကျာမ်းb ကိက်အူန်းဒါႈ လိုဂြူပ်ကိုးကွာည်လိူည် စဝ်ဖြားအူပါး၊ လိုရေဲန်ဒဲႈလိူည်အမှုတော်အ်ုန်ယာ့်။” 9ဟောည်ႇဒီန် မာရ်နာတ်ႎီရ်တောႇဘိုး စဝ်ဖြားဟာဝ်းဒီဇာရ်ဗိမာန်တော် ပကီုင်းဂျေရုဆလင် “ဆာ်မည်းမိုႈခည်း ကောန်စဝ်ဖြား ႎဲရ်ဇောႈဆဲႈ ဒီဇာရ်နီန်။ 10အာဝ်မိုႈခေဲင်ပံပ်ကျာမ်း ‘ကံပ်ယီုဝ်နှဲအူန်းဒါႈ ဂေါႇမိုႈစဝ်ဖြားတံမ်းအူန်း ကန်ုမ်ဒေဝါကဲ တိူရ်ႈမေန်းမည်း 11ကဲနံင်ဒါတည်းကဲ ဇိုက်ကနာည်နှာင်း ဇိူင်မည်း အာဝ်လတမာဝ်းဒီန်c။’” 12ဟောည်ႇဒီန် စဝ်ဖြားမာ်ဒါႈ “ခေဲင်ပံပ်ကျာမ်း ‘တောပ်အူန်းဒါႈd အာဝ်ဘိူန်းစာမ်း စဝ်ဖြား အ်ုန်အီမိုႈ အဆျှိန်သခီန်မည်း။’” 13မာရ်နာတ်မာ် ႎါည်းဟောည်ႇစာမ်းအ်ုန် တစဝ်ဖြားတောန်မျိုးတောန်နဲ အ်ုန်ဟည်ႎီရ်ဒါႇ စဝ်ဖြားယေရှုရဲ့ထဲင်ဘိုးအခွါင်းအရေး ချဲမ်ချဲမ် အူလိူဝ်ႈ။ 14ဟောည်ႇဒီန် စဝ်ဖြားယေရှုဟည်စွႎီရ်ဘိုး ပကပီုန်ဂါလိလဲ တောပ်ဘည်အွံရ် ငျာန်တော်စဝ်ဖြား။ ဆဒါင်အ်ုန်မာ် ဟည်ကရောတ် ကလဲ့ဒိုႇတောန်အရာပ်။ 15ဟောည်ႇဒီန် ခိင်စဝ်ဖြားယေရှုဟောက္လာင်း ပနံဝ်းခေဲင်ဓမ္မာယုင် အီဂေါည်ပအရာပ်ဒီန်မာ် ကူန်ရဝ်မာဂါင်ကဲ တိူဝ်ႈကနေဲႈ ထောပနာဒိုႇတစဝ်ဖြားယေရှု။ 16ဟောည်ႇဒီန် စဝ်ဖြားဟည်ႎီရ် ပယိူဝ်ႇဒါင်းဒေဲႈအ်ုန် ပကီုင်းနာဇရက်။ ရောတ်ဆငည်းဆဒါင်း စဝ်ဖြားယေရှုဟည်ဟာဝ်းပ ဓမ္မာယုင် ဘည်ကျာင်အ်ုန်တဟာဝ်း အ်ုန်စီဇံင်းကဆီုဝ်ဒီန် ကနာည်နံင်ဒီရ်ႈ ဘေဲႇကျာမ်း။ 17အာရိယာဟေရှာယတိုအီးမှိူမ်နီန် စီဒဲႈပံပ်ဘေဲႇကျာမ်း ယေရှု အ်ုန်မာ် ႎိူဝ်ႈဒီရ်ႈပွံတ်။ 18“ဝိညာဉ်တော်အဆျှီန် ဂေါည်လိူည်တောပ်အော။ ဂေါႇမိုႈစဝ်ဖြားရံရ်ႈအော ကနာည်နံင်က္လာင်းဆဒါင်မှိူမ်တကောန်အီဖ္လါန်းကဲ၊ ကနာည်နံင်ပ္လိူရ်ႈ ကဲအီကတူႈလီပ်ခေဲင်ကဘေဲမ်နီန် နံင်ဘိူန်းလေႈ၊ ကဲငါည်အံပ်မာ် ဒဲႈကဲဘိူန်းတိူရ်ႈပ္လါင် ကာည်း ကောန်အီဖ္လါန်းမာ် ကနာည်နံင်တိုန်းကဲ လောတ်ဘိုန်းဒါႇ ဖ္လါန်းနီန် ကာည်း 19ဂေါႇမိုႈဇိုချီုင်နီန်မိုႈ အခိင်စဝ်ဖြားနှဲ ဘည်မဟာမေတ္တာတော်အ်ုန်တတိုအီးအ်ုန်ကဲ စီပဲန်အ်ုန်ပ္လေႈအောက္လာင်းe။” 20ဟောည်ႇဒီန် စဝ်ဖြားယေရှုဟည်ဆလွည်း ဘေဲႇကျာမ်းအ်ုန် ဒဲႈတအီရံပ်ဇီုင်း ပဓမ္မာယုင်၊ တိုအီးဂေါည်ခေဲင် ဓမ္မယုင်မာ် တိူရ်ႈစံပ်ပွံတ် ခိင်အံက်စဝ်ဖြားယေရှု။ 21ဟောည်ႇဒီန် စဝ်ဖြားဒါႈတကဲ “ကျာမ်းဒေါန်နီန် ဟည်မိုႈပဲန်ဒေဲႈဆငည်းအဒိူဝ်နီန် အခည်း တောပ်ဘည်ယိူဝ်းပဲ တတငါဝ်းယာ့်။” 22ကဲအီယိူဝ်းဘည်က္လာင်းစဝ်ဖြားယေရှု ကဲဂီုည်အာမ်းဒိုႇ။ ခနားကဲတော်ခနားကဲမာ် ကဲဒါႈ “တိုအီးအူအီးနီန် အာဝ်မိုႈအ်ုန်မိုႈကောန် ယောသပ်။” 23စဝ်ဖြားယေရှုမာ် “တောပ်ဘည်ကြောႈပ်ုန်ဒါႈအယ် ‘ဆြာခေါခါႇ ဘ်ုပ်ဆနံမ်းတိုပြီမ်ရအာည်ႇ’ ‘အမှုပ်ုန်ရေဲန်ဒေဲႈအော ပကီုင်းကပေရနောင်နီန် ဆေချာ (နှဲန်) ပဲနံင်ဒါႈ ရေဲန်ဒဲႈဆဲ့ ပကီုင်းဂေါည်အယ်’” 24မိုႈလိူည် “ဆာ်အယ်ဒါႈအခည်း အာဝ်ဒါႈအာရိယာတိုအီးမှိူမ်ကဝ်မှောမာ်လ ခေဲင်ကီုင်းဂေါည်အယ် အဆေမာ် အာဝ်ရံပ်ခါမ်မ။ 25ဆာ်အောက္လာင်းထဲင်ဘည်မိုႈအ်ုန် ခိင်မိုႈခေတ်ကာပ် အရိယာတိုအီးမှိူမ်ဧလိယ အာဝ်က္လာည်းဘြည်အိုည်ဆန်ုမ် အီးအာတ်ဟောမ်အာတ်ဒါ၊ ယာကမာည်းမာ် ဂီုန်းဒေဲႈပကပီုန်ခြိူဝ်းမျိုးအစ္စရေး။ 26စဝ်ဖြားနီန် အ်ုန်စီဆူည်ႇဧလိယဟာဝ်းကဇောည် ယာကမာည်းအူအီး အုန်အီဂေါည်ပကပီုန်ဇရတ္တ အ်ုန်စီအာဝ်ဆူည်ႇမ ဟာဝ်းကဇောည်ယာကမာည်းဂဲ အီဂေါည်ပကပီုန်အစ္စရေးကဲဒီန်။ 27ခိင်မိုႈခေတ်ကာပ် အာရိယာတိုအီးမှိူမ်ဧလိရှဲမာ် အီကတူႈရောဂါတူတ် ဂီုန်းခည်းခေဲင်ကပီုန်ခြိူဝ်းမျိုးအစ္စရေး။” 28ဇိုချီုင်တိုအီးကဲအီဂေါည်ခေဲင် ဓမ္မာယုင်ကဲဒီန် ယိူဝ်းဒေတငါဝ်း ပ်ုန်ဟောစဝ်ဖြား ဒေါဆကဲမာ် ဟည်လေႈ 29ဘံန်ဟောည်ႇယိူဝ်းကဲတတငါဝ်း ကြောႈစဝ်ဖြားယေရှုလှေနီန် ကဲအီဂေါည်ခေဲင်ဗိမာန်တော် ဟည်ဆိင်ဇာဝ်းဒိုႇ ကဲယိူဝ်ႇပွံတ် တောႇဟာဝ်းစဝ်ဖြားယေရှု ဒီဇာရ်နော ကနာည်နံင်ခြောႈလေႈအ်ုန်ဒါႇကီုင်း စူန်းဇောႈအ်ုန်တရအာင်းဒီန်။ 30မိုႈလိူည် စဝ်ဖြားယေရှု ဟည်စွဟာဝ်း ခ္လေါႈပွံတ်ခေဲင်ဂီုန်းတိုအီး။ 31ဟောည်ႇဒီန် စဝ်ဖြားယေရှုဟည်ဟာဝ်း ဟောပနံဝ်းခေဲင်ဓမ္မာယုင် ဆငည်းဆဒါင်း ပကီုင်းကပေရနောင် အီဂေါည်အရာပ်ဂါလိလဲ။ 32ဂေါႇမိုႈစဝ်ဖြားယေရှုဒါ ဘာည်းအီမိူဝ်ႈ အခွါင်းအာဏာ ယိူဝ်ႇတစဝ်ဖြား ဟောက္လာင်း၊ စီပဲန်တိုအီးဂဲ ရျံန်ခိုည်းတောပ်ပ်ုန်ပနံဝ်းဒဲႈအ်ုန်။ 33ခေဲင်ဓမ္မာယုင်ဒီန် မိူဝ်ႈတိုအီးအူအီး ကတူႈတိုအာဝ်ကျအာဝ်နလီပ်ခေဲင်တိုအ်ုန်။ တိုအီးအူအီးဒီန် အ်ုန်ရျံင်လာ်ဒါက္လာင်း တစဝ်ဖြားယေရှု 34“ကောန်ကီုင်းနာဇရက် ယေရှု၊ ဆေမည်းအာန်းဒေဘာည်းတယဲ၊ မည်းဒေဲႈကနာည်နံင် ပ်ုန်ပ္လေဲဝ်ႎီုန်ယဲ? အောနံပ်အေ့ အဆေမည်းမိုႈ။ မည်းမိုႈတိုအီးမျြံ တ်ယိူဝ်ႇဒေဲႈတ စဝ်ဖြား။” 35စဝ်ဖြားယေရှုစီဒါႈတတိုအာဝ်ကျအာဝ်နဒီန် “ကောန်ညီမ်ညီမ်၊ လည်လေႈဒါႇတိုအ်ုန်ဒီန်” ဘိူဝ်စဝ်ဖြားဟောည်ႇဒဲႈအမိင်ဘည်ဒီန် အ်ုန်လည်လေႈဟာဝ်းပွံတ် ခေဲင်တိုတိုအီးဒီန် ခနားတိုအီးဂီုန်း။ 36တိုအီးဂေါည်ခေဲင် ဓမ္မာယုင်ကဲဒီန်မာ် ဟည်အာမ်းဒိုႇ၊ ကဲဟည်လည်က္လာင်းခနားကဲ “အီနီန်မိုႈကြောႈဘည်မှော။ အ်ုန်ခြောႈလည်လေႈလိူည်မာ် တိုအာဝ်ကျအာဝ်နကဲနီန် ကံပ်ဘယ်ပွံတ်ဒေ လည်လေႈဟာဝ်း မိုႈအခွါင်းအာဏာကဲနီန် မိူဝ်ႈအူန်းတအ်ုန်?” 37ဟောည်ႇဒီန် ဆဒါင်ချှီႇစဝ်ဖြားမာ် ဟည်ရောတ်ကလဲ့ဒိုႇ တောန်အရာပ်တောန်အရာ။ 38ခိင်စဝ်ဖြားယေရှုလည်လေႈဒါႇ ဓမ္မာယုင် စွရောတ်ပဂါင် ကဝ်အီဇီုဝ်ရှိမုင်ဒီန် ဂေါႇမိုႈကံန်ရှိမုင် ဆဝ်းဖိူဝ်ကဆဝ်း ကဲစီမှာန်း စဝ်ဖြားယေရှု ကနာည်နံင်ဆနံမ်းဒဲႈတကံန်ကဲဒီန်။ 39ဂေါႇဘည်ဒီန် စဝ်ဖြားယေရှု စီဟာဝ်းပွံတ်ရီမ်းကံန်ကဲ ဒဲႈအမိင် ကနာည်နံင်ဟြာည်ကမာ်ႈ ရောဂါဆဝ်းဖိူဝ်အ်ုန်ဒီန်။ ႎါည်းရောဂါဟည် ဟြာည်ကမာ်ႈ အ်ုန်မာ်ယိူဝ်းအံက် ရံပ်ရိုႈပွံတ်ကဲအူစာ်န်း။ 40ရောတ်စာ်မ်းခိင်လီပ်ဆငည်း ကဲဟည်တောႇကစု တိုအီးမိူဝ်ႈရောဂါတောန်နဲ တစဝ်ဖြားယေရှု ဟောည်ႇဒီန် အ်ုန်စီပ္လေႈတည်းအ်ုန် တေဲင်အီဆူနာကဲဒီန် ဒဲႈရောဂါကဲ ဟြည်ကမာ်ႈဒိုႇ။ 41တိုအာဝ်ကျအာဝ်နကဲမာ် ဟည်လည်လေႈဒိုည်ႇဒါႇအီဆူနာ ရျံင်ဒါႈ “မည်းမိုႈ ကောန်စဝ်ဖြား။” ဂေါႇမိုႈကဲနံပ် စဝ်ဖြားယေရှုနီန်မိုႈ မေရှိယ ကဝ်အီကဇောည် စီပဲန်စဝ်ဖြားယေရှုထိင်ခြဲ မည်ဒဲႈကဲက္လာင်းဘည်ဒီန်။ 42ရောတ်ဆငည်းဘံန်း ခိင်ဘြည်ႎါရ်ႈ စဝ်ဖြားယေရှုဟည်စွလည်လေႈဟာဝ်း ပဒီအာဝ်မိူဝ်ႈတိုအီး။ ဘိူဝ်တိုအီးကဲ ဟြီုက်ယိူဝ်းအ်ုန် ကဲစီမှာန်းဒါႈ မည်လည်လေႈဟာဝ်းယာ့် ဒါႇယဲ။ 43စဝ်ဖြားယေရှုစီဒါႈ “အောနံင်လိုဟောထဲင် ဆဒါင်မှိူမ်မံင်ဂလာ ဘည်မိုႈဆာဆနာတော်စဝ်ဖြားနီန် ပကီုင်းအီဟံရ်။ အ်ုန်ဒါႈ အောမိုႈပ်ုန်ပ္လေႈ စဝ်ဖြား ကနာည်နံင်ဟောဘည်နီန်။” 44ဟောည်ႇဒီန် စဝ်ဖြားဟည်ဆီုပ်ဟောပနံဝ်းဘိုး ပဓမ္မာယုင် အီဂေါည်ကပီုန်ယုဒကဲဒီန် ပါ်ဒိုႇဒိုည်ႇ။
Nu geselecteerd:
Luke 4: stpv-rv
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
This translation of the Shwe Palaung Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Luke 4
4
1ဟောည်ႇဒီန် စဝ်ဖြားယေရှု ဂေါည်တောပ်ငျာန်တော်စဝ်ဖြား ႎီရ်ဒဲႈဂျော်ဒန် ယိူဝ်ႇပနဒီဇော်ဒါန် တောပ်ဘည်အွံရ် ငျာန်တော်စဝ်ဖြား ဟာဝ်းပွံတ်ဒေ ခေဲင်ဘြည်ကန္တာရ။ 2ဇူႈပွံတ်ဒီဒီန် အ်ုန်ခါမ်လာည်းပ်ုန်ကချှူးပ်ုန်ချောႇ ကန်ုမ်မာရ်နာတ် လှေင်ပွံတ်ကပံတ် ဖိုန်ကိူရ်ဆငည်း။ ဂေါႇမိုႈအ်ုန်အာဝ်ဟောမ်အာဝ်တျံင်ဆေ ဇိုချီုင်ဆငည်းကဲဒီန် ဘိူဝ်ဟည်ဟောည်ႇ အ်ုန်ဟည်ဇူႈပွံတ်ဒေ ကဘြာန်းပေါမ်။ 3မာရ်နာတ်စီဒါႈတစဝ်ဖြား “ဆာ်မည်းမိုႈကောန်စဝ်ဖြား ဒါႈဒဲႈမာဝ်းနီန် ပဲန်ကဘ။” 4ခိင်ဒီန် စဝ်ဖြားစီဒါႈ “ယီုဝ်နှဲအူန်းခေဲင်ဘေဲႇကျာမ်းa အယ်တိုအီး အာဝ်မိုႈမ အယ်ဘ်ုပ်အီမ်းလိူည် ဂေါႇပ်ုန်ဟောမ်” အူနဲ။ 5ဟောည်ႇဒီန် မာရ်နာတ်စီတောႇစဝ်ဖြားဟိုက်တေဲင်ဂေါင်ဇာရ် နှဲအ်ုန်တိူရ်ႈ ကုင်အီဂေါည်တေဲင်ကံမ်ဖာနီန် ပါ်ဒိုႇဒိုည်ႇ။ 6မာရ်နာတ်ဒါႈတစဝ်ဖြား “ဂေါႇမိုႈတဂိုးအာဏာကဲနီန် မိုႈအောဒဲႈအူန်း စီပဲန် မည်းမာ်လ ဆာ်အာဝ်မိုႈ ကဝ်ပ်ုန်ဆိင်ဒဲႈအောမာ်လ အောဘိူန်းဒဲႈ။ 7ဆာ်မည်းဂြူပ်ကိုးကွာည်အော အောနံင်ဒဲႈဒိုည်ႇကဲနီန် တမည်းပါ်ဒိုႇဒိုည်ႇ။” 8စဝ်ဖြားစီႎီရ်ပ္လါန်ဒါႈတမာရ်နာတ် “ခေဲင်ဘေဲႇကျာမ်းb ကိက်အူန်းဒါႈ လိုဂြူပ်ကိုးကွာည်လိူည် စဝ်ဖြားအူပါး၊ လိုရေဲန်ဒဲႈလိူည်အမှုတော်အ်ုန်ယာ့်။” 9ဟောည်ႇဒီန် မာရ်နာတ်ႎီရ်တောႇဘိုး စဝ်ဖြားဟာဝ်းဒီဇာရ်ဗိမာန်တော် ပကီုင်းဂျေရုဆလင် “ဆာ်မည်းမိုႈခည်း ကောန်စဝ်ဖြား ႎဲရ်ဇောႈဆဲႈ ဒီဇာရ်နီန်။ 10အာဝ်မိုႈခေဲင်ပံပ်ကျာမ်း ‘ကံပ်ယီုဝ်နှဲအူန်းဒါႈ ဂေါႇမိုႈစဝ်ဖြားတံမ်းအူန်း ကန်ုမ်ဒေဝါကဲ တိူရ်ႈမေန်းမည်း 11ကဲနံင်ဒါတည်းကဲ ဇိုက်ကနာည်နှာင်း ဇိူင်မည်း အာဝ်လတမာဝ်းဒီန်c။’” 12ဟောည်ႇဒီန် စဝ်ဖြားမာ်ဒါႈ “ခေဲင်ပံပ်ကျာမ်း ‘တောပ်အူန်းဒါႈd အာဝ်ဘိူန်းစာမ်း စဝ်ဖြား အ်ုန်အီမိုႈ အဆျှိန်သခီန်မည်း။’” 13မာရ်နာတ်မာ် ႎါည်းဟောည်ႇစာမ်းအ်ုန် တစဝ်ဖြားတောန်မျိုးတောန်နဲ အ်ုန်ဟည်ႎီရ်ဒါႇ စဝ်ဖြားယေရှုရဲ့ထဲင်ဘိုးအခွါင်းအရေး ချဲမ်ချဲမ် အူလိူဝ်ႈ။ 14ဟောည်ႇဒီန် စဝ်ဖြားယေရှုဟည်စွႎီရ်ဘိုး ပကပီုန်ဂါလိလဲ တောပ်ဘည်အွံရ် ငျာန်တော်စဝ်ဖြား။ ဆဒါင်အ်ုန်မာ် ဟည်ကရောတ် ကလဲ့ဒိုႇတောန်အရာပ်။ 15ဟောည်ႇဒီန် ခိင်စဝ်ဖြားယေရှုဟောက္လာင်း ပနံဝ်းခေဲင်ဓမ္မာယုင် အီဂေါည်ပအရာပ်ဒီန်မာ် ကူန်ရဝ်မာဂါင်ကဲ တိူဝ်ႈကနေဲႈ ထောပနာဒိုႇတစဝ်ဖြားယေရှု။ 16ဟောည်ႇဒီန် စဝ်ဖြားဟည်ႎီရ် ပယိူဝ်ႇဒါင်းဒေဲႈအ်ုန် ပကီုင်းနာဇရက်။ ရောတ်ဆငည်းဆဒါင်း စဝ်ဖြားယေရှုဟည်ဟာဝ်းပ ဓမ္မာယုင် ဘည်ကျာင်အ်ုန်တဟာဝ်း အ်ုန်စီဇံင်းကဆီုဝ်ဒီန် ကနာည်နံင်ဒီရ်ႈ ဘေဲႇကျာမ်း။ 17အာရိယာဟေရှာယတိုအီးမှိူမ်နီန် စီဒဲႈပံပ်ဘေဲႇကျာမ်း ယေရှု အ်ုန်မာ် ႎိူဝ်ႈဒီရ်ႈပွံတ်။ 18“ဝိညာဉ်တော်အဆျှီန် ဂေါည်လိူည်တောပ်အော။ ဂေါႇမိုႈစဝ်ဖြားရံရ်ႈအော ကနာည်နံင်က္လာင်းဆဒါင်မှိူမ်တကောန်အီဖ္လါန်းကဲ၊ ကနာည်နံင်ပ္လိူရ်ႈ ကဲအီကတူႈလီပ်ခေဲင်ကဘေဲမ်နီန် နံင်ဘိူန်းလေႈ၊ ကဲငါည်အံပ်မာ် ဒဲႈကဲဘိူန်းတိူရ်ႈပ္လါင် ကာည်း ကောန်အီဖ္လါန်းမာ် ကနာည်နံင်တိုန်းကဲ လောတ်ဘိုန်းဒါႇ ဖ္လါန်းနီန် ကာည်း 19ဂေါႇမိုႈဇိုချီုင်နီန်မိုႈ အခိင်စဝ်ဖြားနှဲ ဘည်မဟာမေတ္တာတော်အ်ုန်တတိုအီးအ်ုန်ကဲ စီပဲန်အ်ုန်ပ္လေႈအောက္လာင်းe။” 20ဟောည်ႇဒီန် စဝ်ဖြားယေရှုဟည်ဆလွည်း ဘေဲႇကျာမ်းအ်ုန် ဒဲႈတအီရံပ်ဇီုင်း ပဓမ္မာယုင်၊ တိုအီးဂေါည်ခေဲင် ဓမ္မယုင်မာ် တိူရ်ႈစံပ်ပွံတ် ခိင်အံက်စဝ်ဖြားယေရှု။ 21ဟောည်ႇဒီန် စဝ်ဖြားဒါႈတကဲ “ကျာမ်းဒေါန်နီန် ဟည်မိုႈပဲန်ဒေဲႈဆငည်းအဒိူဝ်နီန် အခည်း တောပ်ဘည်ယိူဝ်းပဲ တတငါဝ်းယာ့်။” 22ကဲအီယိူဝ်းဘည်က္လာင်းစဝ်ဖြားယေရှု ကဲဂီုည်အာမ်းဒိုႇ။ ခနားကဲတော်ခနားကဲမာ် ကဲဒါႈ “တိုအီးအူအီးနီန် အာဝ်မိုႈအ်ုန်မိုႈကောန် ယောသပ်။” 23စဝ်ဖြားယေရှုမာ် “တောပ်ဘည်ကြောႈပ်ုန်ဒါႈအယ် ‘ဆြာခေါခါႇ ဘ်ုပ်ဆနံမ်းတိုပြီမ်ရအာည်ႇ’ ‘အမှုပ်ုန်ရေဲန်ဒေဲႈအော ပကီုင်းကပေရနောင်နီန် ဆေချာ (နှဲန်) ပဲနံင်ဒါႈ ရေဲန်ဒဲႈဆဲ့ ပကီုင်းဂေါည်အယ်’” 24မိုႈလိူည် “ဆာ်အယ်ဒါႈအခည်း အာဝ်ဒါႈအာရိယာတိုအီးမှိူမ်ကဝ်မှောမာ်လ ခေဲင်ကီုင်းဂေါည်အယ် အဆေမာ် အာဝ်ရံပ်ခါမ်မ။ 25ဆာ်အောက္လာင်းထဲင်ဘည်မိုႈအ်ုန် ခိင်မိုႈခေတ်ကာပ် အရိယာတိုအီးမှိူမ်ဧလိယ အာဝ်က္လာည်းဘြည်အိုည်ဆန်ုမ် အီးအာတ်ဟောမ်အာတ်ဒါ၊ ယာကမာည်းမာ် ဂီုန်းဒေဲႈပကပီုန်ခြိူဝ်းမျိုးအစ္စရေး။ 26စဝ်ဖြားနီန် အ်ုန်စီဆူည်ႇဧလိယဟာဝ်းကဇောည် ယာကမာည်းအူအီး အုန်အီဂေါည်ပကပီုန်ဇရတ္တ အ်ုန်စီအာဝ်ဆူည်ႇမ ဟာဝ်းကဇောည်ယာကမာည်းဂဲ အီဂေါည်ပကပီုန်အစ္စရေးကဲဒီန်။ 27ခိင်မိုႈခေတ်ကာပ် အာရိယာတိုအီးမှိူမ်ဧလိရှဲမာ် အီကတူႈရောဂါတူတ် ဂီုန်းခည်းခေဲင်ကပီုန်ခြိူဝ်းမျိုးအစ္စရေး။” 28ဇိုချီုင်တိုအီးကဲအီဂေါည်ခေဲင် ဓမ္မာယုင်ကဲဒီန် ယိူဝ်းဒေတငါဝ်း ပ်ုန်ဟောစဝ်ဖြား ဒေါဆကဲမာ် ဟည်လေႈ 29ဘံန်ဟောည်ႇယိူဝ်းကဲတတငါဝ်း ကြောႈစဝ်ဖြားယေရှုလှေနီန် ကဲအီဂေါည်ခေဲင်ဗိမာန်တော် ဟည်ဆိင်ဇာဝ်းဒိုႇ ကဲယိူဝ်ႇပွံတ် တောႇဟာဝ်းစဝ်ဖြားယေရှု ဒီဇာရ်နော ကနာည်နံင်ခြောႈလေႈအ်ုန်ဒါႇကီုင်း စူန်းဇောႈအ်ုန်တရအာင်းဒီန်။ 30မိုႈလိူည် စဝ်ဖြားယေရှု ဟည်စွဟာဝ်း ခ္လေါႈပွံတ်ခေဲင်ဂီုန်းတိုအီး။ 31ဟောည်ႇဒီန် စဝ်ဖြားယေရှုဟည်ဟာဝ်း ဟောပနံဝ်းခေဲင်ဓမ္မာယုင် ဆငည်းဆဒါင်း ပကီုင်းကပေရနောင် အီဂေါည်အရာပ်ဂါလိလဲ။ 32ဂေါႇမိုႈစဝ်ဖြားယေရှုဒါ ဘာည်းအီမိူဝ်ႈ အခွါင်းအာဏာ ယိူဝ်ႇတစဝ်ဖြား ဟောက္လာင်း၊ စီပဲန်တိုအီးဂဲ ရျံန်ခိုည်းတောပ်ပ်ုန်ပနံဝ်းဒဲႈအ်ုန်။ 33ခေဲင်ဓမ္မာယုင်ဒီန် မိူဝ်ႈတိုအီးအူအီး ကတူႈတိုအာဝ်ကျအာဝ်နလီပ်ခေဲင်တိုအ်ုန်။ တိုအီးအူအီးဒီန် အ်ုန်ရျံင်လာ်ဒါက္လာင်း တစဝ်ဖြားယေရှု 34“ကောန်ကီုင်းနာဇရက် ယေရှု၊ ဆေမည်းအာန်းဒေဘာည်းတယဲ၊ မည်းဒေဲႈကနာည်နံင် ပ်ုန်ပ္လေဲဝ်ႎီုန်ယဲ? အောနံပ်အေ့ အဆေမည်းမိုႈ။ မည်းမိုႈတိုအီးမျြံ တ်ယိူဝ်ႇဒေဲႈတ စဝ်ဖြား။” 35စဝ်ဖြားယေရှုစီဒါႈတတိုအာဝ်ကျအာဝ်နဒီန် “ကောန်ညီမ်ညီမ်၊ လည်လေႈဒါႇတိုအ်ုန်ဒီန်” ဘိူဝ်စဝ်ဖြားဟောည်ႇဒဲႈအမိင်ဘည်ဒီန် အ်ုန်လည်လေႈဟာဝ်းပွံတ် ခေဲင်တိုတိုအီးဒီန် ခနားတိုအီးဂီုန်း။ 36တိုအီးဂေါည်ခေဲင် ဓမ္မာယုင်ကဲဒီန်မာ် ဟည်အာမ်းဒိုႇ၊ ကဲဟည်လည်က္လာင်းခနားကဲ “အီနီန်မိုႈကြောႈဘည်မှော။ အ်ုန်ခြောႈလည်လေႈလိူည်မာ် တိုအာဝ်ကျအာဝ်နကဲနီန် ကံပ်ဘယ်ပွံတ်ဒေ လည်လေႈဟာဝ်း မိုႈအခွါင်းအာဏာကဲနီန် မိူဝ်ႈအူန်းတအ်ုန်?” 37ဟောည်ႇဒီန် ဆဒါင်ချှီႇစဝ်ဖြားမာ် ဟည်ရောတ်ကလဲ့ဒိုႇ တောန်အရာပ်တောန်အရာ။ 38ခိင်စဝ်ဖြားယေရှုလည်လေႈဒါႇ ဓမ္မာယုင် စွရောတ်ပဂါင် ကဝ်အီဇီုဝ်ရှိမုင်ဒီန် ဂေါႇမိုႈကံန်ရှိမုင် ဆဝ်းဖိူဝ်ကဆဝ်း ကဲစီမှာန်း စဝ်ဖြားယေရှု ကနာည်နံင်ဆနံမ်းဒဲႈတကံန်ကဲဒီန်။ 39ဂေါႇဘည်ဒီန် စဝ်ဖြားယေရှု စီဟာဝ်းပွံတ်ရီမ်းကံန်ကဲ ဒဲႈအမိင် ကနာည်နံင်ဟြာည်ကမာ်ႈ ရောဂါဆဝ်းဖိူဝ်အ်ုန်ဒီန်။ ႎါည်းရောဂါဟည် ဟြာည်ကမာ်ႈ အ်ုန်မာ်ယိူဝ်းအံက် ရံပ်ရိုႈပွံတ်ကဲအူစာ်န်း။ 40ရောတ်စာ်မ်းခိင်လီပ်ဆငည်း ကဲဟည်တောႇကစု တိုအီးမိူဝ်ႈရောဂါတောန်နဲ တစဝ်ဖြားယေရှု ဟောည်ႇဒီန် အ်ုန်စီပ္လေႈတည်းအ်ုန် တေဲင်အီဆူနာကဲဒီန် ဒဲႈရောဂါကဲ ဟြည်ကမာ်ႈဒိုႇ။ 41တိုအာဝ်ကျအာဝ်နကဲမာ် ဟည်လည်လေႈဒိုည်ႇဒါႇအီဆူနာ ရျံင်ဒါႈ “မည်းမိုႈ ကောန်စဝ်ဖြား။” ဂေါႇမိုႈကဲနံပ် စဝ်ဖြားယေရှုနီန်မိုႈ မေရှိယ ကဝ်အီကဇောည် စီပဲန်စဝ်ဖြားယေရှုထိင်ခြဲ မည်ဒဲႈကဲက္လာင်းဘည်ဒီန်။ 42ရောတ်ဆငည်းဘံန်း ခိင်ဘြည်ႎါရ်ႈ စဝ်ဖြားယေရှုဟည်စွလည်လေႈဟာဝ်း ပဒီအာဝ်မိူဝ်ႈတိုအီး။ ဘိူဝ်တိုအီးကဲ ဟြီုက်ယိူဝ်းအ်ုန် ကဲစီမှာန်းဒါႈ မည်လည်လေႈဟာဝ်းယာ့် ဒါႇယဲ။ 43စဝ်ဖြားယေရှုစီဒါႈ “အောနံင်လိုဟောထဲင် ဆဒါင်မှိူမ်မံင်ဂလာ ဘည်မိုႈဆာဆနာတော်စဝ်ဖြားနီန် ပကီုင်းအီဟံရ်။ အ်ုန်ဒါႈ အောမိုႈပ်ုန်ပ္လေႈ စဝ်ဖြား ကနာည်နံင်ဟောဘည်နီန်။” 44ဟောည်ႇဒီန် စဝ်ဖြားဟည်ဆီုပ်ဟောပနံဝ်းဘိုး ပဓမ္မာယုင် အီဂေါည်ကပီုန်ယုဒကဲဒီန် ပါ်ဒိုႇဒိုည်ႇ။
Nu geselecteerd:
:
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
This translation of the Shwe Palaung Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.