Firim fafu fal Aláemit

<div class="version vid1300 iso6393bqj" data-vid="1300" data-iso6393="bqj">
 <div class="book bkLUK">
 <div class="chapter ch20" data-usfm="LUK.20">
 <div class="label">20</div><div class="s">Sembe Y&#233;su bay s&#250;&#7549;ullo ?</div><div class="r">(M&#225;cie 21.23-27 ; Maruk 11.27-33)</div><div class="p"> 1Funah fice, Y&#233;su n&#225;ni n&#8217;gavare &#233;suh yay ni g&#225;vi-Al&#225;emit gagu, nah&#8217;agitenil Firim fafu F&#225;sum me. &#11363;iout, ufan ute&#331;enaaw, &#250;&#7549;ajula g&#250;bo&#241; Al&#225;emit bugagu ni ufan &#233;suh yay n&#8217;gufaen gu&#265;igul. 2N&#8217;guogol : &#171; Ulob&#243;li &#7549;aa, sembe say nubaj mee sal ekan wo nukane mee, ay aseni sembe sausu ? &#187; 3Naagil : &#171; Inj&#233; may nibaje suroren sal erorenul : 4Yoo, sembe sasu saa g&#225;batise so Saa&#331; Batis abaj me, bay s&#250;&#7549;ullo : n&#8217;Al&#225;emit ter ni an ? &#187; 5Bare n&#8217;g&#250;bahulor guoh : &#171; Uogal me n&#8217;Al&#225;emit, &#7549;an aagolal : &#8220;Wa u&#265;ile &#241;er j&#237;inenut ni o ?&#8221; 6Ban may uogal me ni an sujoumulo, &#233;suh yay &#7549;e &#7549;an guralolal sival uk&#8217;u&#265;elal, mata g&#250;inene b&#250;oh Saa&#331; Batis abo&#241;er aamene. &#187; 7&#209;er n&#8217;g&#250;balol guoh guffasut. 8Y&#233;su naagil : &#171; Yoo, &#237;nje may mat&#8217;ilobul ni sembe say nikane mee waf wauwu. &#187;</div><div class="s">B&#250;nogor babu bal ucokora-b&#237;&#241;u bugagu g&#225;la&#7549;ut me</div><div class="r">(M&#225;cie 21.33-46 ; Maruk 12.1-12)</div><div class="p"> 9&#11363;&#250;rto, Y&#233;su nanamo elob &#233;suh yay b&#250;nogor baube : &#171; Baje ace &#225;ine aroh &#250;bi&#241;u|b&#237;bi&#241;u, aban n&#225;bahen wo asen ucokora-b&#237;&#241;u guogen mbi nihi g&#250;&#7549;unnol fugabol ; mbiban nakay b&#250;jaor bajae e&#7549;io. 10No tinah ti&#265;ih me tal ealen miti&#241; mamu, nabo&#241; aroka bi ni gaogen me &#250;bi&#241;u waw, bi &#233;yabul fugabol. Bare ucokora-b&#237;&#241;u bugagu n&#8217;guteh aroka ahumu, guban n&#8217;guhamol aot gu&#241;en gurakel. 11Ala &#250;bi&#241;u waw nabba&#241; abo&#241; ace aroka, bare n&#8217;gutegol may, n&#8217;gujelol guban n&#8217;guhamol aot gu&#241;en gurakel. 12Afan ahu natajen abo&#241; aroka &#225;fatten ; o mul n&#8217;g&#250;bukenol, mbiban n&#8217;guhamol. 13Ala &#250;bi&#241;u waw naah : &#8220;Bu nijae &#7549;ia&#331; ekan ? Uhalom min ibo&#241; &#225;&#7549;urom &#225;amumma, n&#237;inene a&#265;ila &#7549;an g&#250;kanumol.&#8221; &#209;er nabo&#241;ol ajow. 14Bare ucokora-bi&#241;u bugagu no gujugol me o n&#8217;&#233;joul, n&#8217;guogoro : &#8220;Umu a&#265;il me gafumol. Ujaal umugalol, mamu gafumol &#7549;an g&#250;bba&#241;ul g&#250;ni gololal.&#8221; 15N&#8217;g&#250;&#7549;unnol gubelen t&#237;ya&#331; guban n&#8217;gumugol. &#187;</div><div class="p">Y&#233;su natajen aagil : &#171; Ala &#250;bi&#241;u waw &#241;er bu na&#241;um me ekan bugan bugaubugi ? 16&#11363;an &#225;joul, mb&#8217;a&#265;igul namugil, aban n&#225;bahen wo asen guce. &#187;</div><div class="p">No bugan bugagu guun me gurim gaugu, n&#8217;guoh : &#171; Ur&#250; jambi baj ! &#187; 17Bare Y&#233;su nailo alujil aban naah : &#171; Bahi&#265;er baube wa bulobe no buoh me :</div><div class="q1">&#8220;Eb&#237;rih yay yo ute&#7549;aaw gujunden me,</div><div class="q1">yo ebbanno me &#233;ni y&#225;amumma, ya&#265;il me ya&#331; yay#20.17 Juluj Uf&#243;&#241; 118.22&#8221; ?</div><div class="p"> 18An&#243;an ajae me elo&#331;en &#233;birih yauyu &#7549;an alebbor, ban may &#225;noan o ejae me elo ni o, &#7549;an epulujol. &#187;</div><div class="s">Suroren sasu mala ecam b&#250;alen Sesar</div><div class="r">(M&#225;cie 22.15-22 ; Maruk 12.13-17)</div><div class="p"> 19&#209;er &#250;&#7549;ajula g&#250;bo&#241; Al&#225;emit bugagu ni ufan ute&#331;enaaw n&#8217;guma&#331;en ejoh Y&#233;su to baenah mata guffase b&#250;oh molil n&#225;lobum mee b&#250;nogor baubu, bare n&#8217;g&#250;holi &#233;suh yay. 20&#209;er n&#8217;gunamo elujorol. N&#8217;gubo&#241; bugan gukan ti bugan g&#225;inene n&#8217;Al&#225;emit gujow bi ni o bi ebelol gabbut ni suroren ; mamu &#7549;an g&#250;ju &#241;er gujogulol gusen afan ahu aogen me mofil &#7549;e. 21Bugan bugaubugu n&#8217;gu&#265;igul n&#8217;guogol : &#171; Afan ahu, jiffase b&#250;oh gurimi ni bavareeri su&#265;o&#265;ol. Uluj&#233;rit ni uul bugan bugagu, ban nuvareevare bulago Al&#225;emit ni maagen. 22Ulob&#243;li &#7549;aa ter sesen min b&#250;alen bucami &#225;vi ahu &#225;mah ahu Sesar#20.22 Sesar : No, bugaa Rom gu&#331;ar me mof mamu maa Israel guogen ni sembe. Av&#237;il o ni&#8217;guvoh me Sesar.. &#187; 23Bare Y&#233;su nemme n&#225;talloe gabbut gagu go guralol mee ni suroren sausu, naagil : &#171; Ji&#331;allom &#7549;aa &#233;ralam ! &#187; N&#8217;gu&#331;allol yo. Nabba&#241; aagil : 24&#171; Buul baube ni gajow gauge sal ay ? &#187; N&#8217;guogol : &#171; Saa Sesar. &#187; 25&#209;er naagil : &#171; Kan jisen Sesar wafol, ban may jisen Al&#225;emit waamme wola ! &#187; 26Gubajut &#241;er fay mbi g&#250;jogumol me ni fo b&#250;jo&#331;or &#233;suh yay. Nemme gujahalijahali min &#225;balil mee, gubba&#241;ut gulob to fice firim.</div><div class="s">Suroren sasu mala eilo yay yaa ga&#265;et me</div><div class="r">(M&#225;cie 22.23-33 ; Maruk 12.18-27)</div><div class="p"> 27Ni baj Es&#225;duke guce gujow iki gutoh Y&#233;su. (Es&#225;duke yay bugo nihi guoh me an a&#265;et me aban mat&#8217;ailoul n&#8217;e&#265;et yay.) N&#8217;guogol : 28&#171; Afan&#243;li, g&#250;bo&#241; gagu gaa M&#243;is guoge an ayab me anaare mbiban na&#265;et ajundenol o m&#8217;babajut a&#241;il, atiol &#7549;an atunol min &#225;ju ahalol g&#225;tuh. 29Yoo. Bajene batiay baa w&#225;ine gono futoh ni g&#250;uba. At&#237;ar nayab aban na&#265;et o m&#8217;babajut a&#241;il. 30A&#250;tten ahu 31ni &#225;fatten ahu n&#8217;gutunol anur-anur. Mamu may bugo &#7549;e gaamme futoh ni g&#250;uba guyab mee aare ahu, ban ni gu&#265;et bugo &#7549;e m&#8217;babajut a&#241;il ni o. 32&#11363;&#250;rto, aare ahu may na&#265;et. 33Ban &#241;er juroreni : no ga&#265;et me gujae me eilo, &#7549;an &#241;er &#225;ni aar ay ni bugo, nemme bugo &#7549;e gutoge guyabol ? &#187;</div><div class="p"> 34Y&#233;su naagil : &#171; Bugan bugaa babe n&#8217;ettam guyabeyab, g&#250;yaboeyabo. 35Bare bugan bugagu gajae me &#233;jahor b&#250;jo&#331;or Al&#225;emit min abba&#241;enulil g&#250;ni m&#8217;buro&#331; babu b&#225;jaeul me, mati guyab ter g&#250;yabo. 36Gu&#241;umut &#7549;o&#7549; ebba&#241; gu&#265;et, mata &#7549;an til g&#250;ni ti emalakaay. Bugo gu&#241;ol Al&#225;emit bugom mala min gubba&#241;ulo me g&#250;ni m&#8217;buro&#331;. 37M&#243;is may nagitenolal &#331;anno ca b&#250;oh ga&#265;et me &#7549;an g&#250;bba&#241;ul g&#250;ni m&#8217;buro&#331; : ni Bahi&#265;er babu d&#243; nalob me mala jufokon jaju jaa sije&#331; jaamme n&#8217;esa#20.37 Juluj Ga&#7549;agen 3.6, navoge Ataw "Al&#225;emit o Aburaham, Isak ni Sakob g&#250;inen me ni o". 38Ban Al&#225;emit alet Al&#225;emit ala ga&#265;et me, bare til ala garo&#331; me. Maagen, n&#8217;a&#265;ila hani g&#250;faji bugaubugi ga&#265;et me gukakan bugan garo&#331;e. &#187;</div><div class="p"> 39&#209;er guce ni &#250;&#7549;ajula g&#250;bo&#241; Al&#225;emit bugagu n&#8217;guogol : &#171; Afan&#243;li, nulobe jon. &#187; 40Gubba&#241;ut guka&#241;en erorenol suroren sice.</div><div class="s">Suroren sasu mala effas ter Kirista gabulaken gaa David nam</div><div class="r">(M&#225;cie 22.41-46 ; Maruk 12.35-37)</div><div class="p"> 41&#11363;&#250;rto, Y&#233;su naagil : &#171; Wa u&#265;ile &#233;suh yay nihi guoh Kirista A&#241;ol David nam ? 42David fa&#331;aol naage n&#8217;&#233;lebur yay yal Uf&#243;&#241; waw#20.42 Juluj Uf&#243;&#241; 119.1 :</div><div class="q1">&#8220;Ataw Al&#225;emit naage Ataom :</div><div class="q1">Unamo ni ga&#241;enom g&#225;rib</div><div class="q1"> 43bi no nijae me ekan ulatori g&#250;ni f&#237;rembenum guoli.&#8221;</div><div class="p"> 44Nemme David navogol "Ataw", bu Kirista &#225;jue &#241;er &#225;ni A&#241;ol David t&#237;j to ? &#187;</div><div class="s">Y&#233;su o m&#8217;ba&#265;af mala &#233;ni ti &#250;&#7549;ajula g&#250;bo&#241; Al&#225;emit bugagu</div><div class="r">(M&#225;cie 23.1-36 ; Maruk 12.38-40)</div><div class="p"> 45Min &#233;suh yay &#7549;e guomme n&#8217;euttenol, Y&#233;su naah ulagorol : 46&#171; J&#250;ludo &#250;&#7549;ajula g&#250;bo&#241; Al&#225;emit bugagu, bugo nihi gubelo me &#250;juo ujaha waave bi to n&#8217;guolil n&#8217;gujator min &#233;suh yay gujugil, bugo nihi guma&#331; me gusafil ni jamme&#331; ni g&#225;kanum r&#243;, bugo nihi gusommen me erobo ni sujukut sasu saa gayo&#331; ni sa&#331; sasu saa galaw|ya&#331; yaa galaw, bugo &#7549;o&#7549; nihi gurobo me ni sujukut sasu s&#225;amumma gaggan babajer. 47&#11363;an nihi g&#250;gotor uti&#241;a-sibara bugagu min guyab wo gubaj me &#7549;e, mbiban n&#8217;gunamo galaw huli min mbi &#233;suh yay gujogil bugan gaaro. Bakaner baubu &#7549;an bi&#265;ilil n&#8217;guyab g&#250;teh gafa&#331;e gaa bugagu &#7549;e. &#187;</div>
 </div>
 </div>
</div>

Funah fice, Yésu náni n’gavare ésuh yay ni gávi-Aláemit gagu, nah’agitenil Firim fafu Fásum me. Ᵽiout, ufan uteŋenaaw, úᵽajula gúboñ Aláemit bugagu ni ufan ésuh yay n’gufaen guĉigul. N’guogol : « Ulobóli ᵽaa, sembe say nubaj mee sal ekan wo nukane mee, ay aseni sembe sausu ? » Naagil : « Injé may nibaje suroren sal erorenul : Yoo, sembe sasu saa gábatise so Saaŋ Batis abaj me, bay súᵽullo : n’Aláemit ter ni an ? » Bare n’gúbahulor guoh : « Uogal me n’Aláemit, ᵽan aagolal : “Wa uĉile ñer jíinenut ni o ?” Ban may uogal me ni an sujoumulo, ésuh yay ᵽe ᵽan guralolal sival uk’uĉelal, mata gúinene búoh Saaŋ Batis aboñer aamene. » Ñer n’gúbalol guoh guffasut. Yésu naagil : « Yoo, ínje may mat’ilobul ni sembe say nikane mee waf wauwu. »


Ᵽúrto, Yésu nanamo elob ésuh yay búnogor baube : « Baje ace áine aroh úbiñu|bíbiñu, aban nábahen wo asen ucokora-bíñu guogen mbi nihi gúᵽunnol fugabol ; mbiban nakay bújaor bajae eᵽio. No tinah tiĉih me tal ealen mitiñ mamu, naboñ aroka bi ni gaogen me úbiñu waw, bi éyabul fugabol. Bare ucokora-bíñu bugagu n’guteh aroka ahumu, guban n’guhamol aot guñen gurakel. Ala úbiñu waw nabbañ aboñ ace aroka, bare n’gutegol may, n’gujelol guban n’guhamol aot guñen gurakel. Afan ahu natajen aboñ aroka áfatten ; o mul n’gúbukenol, mbiban n’guhamol. Ala úbiñu waw naah : “Bu nijae ᵽiaŋ ekan ? Uhalom min iboñ áᵽurom áamumma, níinene aĉila ᵽan gúkanumol.” Ñer naboñol ajow. Bare ucokora-biñu bugagu no gujugol me o n’éjoul, n’guogoro : “Umu aĉil me gafumol. Ujaal umugalol, mamu gafumol ᵽan gúbbañul gúni gololal.” N’gúᵽunnol gubelen tíyaŋ guban n’gumugol. »
Yésu natajen aagil : « Ala úbiñu waw ñer bu nañum me ekan bugan bugaubugi ? Ᵽan ájoul, mb’aĉigul namugil, aban nábahen wo asen guce. »
No bugan bugagu guun me gurim gaugu, n’guoh : « Urú jambi baj ! » Bare Yésu nailo alujil aban naah : « Bahiĉer baube wa bulobe no buoh me :
“Ebírih yay yo uteᵽaaw gujunden me,
yo ebbanno me éni yáamumma, yaĉil me yaŋ yay” ?
Anóan ajae me eloŋen ébirih yauyu ᵽan alebbor, ban may ánoan o ejae me elo ni o, ᵽan epulujol. »


Ñer úᵽajula gúboñ Aláemit bugagu ni ufan uteŋenaaw n’gumaŋen ejoh Yésu to baenah mata guffase búoh molil nálobum mee búnogor baubu, bare n’gúholi ésuh yay. Ñer n’gunamo elujorol. N’guboñ bugan gukan ti bugan gáinene n’Aláemit gujow bi ni o bi ebelol gabbut ni suroren ; mamu ᵽan gúju ñer gujogulol gusen afan ahu aogen me mofil ᵽe. Bugan bugaubugu n’guĉigul n’guogol : « Afan ahu, jiffase búoh gurimi ni bavareeri suĉoĉol. Ulujérit ni uul bugan bugagu, ban nuvareevare bulago Aláemit ni maagen. Ulobóli ᵽaa ter sesen min búalen bucami ávi ahu ámah ahu Sesar. » Bare Yésu nemme nátalloe gabbut gagu go guralol mee ni suroren sausu, naagil : « Jiŋallom ᵽaa éralam ! » N’guŋallol yo. Nabbañ aagil : « Buul baube ni gajow gauge sal ay ? » N’guogol : « Saa Sesar. » Ñer naagil : « Kan jisen Sesar wafol, ban may jisen Aláemit waamme wola ! » Gubajut ñer fay mbi gújogumol me ni fo bújoŋor ésuh yay. Nemme gujahalijahali min ábalil mee, gubbañut gulob to fice firim.


Ni baj Esáduke guce gujow iki gutoh Yésu. (Esáduke yay bugo nihi guoh me an aĉet me aban mat’ailoul n’eĉet yay.) N’guogol : « Afanóli, gúboñ gagu gaa Móis guoge an ayab me anaare mbiban naĉet ajundenol o m’babajut añil, atiol ᵽan atunol min áju ahalol gátuh. Yoo. Bajene batiay baa wáine gono futoh ni gúuba. Atíar nayab aban naĉet o m’babajut añil. Aútten ahu ni áfatten ahu n’gutunol anur-anur. Mamu may bugo ᵽe gaamme futoh ni gúuba guyab mee aare ahu, ban ni guĉet bugo ᵽe m’babajut añil ni o. Ᵽúrto, aare ahu may naĉet. Ban ñer juroreni : no gaĉet me gujae me eilo, ᵽan ñer áni aar ay ni bugo, nemme bugo ᵽe gutoge guyabol ? »
Yésu naagil : « Bugan bugaa babe n’ettam guyabeyab, gúyaboeyabo. Bare bugan bugagu gajae me éjahor bújoŋor Aláemit min abbañenulil gúni m’buroŋ babu bájaeul me, mati guyab ter gúyabo. Guñumut ᵽoᵽ ebbañ guĉet, mata ᵽan til gúni ti emalakaay. Bugo guñol Aláemit bugom mala min gubbañulo me gúni m’buroŋ. Móis may nagitenolal ŋanno ca búoh gaĉet me ᵽan gúbbañul gúni m’buroŋ : ni Bahiĉer babu dó nalob me mala jufokon jaju jaa sijeŋ jaamme n’esa, navoge Ataw "Aláemit o Aburaham, Isak ni Sakob gúinen me ni o". Ban Aláemit alet Aláemit ala gaĉet me, bare til ala garoŋ me. Maagen, n’aĉila hani gúfaji bugaubugi gaĉet me gukakan bugan garoŋe. »
Ñer guce ni úᵽajula gúboñ Aláemit bugagu n’guogol : « Afanóli, nulobe jon. » Gubbañut gukañen erorenol suroren sice.


Ᵽúrto, Yésu naagil : « Wa uĉile ésuh yay nihi guoh Kirista Añol David nam ? David faŋaol naage n’élebur yay yal Ufóñ waw :
“Ataw Aláemit naage Ataom :
Unamo ni gañenom gárib
bi no nijae me ekan ulatori gúni fírembenum guoli.”
Nemme David navogol "Ataw", bu Kirista ájue ñer áni Añol David tíj to ? »


Min ésuh yay ᵽe guomme n’euttenol, Yésu naah ulagorol : « Júludo úᵽajula gúboñ Aláemit bugagu, bugo nihi gubelo me újuo ujaha waave bi to n’guolil n’gujator min ésuh yay gujugil, bugo nihi gumaŋ me gusafil ni jammeŋ ni gákanum ró, bugo nihi gusommen me erobo ni sujukut sasu saa gayoŋ ni saŋ sasu saa galaw|yaŋ yaa galaw, bugo ᵽoᵽ nihi gurobo me ni sujukut sasu sáamumma gaggan babajer. Ᵽan nihi gúgotor utiña-sibara bugagu min guyab wo gubaj me ᵽe, mbiban n’gunamo galaw huli min mbi ésuh yay gujogil bugan gaaro. Bakaner baubu ᵽan biĉilil n’guyab gúteh gafaŋe gaa bugagu ᵽe. »

Hør på Lík 20