Populære bibelvers fra Luk 21

Del

Sesemane sogo dage bugagia suao, dua dao. Te sę eyu, tigidali sogo dage God hanalu wao, agai dagebolo aga bomo momainu yao. Tama tilama, tigidali te sę dageba pedelainogo yali da, te dage geda munama ela soeibao. Tiyu da, dage ena gesabide bugagia dolaluaibao, ena da te Godigo Bidi Mu dao,” Jisasgo te po wai.

“Te dage dua dao, bugagia suao. Dagego tigidali sogo bomai wę tulama, aiyoge elamu dao. Tiyu dagego tigi tau sabo homu naga egio. Te tiwai kolesagago dage mesegelebaso da, teda te Bidi Mu asobo sogo dage polo asaibao, te enego hasa enebo tiwai yaibao.

Dage bomo elama, bidao. Nono esisąbaso, dagego mu bidabo sogo nosali saibao,” Jisasgo te po wai.

Ena digi ena koneai bidigo po dage pedauwaliba muaibao. Te baso, dagego boi bidi dabego te po sela sąnama aiyaba elalugobeo.

Dagalu dali, tǫ dali tigidali pela silaibao, tiali goli eno po me munu me sia sogobeo,” Jisasgo te po wai.

Te Jisasgo augwalibolo po me weyu, te po wai, “Te giligade me, te poluade me, te hǫde me te gasagi yai sę pedelaibao, bidigo konesiąbo sę. Tama tǫde tigidali we bidi dwai homu elama, wi eyu, gela weyu, tebo side moni tamu ąį dini asainogo u wabo augwaligo odoyu, wi yaibao. We bidi augwaligo homugo magi sę e tǫde pedalogowe, te po waibao. Tibaso, augwali homude wi eyu, tigi aiyoge eyu, tibo isaibao. Magi basowe? Te dagalude hǫ dabe augwaligo tų mina sobaso, gegele bilaibao. Tama te ebo sogo ena te Godigo Bidi Mu ena gasa dagalu pǫ medu asaibao, te eno moni bomo dali, moni ula dali asobo augwaligo te sogo sueibao. Te moni ula te giliga sesena pai nanobo tiwai yaibao.

Tigidali we bidi augwaligo dage dali moni sębę mu yaibao. Magi basowe? Eno nogi dage dali bidibaso augwaligo tama tiaibao.

Genuai genuai gęǫ e tǫde pedalaibao. Me badu habu badu genuai nasi dali genuai gasi dali yaibao. Te dagalude te we bidi wi yabo moni haniani sę pedelaibao.

Dagego odoyu da moni wąbi hwįbo po odobo si, teda dage didibili egio. Ma, bidi dabe augwaligo te gavman sela sąwai hagede wąbi hwįbo po odobo si, te dage didibili egio. Te sę polo hasia pedaliyu polo yaibao. Tiali goli, te si polo siligobeo, tigidali nai silabo si polo asogobeo,” Jisasgo te po wai. Jisasgo augwalibolo te po me wai, “Me bidi hanigo me bidi hani dali wąbi hwįaibao. Te genuai bulude bidibo bidi hani mego te gasa genuai bulude bidibo bidi hani me dali hwįaibao.

Te Jisasgo augwalibolo po me weyu, te po wai, “Te giligade me, te poluade me, te hǫde me te gasagi yai sę pedelaibao, bidigo konesiąbo sę. Tama tǫde tigidali we bidi dwai homu elama, wi eyu, gela weyu, tebo side moni tamu ąį dini asainogo u wabo augwaligo odoyu, wi yaibao. We bidi augwaligo homugo magi sę e tǫde pedalogowe, te po waibao. Tibaso, augwali homude wi eyu, tigi aiyoge eyu, tibo isaibao. Magi basowe? Te dagalude hǫ dabe augwaligo tų mina sobaso, gegele bilaibao.

Jisasgo augwalibolo te po me wai, “Me bidi hanigo me bidi hani dali wąbi hwįaibao. Te genuai bulude bidibo bidi hani mego te gasa genuai bulude bidibo bidi hani me dali hwįaibao.

Tama Jisasgo po weyu, te po wali, “Bidi hauwa asiyu, Jisas ena nogi waibao, Jisas asaibao wali, ena te Jisas ena e asalise, te po waibao, dage dali. Dage dua dao. Augwaligo dage ili po ola mawaibao. Tama augwaligo te po me waibao, ‘Asobo si te pąba maga yagasobao.’ Tiali goli, dagego te po wabo bidi wali pigio.