Populære bibelvers fra JENESIS 27

Del

To U Blei un ai ha me ïa ka umjer na bneng, bad un pynseisoh ïa ki lyngkha jong me! To un ai ha me kyrhai u kew bad ka waiñ! To ai ba ki jaitbynriew kin long ki shakri jong me, bad ki briew kin dem khrup ha khmat jong me. To men synshar halor ki kur ki jait jong me baroh, bad to ai ba ki khun ki ksiew ka kmie jong me kin dem khrup ha khmat jong me. Ai ba kito kiba tim ïa me kin long kiba la tim bad ai ba kito kiba me kyrkhu kin long kiba la kyrkhu.”

U Iso u ong, “Kane ka dei ka sien kaba ar ba u la shet shukor ïa nga. Kam long kaba phylla ba ka kyrteng jong u ka dei u Jakob. U la shim noh ïa ki hok ka jinglong khun nyngkong jong nga, bad mynta pat u la shim sa ïa ka jingkyrkhu jong nga. Hato phim shym la tyngkai ka jingkyrkhu ïa nga?”

Kumta u Isaak u ong ha u, “Ym don umjer na bneng na ka bynta jong me, Ym don lyngkha baseisoh na ka bynta jong me. Men im da ka waitlam, Hynrei men long u mraw jong u para jong me. Pynban haba me ïeng ban ïaleh pyrshah, Men lait na ka jingsynshar jong u.”

U Iso u ïai kyrpad ha la u kpa. “Ko Pa, hato phi don tang kawei ka jingkyrkhu? Pa, to kyrkhu ïa nga ruh!” U la sdang ban ïam.