Populære bibelvers fra LUK 6

Del

Kutami tsulo eno Alhou no ti otsu nani; chhitoi shi inadasu ghi kunosu eno qoleqolei shi nongu tsu nani; kughengu nonguno kutami lau peithakeu kimighi qhemi lono nongu lau ghi Alhou no peitha nani.

Akivimiye pa mlolo akivi pekutsu puakeu lono akivi ikhiphe cheni; eno timi lhoksami ye pa mlolo alhoksa pekutsu puakeu lono alhoksa ikhiphe cheni. Kughengu timino amlolo nibonilei akeu akichi lono piphe acheni.

Ikemu oghumiu kimiyelo eno pano lau akivi shilo, punalo eno tsuchile penikeu laju kevilo. Tishianguno noye ajume kije anani eno shishe Akiqheu Lhou nuli shilu nani; kughengu paye shikimthimokemi eno kusakughami lau akivi shie.

Nongu paPuh ye kupukini kehu nongu ghi kupukini shilo.”

Kutami shou kughathabe kevilo, eno Alhou no oshou kughatha bemo nani; kutami thave kevilo eno Alhou no othavemo nani; kutami xine pevetsulo eno Alhou no oxine pevetsu nani.

“Ikemu nongu iniakeqo vilo ino pi ani: Oghumi kimiyelo, nongu mithi chekeqo lau akivi shilo, nongu ghushokemiqo kumghatsulo, nongu peithapusakeqo ghenguno inikhulo.

Nono kishi kutami pelo olau shipenishi keno titoi kutami lau shilo.

Khualano ogimuchu lakhilo ghatsu aye, tuxau ghi papelo gha pelo. Khualano oku-uphi ikhisuwuve aye, pa pelo ophikuzu ghi luve pelo. Khualano ovilo kiuala khu ighi kelo tsulo, khualano owu kiuala suwukeu khuchilelu kevilo.

“Kughengu asubo kiviye alhoksa lothi pithi chemoe, momu asubo lhoksano athi kivi pithi chemoe.

Asubo lakhi khino alikhi axathi lono michilu cheni; kughengu timiye asahubo lono khughuthi xolu chemoe, momu koghesahubo lono atsaithi xolu chemoe.