Populære bibelvers fra Иуан 17

Del

Ахэмэ шъыпкъэмкӀэ зыкъыуатыжьынэу гъэхъу. О уигущыӀэхэр ары шъыпкъэхэр.

ЦӀыфхэм мыкӀодыжьын щыӀэныгъэ яӀэ зэрэхъурэ гъогур о Тхьэ шъыпкъэ закъор узэрашӀэщтри, о къэбгъэкӀогъэ Исус Христос зэрашӀэщтри ары.

– Ахэмэ язакъоп сэ сыкъызфыолъэӀурэр, ахэмэ ягущыӀэхэмкӀэ сэркӀэ шӀошъхъуныгъэ зиӀэ хъущт цӀыфхэми сакъыфыолъэӀу. Ахэри зэкӀэ зы орэхъух. О ся Тэ, сыгу уилъ зэпытэу, сэри о угу сызэрилъ зэпытым фэдэу, тэ ахэми агухэм тарылъ зэпытынэу сыкъыолъэӀу. Ащыгъум о сыкъызэрэбгъэкӀуагъэмкӀэ дунаим ицӀыфмэ шӀошъхъуныгъэ яӀэ хъущт.

СыкъызэрэолъэӀурэр ахэр дунаим тепхыжьынхэр арэп, шэйтаным о щыуухъумэнхэр ары нахь.

О сэ щытхъушхо сиӀэ зэрэбгъэхъугъэм фэдэу, сэри ахэмэ щытхъушхо яӀэ згъэхъугъэ, тэ тызэрэзым фэдэу, ахэри зы хъунхэм пае: сэ ахэмэ агухэм сарылъ зэпытэу, о сэ сыгу уилъ зэпытэу, шъыпкъэмкӀэ зы орэхъух. Ащыгъум о сыкъызэрэбгъэкӀуагъэри, шӀу сызэрэплъэгъугъэм фэдэу, ахэри шӀу зэрэплъэгъугъэхэри дунаим ицӀыфхэм ашӀэщт.