Populære bibelvers fra Маттэ 23

Del

Шъо шъуащыщэу анахь ин дэдэр Ӏофтабгэ къышъуфэхъун фае.

Сыда пӀомэ, хэти ежь ышъхьэ зыгъэиныжьырэр Тхьэм ыгъэцӀыкӀущт, хэти ежь ышъхьэ зыгъэцӀыкӀужьыри Тхьэм ыгъэиныщт.

– Гъогу мыгъо шъутеуцуагъ, Тэурат егъэджэкӀо пащэхэри, фарисейхэри, шъо, нэпитӀу зиӀэхэр! Хатэм къыдэкӀагъэхэм анахь пыутхэм ащыщэу зы пшӀанэр Тхьэм пае шъоты, ау Тэурат хабзэм итхэу, нахь Ӏофхэу жъугъэцэкӀэн фаехэу, зэфагъэр, гукӀэгъур, Тхьэм шъуфэшъыпкъэныр къэшъогъанэх. Ахэр ары жъугъэцэкӀэн фаехэр, адрэ Ӏофхэри къэшъумыгъанэхэу.

– Гъогу мыгъо шъутеуцуагъ, Тэурат егъэджэкӀо пащэхэри, фарисейхэри, шъо, нэпитӀу зиӀэхэр! Шъо шъуишъуалъэхэмрэ шъуилагъэхэмрэ акӀыбхэр шъогъэкъабзэх, ау акӀоцӀхэм нэйпсыягъэрэ зымыщыӀэныгъэрэ нахь зи арылъэп.

– Ей, Ерусалим, Ерусалим! УицӀыфхэм пегъымбархэр аукӀых, мыжъокӀэ яохэзэ Тхьэм илӀыкӀохэри аукӀых. Бзыум ищырхэр ытамэмэ ачӀэгъ зэрэщычӀиугъуаехэрэм фэдэу, сыд фэдизрэ уибынхэр зэсыугъоилӀэнхэу сыфэягъ, ау шъо шъуфэягъэп.

Ащ фэдэу шъори шъуитеплъэкӀэ шъыпкъагъэр зиӀэ цӀыфхэм шъуафэдэу цӀыфхэм шъукъафэлъагъо, ау шъукӀоцӀыкӀэ нэпитӀугъэрэ бзэджагъэрэ шъукӀоцӀиз.