Populære bibelvers fra GENESIS 21

Del

Ginduaw sang GINOO si Sara subong sang nasiling niya, kag ginhimo sang GINOO kay Sara subong sang ginsaad niya.

Kag nabatian sang Dios ang tingug sang bata; kag ang manugtunda sang Dios nagtawag kay Agar gikan sa langit, kag nagsiling sa iya, “Ano bala ang nahanabu sa imo, Agar? Dili ka mahadluk; kay nabatian sang Dios ang tingug sang bata sa diin sia. Tindug, hakwata ang bata, kag uyati sia sa imo kamut; kay himoon ko sia nga dakung pungsud.”

Kag si Sara nagpanamkon, kag nag-anak kay Abraham sing lalaki sa iya katigulangon sa tion nga napamolong sa iya sang Dios.

Kag si Sara nagsiling, “Ginpakadlaw ako sang Dios; ang tagsa nga makabati magakadlaw sa akon.”

Apang ang Dios nagsiling kay Abraham, “Dili magpakasubo bangud sang bata kag bangud sang imo ulipon nga babayi; ang tanan nga ginasiling sa imo ni Sara, himoa sono sa iya ginasogo; kay paagi sa kay Isaac tawgon ang imo mga kaliwatan.

Kag himoon ko man nga isa ka pungsud ang anak sang ulipon nga babayi, bangud nga sia imo kaliwat.”