Populære bibelvers fra Genesis 11

Del

insan inkuanto, “Natan, saksakey ira yan totoo tan saksakey so salita ra. Gapo labat ya na getma ran gawaen. Ag mabayag, nagawaan da lay labalabay dan gawaen. Onakseb itayo tan pandoromaen tayoy salita ra, pian ag ira makapantatalusan.”

Insan inkuanda, “Mangipaalagey tayoy sakey a siudad a walay tori ton toktokdulen toy tawen, pian ombantug itayo ta ag la pigan nikaykayat itayod intiron mundo.”

Babilonia so impanawag dad saman a siudad, ta diad sayan lugar impandoroma na KATAWAN so salita na amin a katoowan tan manlapud man, inkayat to ran amin ed intiron mundo.

Nen saman saksakey so salita tan panagbalikas na amin a katoowan ed intiron mundo.

Inmakseb so KATAWAN, ta nengnengen toy siudad tan say tori ya impaalagey na saraman a totoo

Inkayat ira sirin na KATAWAN diad intiron mundo, kanyan tinondaan da ya impaalagey imay siudad.