Populære bibelvers fra ỊJỌN 5

Del

“Nya ịlẹhị-ịlẹhị, m byinu yẹkẹẹ, ọng myị́ ọng ọlẹ kọ wo ẹla nyam, kọ myị la ọngọlẹ kọ dum ẹrụ warị la ọkịlẹtụ ookpokpo lẹ aalẹ, ọngọọwa la ọhịhị ọmyịmyị-ka ẹ-ẹpwụ nyamwụ lẹ. Aalẹ, ọngọọwa ayịdang á ka ju ka ẹpwụ nya eje owuwu nya Ohe Oluhye kaka. Ma, ọ gba kpehe bwu ẹpwụ ọnụ nya igu, jụ ka ẹpwụ nya ọhịhị ọ-pyịyọọ lẹ.

Ịnyị, ụka ká iJisọsị yọọ nọnọ ụ-ụwa, ọ jẹ́ yẹkẹẹ, ẹdụrụ nyị jụ ọlẹng ọwẹ lụka ọtata lụmẹ lẹ. Ọọwa lẹ, ọ byi ọlẹng ọwẹ yẹkẹẹ, “Ẹnwa ọlẹng, a juwa tịtọ nya uda ọhọhọ nya ẹdụrụ nyang?”

Anụ ayịdang kaa wa Ụpwụ Ịgọgọ, kaa yọọ da kpẹtẹ kpẹtẹ wuu, chajị anụ me irya yẹkẹẹ, ọ-họ ịnyị kem, nyaa ka họ kịịwa nyị ka la ọhịhị ọmyịmyị-ka lẹlẹ. Ma, Ụpwụ Ịgọgọ ọọwa pyii tị ya ala lụmẹ-lụmẹ me ụchụ warị wẹ ẹga nyam am ịnyịnyị. Ma, anụ ayịdang á tị nwụlanọ kanụ ka warị wẹ ẹga nyam kaka ye ọhịhị ọmyịmyị-ka ọọwa kpong-kpong kaka.”

IJisọsị wẹ byoo yẹkẹẹ, “Ẹnwa ọlẹng, wuleji, ká hu ang ọ-da nọnọ nyang ká jẹdịyẹ lẹẹlẹẹ mẹ!” Ọọwa lẹ, ọlẹng ọwẹ a la gogo iijata-ijata lẹ, ọ wuleji, hu ang ọ-da nọnọ nyamwụ juwa jẹdịyẹ ịnyịlẹhị lẹlẹ. Ẹnụtụrụ ọlẹ ká iJisọsị họ ọngọwẹ uda ịnyị, ri Ẹnụtụrụ Ọhịnyọ Lụkụrwọ nya ala iJuu.

Ịnyị, iJisọsị a wẹ byaa yẹkẹẹ, “Nya ịlẹhị ịlẹhị, m byinu yẹkẹẹ, Ọnyẹwẹ nya Ohe Oluhye ọlẹ á kaa be ịngịngịhyẹ họ la ịlọmwụ kpong-kpong ka! Kẹnẹ kẹnẹ, ụma nya ang ọlẹ kọ yẹ ká Ohe Oluhye Adịda ayịdang á juwa họ ene lẹ, mẹ ịnyị. Chajị jaabwọ ká Ohe Oluhye Adịda kaa bwu họ ụkụrwọ nyamwụ kpangga, Ọnyị nyamwụ a tịtị jam họ ịnyịnyị lẹ!