Populære bibelvers fra Chukusakị 6

Del

anị ori ngịrịmamẹ, ori ini tẹmẹ sẹkiri ḅie koroma yemị. Se ò ḅie opuma manamatọnmẹ

Nyanaḅọ Ḅe sẹkiri mị ḅie tomoniḅọ goyegoye sitịḅịnyana laḅara na pịkị ini sikoroma nyana ọkụ ọrịsịkị

Ọkụma Nyanaḅọ Ḅe ò Noa ḅe ḍikiḅieḅẹlẹmẹ.

Ini Noa se chịn gbọrịḅọ omi-ẹ. Tẹrẹ-a owuapụ awọ ọ̀ nwọ yimẹ, Shẹm ḅe na, Ham ḅe na, pịkị Jafẹtị ḅe na. Noa ḅe ò mịẹirima nyanakẹ pịkị ori ngẹrị ngẹrị anị oria sịkị mị ḅụ iḅiḅọ-ẹ. Ọ̀ Tamụnọ Ḅe na nwẹngịgbolomamẹ oria ḍumo ene mamgba

se ọ̀ nwọḅẹmẹ, “À tẹmẹsa apụ mamgba àrị ini ọfịnsinḅịa, namama na, fenima na sọnị, anịatịḅị àrị ngịrịmẹ na ị̀rị̀ àrị tẹmẹmẹ.”

Tomonima tomonikiri mị ḅie ḅaka so ọkụma, ini pịkị eremeni awọ yimẹ, Tamụnọ awọ ma ọrịmẹ na mịna iremeni ma ini iḅi, pịkị ḍikitọrụgbẹịnmẹ, anịḅụ inia ḅụḅẹlẹ apụ ini nwọ ọkị simemẹ. Anịẹrẹchị Nyanaḅọ Ḅe nwọḅẹmẹ, “À ḅereni ẹkẹ à se tomoniḅọ ḅe pịrị ḍumo pịrị tẹmẹ mị simegbaso. Mịọkụ sakị tọrọkọ mun ini ḅarị ḍumo kụra sonioasi nẹngị ẹkẹ.” Àrị enema ḅie, pịkị àrị enema ḅọrọ seso sọnị, opuma godoro pịkị kpokoro-kpokoro-a tomoni sẹkiri mị ḅie omi-ẹ, inia apụma anị sẹkiri ḅie eremenima na, Tamụnọ owuapụ awọma na furo ḅie pakaḅo apụ-ẹ. Ini anị olomusịkị ḅie ngịsị opu kuḅie kụrọ nyana pịkị ẹrẹso apụma-ẹ.

Noa ḅe Tamụnọ Ḅe tọn ọ̀ pịrịye goyegoye ọ̀ mịẹmẹ.

Tamụnọ Ḅe nwọ seni Noa ḅe ḅẹmẹ, “À tọnpẹlẹsam na à tomoni goyegoye famaḅịa. À gbọtụma ini famasinḅịa, anịatịḅị tomonikiri mị ḅie inia siamịẹmịẹaye ḅeinmẹ.

Iḅi chịn ḍọkị seni arụ mịẹ ị́ ḅụ pịrị; anịa ḅie jukuru jukuru chụa, agba seni ḅie ma na ọḅụ na ọmbị.

Tamụnọ Ḅe sẹkiri mị ḍiki seni ọrịmẹ na simịẹmịẹaye anịa ḅie ḅeinmẹ, anịatịḅị tomoni mamgba siḍumo kọn aḅẹ.

Arụ mị ḅie nama kịrịkịrị na pịkị feni kịrịkịrị na; owoi na ịrọrọ na nwọse ị́rị́ na arụ mị ḅie sọmun, mịẹsosịkị àrị ḍumoḅịa ḅara.