Populære bibelvers fra GÉNESIS 11

Del

Mandaj Diosca, cashnami nirca: “Ricuichi, cai runacunaca shujllashnallami causanajun, shinallata shujlla rimaitami rimanajun. Paicunaca, ñami caita rurai callarishca. Cunanga, paicuna rurangapaj yarinajushcataca, imapash na saquichi ushangachu. Shina cashcamanda cunanga, paicunapaj rimaita chaipillata pandachingapaj uriajushunchi. Shina rurajpimi paicunapaj cumbacuna rimanajujtaca, pipash na entendi ushanajunga” nircami.

Chai jipaca, cashnami ninajurca: “Jacuchi, shuj pueblotapash, shuj torretapash rurashunchi. Chai torrepaj umapash, jahua pachaman chayajta rurashunchi. Tucui cai pachapica, caita chaita cachai tucuipajpash canchi. Shina rurashpami, tucuicuna rijsishca tucushunchi” ninajurcami.

Shinamandami chai pambataca, Babel shutita shutichirca. Mandaj Diosca, tucui cai pachapi causajcunapaj rimaita chaipi pandachishcamandami, chashna shutichirca. Chai pambamandami paicunataca, tucui cai pachapi causanajuchun, caita chaita cacharca.

Cai pachapi causajcunaca, tucuicunami shujlla rimaita chai shimicunatalla rimanajurca.

Shinamandami Mandaj Diosca pueblota, torreta, huañuna aichayu runacuna ruranajujta ricungapaj uriajumurca.

Chashnami Mandaj Diosca, chai pambamandaca tucui cai pachaman, caiman chaiman cacharca. Chashna cachajpimi, pueblota ruraitaca saquinajurca.