Populære bibelvers fra YAWHAN 14

Del

Ngwipyaw ai gaw ngai nanhte hta da ya masade ai; nye a ngwipyaw ai nanhte hpe ngai jaw made ai: mungkan ga na ni jaw ai zawn, ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

Yesu gaw, “Lam gaw ngai rai nga nngai, tengman ai hte asak mung, ngai rai nga nngai: ngai hta nna n rai yang gaw, kadai mung nye Wa kaw n du wa lu ai.

“Nanhte myit hkum ru myit: Karai Kasang hpe kam mu, ngai hpe mung kam mi.

Nye Wa e nye a amying hte shangun dat na ra ai, Shalan Shabran ai wa ngu ai, Chyoi pra ai Wenyi gaw, nanhte hpe lam magup sharin ya nna, ngai nanhte hpe tsun da ai ga yawng mayawng, nanhte hpe shadum jahprang ya na ra ai.

Nye a ga matsun lu la nna hkan shatup ai wa gaw, ngai hpe tsawra ai wa rai nga ai: ngai e tsawra ai wa hpe, nye Wa mung tsawra na wu ai: ngai mung dai wa hpe tsawra ai hte, ngai hkum nan shi e shadan dan na we ai,” ngu nna shi hpe tsun wu ai.

Ngai mung Wa kaw hpyi nna, Wa mung, nanhte hte prat tup rau nga na matu, tengman ai hte seng ai Wenyi ngu ai Shalan Shabran ai wa kaga, nanhte kaw shangun dat ya na ra ai. mungkan ga gaw dai Wenyi hpe n mu n chye ma ai majaw, n hkap la lu ma ai: nanhte chyawm gaw dai Wenyi hpe chye nga myit dai; kaning rai nme law, shi gaw nanhte hte rau rai nga ai, nanhte hta mung rawng nga na ra ai.

Shing rai, Wa gaw Kasha a marang e hpung shingkang lu la hkra, nye a amying gang nna, nanhte hpyi mahpyi, ngai madat ya na nngai. Nanhte nye a amying gang nna, ngai kaw lama ma hpyi myit yang, hpyi ai hte maren ngai madat ya na nngai.

Nanhte ngai hpe tsawra myit dai rai yang gaw, nye a ga matsun hkan shatup na myit dai.

Nye wa a nta e nga shara law law nga ai; dai n nga yang gaw, N nga, ngu nna ngai n tsun ai, nga na n rai: kaning rai nme law, nanhte a matu nga shara lajang na she, ngai wa na nngai.

Shing rai ngai wa nna, nanhte a matu nga shara lajang da nhtawm, ngai nga nga ai shara e nanhte mung nga lu hkra, ngai bai sa nna, nanhte hpe ngai hpang de woi la na made ai.

Shaloi Htawma gaw, “Madu e, nang gade sa wa na pyi, anhte n chye ga ai mi, lam kaning rai chye ga ta?” ngu nna shi hpe tsun wu ai.