Populære bibelvers fra Dimatekenu 9

Del

Nzambi anga u zuela, uixi: Kijimbuete kienhiki kia kikutu kiami ki nga te ni enu ni mienhu ia mukuá, i mua tungu na-iu kumoxi, ku miji sé dizubhilu; Nga te hongolo iami ku matuta, iene i kala kijimbuete kia kikutu kiami ni ngongo ioso.

O hongolo ia kà kala mu matuta; eme-phe ngi i tala jinga, phala ngi lembalale o kikutu ki nangenena kia bhiti bhu kaẋi ka Nzambi ni mienhu ia jixitu joso jala mu ngongo.

O uoso u ẋamuna o manhinga ma muthu, muthu ni mukuâ a mu ẋamune ue o manhinga mê; kuma muthu a mu bhanga mu kidifuanganu kia Nzambi.

Nzambi anga u ta kizediuise kua Noué ni anʼê a mala, anga u a ambela, uixi: Di vualienu mu sokoloke, mu izalese o ngongo.

Ima ioso ia muenhu, iene mu kuenda, i kale kúdia kuenu; mukuá ni ki nga mi bhana o idima ia uisu, iene ioso kindala nga mi bhana na-iu.

O uoma ni ku mi lenga kuala o iama, u kale ku thandu dia jixitu joso mu ngo-ngo, ni jinjila joso ji bhita bhulu; ioso i zanzala ku mavu, ni jimbiji mu menha, a i bhakula ioso bhu maku menu.

Enu-phe, divualienu, mu sokoloke; mu izalese o ngongo nda i tunge kiavulu.