Populære bibelvers fra Sant Matiéu 18

Del

Car ounte se devino dos o tres persouno acampado en moun noum, siéu aqui au mitan d'éli.

Tourna-mai vous dise que se dous d'entre vautre s'entèndon sus la terro, que que demandon, l'óutendran de moun Paire qu'es dins lou cèu.

Jèsu, aguènt souna 'n pichot, lou boutè au mitan d'éli, E diguè: Veramen vous lou dise, se noun vous counvertissès e se noun venès coume d'enfantoun, intrarés pas dins lou reiaume celestiau.

Amor d'acò, quau se fara umble coume aquéu pichounet, sara lou mai grand dins lou celèste reiaume.

E qu reçaup un pichot coume aquéu en moun noum, me reçaup iéu.

Veramen vous lou dise, tout ço que liarés sus la terro sara lia tambèn dins lou cèu, e tout ço que desliarés sus la terro, sara deslia tambèn dins lon cèu.

Ansin moun Paire celèste vous tratara, se cadun de vautre noun perdouno soun fraire dóu founs dóu cor.

Mai aquéu qu'escandaliso un d'aquéli pichoun qu'en iéu an fe, miés vaudrié pèr éu que ié pendoulèsson au còu uno pèiro mouniero e lou prefoundeguèsson alin dins la mar.

Dequé vous cresès? Se 'n ome a cènt bèsti d'avé, e que n'en perde soulamen uno, es que laisso pas li nounanto-nòu sus li mountagno, pèr se metre en bousco d'aquelo qu'es esmarrado?