Populære bibelvers fra Shiyanso 27

Del

UMutwa uNguluvi akukunulile inungwe iya kushaanya, akupeele amagunda amanofu amanya mota, inkungulo inofu ni divaayi inofu nyinshi. Ifikholo ifikhome ifya vaanu avanji fikhava fikikusenjela, na kikufugamila kwa lishima. Uveesaje mukhome pa valukholo lwakho, avaana va maayi waakho vakhava vikikufugamila. Vina vakhakuyiijila, vakhayiijilwa vaveene, na vina vakhakuyimiilila, vakhayimiililwa!”

UEsawu wálogola kwa nkhalasi wáaja, “Silulwene itambulwa Yaakobo? Wánijanjilisa mala khavili isi! Ulwa wutasi wátoolaga uwukhome wangu uwa kitala kisawa, lino khanji wátoola imota yangu.” Baheene uEsawu wámuposa uIsaaka wáaja, “Wiheesu usanisigasisa one hata imota yoyoona?”

Baheene uwiihe uIsaaka wámujovela, “Loleela, uwiikhasi waakho wusiive kutali ni nyi inya nungwe kihuma kushaanya ni nyi inya lilongo ilinofu ilinya mota. Ipanga yaakho yiyeene yina yisikugahe ukhale, khanji usiive muvanda wa maamo. Leelo, uluhaavi luna luyinsa pina ukhava wawuukha mu wutawulilwa waakwe, ukhayiwuusa kiiva mu wuvanda waakwe.”

UEsawu wámugomosesa, “Wiheesu kusiina hata imota yimo yina yisigeele? Nilomba uniyimiilile na yuune.” UEsawu wákhoola kwa shawuti nkhome.