Populære bibelvers fra LUKA 6

Del

Otötenö tïkwïn, atökekonok. Kïkoneninyi sompïr nyo nyighitate, akepïr ntökïrarak. Ompöwölo kïkoninyi kïrïpata kegh nko wölini ketöteghtenyi.”

Ipuno chi nyo karam köromnyö ompö kaplawachtanyi nyo karam, kwipuno chi nyo gha tïkwïn cho ghach kaplawachtanyi nyo gha. Ompöwölo mwoghöy chi tïkwïn cho mi mïkulöwunyi.

Wölo achama punkökwo aghchï chane nyo karam, opösöntenö amokön kïgh. Ato aghakwa lenyoni, kïwow ropöwontenkwa alïkunekwa nyu monïngo Tororöt nyo Töror Tya. Ompöwölo ighchini nyinte nyo karam pich cho meyoktoy sörö nko mwokïyis.

Osïkö kisyonöt le wölo syonchini Paponkwa.

“Morwokyï pich atömö kirwokwok. Mogheghchï pich atömökigheghchok, olöstoghchinö atökelöstowok.

“Wölo omwowokwa ye, chona olïmanïn lö, achama punkökwo aporchï köromnyö chona reyokwa. Osoyönö chane cho chopokwa kong asoghchï chane cho mwoghekwa.

Oghchinö pich tïkwïn cho omökekwa kwighwekwa chane.

Akwato rapakïn chi lalapka, iwöghökyï nyinö anka. Ato chengenïn chi kotingu, ikany kïcheng syati tïkwïl. Tönö chi anka tïkwïl kïgh nyo sominyi, ato cheng chi kingu, ipïsyï.

“Möminye ket nyo karam nyo yinu akwa cho ghach, akï möminye ket nyo gha nyo yinu akwa cho karamach.

Kinkïtuno ket anka tïkwïl akwa cho yinöy, melö kïpïto makany sesoy amöpïtonye chi sapipun panyïrit.