Populære bibelvers fra KĨAMBĨRĨRIA 11

Del

Nake Jehova akiuga ũũ: Atĩrĩrĩ, andũ aya me rũmwe, na mwarĩrie wao othe no ũmwe; na rĩrĩ, ũndũ ũyũ nĩguo maambĩrĩria gwĩka; na rĩu gũtirĩ ũndũ o na ũrĩkũ ũrĩa macirĩire gwĩka mangĩgirĩka. Nĩtwĩkei atĩrĩ, nĩtũikũrũkei tũkamahĩngĩcanĩrie mwarĩrie, nĩ getha mũndũ ndakae kũigua mwarĩrie wa mũndũ ũrĩa ũngĩ.

Magĩcoka makiuga ũũ: Nĩtwĩkei atĩrĩ, nĩtwĩakĩre itũũra, na twake nyũmba mũthiringo, ndaya na igũrũ, gacũmbĩrĩ kayo gakinye o kũu matu-inĩ marĩa mairũ nĩguo twĩgĩĩre igweta; tũtikaharaganĩrio thĩ yothe.

Na tondũ wa ũguo, rĩgĩtuwo Babeli, nĩ ũndũ nĩkuo Jehova aahĩngĩcanĩirie andũ othe a thĩ mwarĩrie wao; Jehova agĩgĩtũma moime kuo, akĩmaharaganĩria thĩ yothe.

Na rĩrĩ, thĩ yothe yarĩ o mwarĩrie ũmwe, na ciugo itiahĩtanĩtie.

Na rĩrĩ, Jehova agĩikũrũka one itũũra rĩu ciana cia kĩrĩndĩ ciaakaga, o na mũthiringo ũcio wacio wa nyũmba.

Jehova agĩgĩtũma moime kũu, akĩmaharaganĩria thĩ yothe, nao magĩgĩtiga gwaka itũũra rĩu.