Populære bibelvers fra मत्ती 4

Del

यीशु ने जबाब दिता; “पवित्र शास्त्र बेच लिखे दा ऐ, मनुक्ख सड़ा रुट्टी कन्ने गै नेई, लेकन अर एक वचन जेड़ा परमेसर दे मुंह चा निकलदा ऐ, उसी मननें कन्ने जिंदा रौग।”

ओस बेलै यीशु ने उसी आखया, “ऐ शतान दूर ओई जा, किके पवित्र शास्त्र च लिखे दा ऐ; तू प्रभु अपने परमेसर गी मत्था टेक, ते शड़ी ओसदी गै उपासना कर।”

यीशु ने उसी आखया, “ऐ बी पवित्र शास्त्र च लिखे दा ऐ; तू प्रभु अपने परमेसर दी परिख्या नां कर।”

ओस बेलै पवित्र आत्मा यीशु गी सनसांन जगै च लेई गीया तां जे शतान थमां ओसदी अजमैश उवै। ओ चाली देन ते चाली रात बगैर रुट्टी दे रिया, इसदे बाद उसी पोक्ख लगी।

यीशु ने उनेंगी गी आखया, “मेरे पिछें चली आओ, ते आऊँ तुसेंगी मनुक्ख दा पकड़ाने आला बनागा।” ओ तौलै जाले गी छुड़ीयै ओदे पिछें ओईये।

ओस बेलै थमां यीशु ने प्रचार करना ते ऐ आखना शुरू कित्ता, “मने गी फेरो किके सोर्ग दा राज कोल आई गेदा ऐ।”