Populære bibelvers fra Luke 14

Del

“Ànù'là wechi unenupa pe pen màlà, tùkàipùnù, tùsan, tùnoppù, tùmunkà yamùk, takon non, tùpachi ton molopai tùwemapù yeselu pùnùnmai'ma, u'nùnma tùuya yentai.

Ànù'là tùtalumattàtok pulusuk yanài pen molopai uya'là tùuyàssen pen wechi màlà unenupa pe pùla.

Masapùla ànù'là eke pe tùwekkussen ma màlà àssà'mùla, molopai ànù'là àssà'mùla tùwessen ma màlà eke pe,” teppù Jesus uya.

Màlà kasa làma ànù'là tamù'nawolon itesak pe tùwettok nonkasak ya pùla nai'nùk wechi unenupa pe pen màlà,” teppù Jesus uya.

“Yattai pùla tewinan nà àkklottawon'nokon wekkupù kusan tapùi, pata yentok ipoi yamù pàk yau, iweleuta màlà wapiya, yà'là kaichalà là pùlayatta iche iwechi ittuse, màlà wotoko yenuka'nù'nài yek pe iwechi yense. Màlà kupù ya pùla iwessak yau, yenuka'nùppù ya pen màlà, yamùtok ipo kukkassak ya lànen tùse. Molopai tamù'nawolon kon iwekkussak lùppù yennài nanùssan wàkklà màlà ipàk. ‘Pùsàlà kusan tapùi yamù pàk nepyattàtai, tùse yenuka'nùppù ya pùla man,’ te tok uya màlà.

Uta'lettàntok konekasak auya yau, entuppa'nokon mùkà'maik, sesen pan kon, tùusasan pen molopai enpùnon. Molopai àpùlema kon màlà, masapùla tok uya eye'ma yentai iwechi màlà. Eye'ma nen uchi màlà Katù uya, wakù ton kappon yamùk welichak kon wuluukasak yau,” teppù Jesus uya.

“Pan màlà wakù. Tùse ine'nek pe pùla iwenasak yau, yà'là kasa là ine'nek pe tu'ma imatok pùla iwechi màlà. Wakù pe là non pona iwechi pen màlà, wapùla non po'mayi pe là wakù pe iwechi pen, tenu'masen màlà. Yetatàk kon tùpana ke ewechi kon yau!” teppù Jesus uya.