Populære bibelvers fra Matthew 12

Del

“Molopai sàlà tekamayaik àpàkù'nokon. Ittuntok Weyu yattai tamù'nawolon kon uya màlà àli pe tùttuse pùla tùuselupappù kon yekama. Masapùla amaimuppù kon yapulà màlà eyittutok kon pe, wakù pe ewechi yekamanài pe wapùla àli pe ewechi yekamanài pe,” teppù Jesus uya.

Àkài yamùk, atta ken uchi wakù pe euselupa kon àli pe echii'ma'nokon? Masapùla ewan yawon yekamanài màlà mùta.

Wakù kappon mùkkàlà wakù ton ne'nài wakù tewan yawon yapai molopai àli kappon mùkkàlà àli ton ne'nài àli tewan yawon yapai,” teppù Jesus uya.

Màlàpàk tekamayaik àpàkù'nokon. Kappon yamùk makuyi pàk usentuppan màlà molopai yà'là yekkwa là àli pe tok uselupatok pàk. Tùse ànù'là àli pe ichelupasak lùppù Wakù Akkwalù winàkàik pàk usentuppan pen màlà.

“Wakù meluntà yei yesappe ewechi kon màlà wakù itepelu yepolo kon pa. Italumayippù yei yesappe ewechi kon yau àli itepelu yepolo auya'nokon màlà, masapùla yei màlà tùttusen itepelu winà.