Populære bibelvers fra Matthew 23

Del

Eke pe kulu àklottau'nokon nai'nùk wechi màlà ayapyoto kon pe.

Molopai ànù'là eke pe tùwekkussen yàssà'mùntanùpù màlà, molopai ànù'là àssà'mùla tùwessen ma màlà eke pe,” tukaik.

“Àsà pe kulu iwechi màlà àpona'nokon Law pàk enupannan, molopai Pharisee yamùk! Tùusennakasan amyamlo! Katù lepanàinan amyamlo tewin 10 pan itesappe ewettok kon yapai, kùyali kà'nùnpanàinan là mint, dill molopai cummin ke, tùse tùkussen kulu law yawon uya enupantok nulunpannan amyamlo, ikasa we'nàtok, usentuppantok molopai ailon pe we'nàtok. Sàlà yamùk kupù auya'nokon sàlà eppaino wapiyalok tùnulunpase pùla.

“Àsà pe iwechi màlà àpona'nokon Law pàk enupannan, molopai Pharisee yamùk! Tùusennakasan amyamlo! Àkokù kon molopai apalapiyi kon kukannan polopo, tùse yau useka'nonkantok molopai iwalàwannà iche we'nàtok kuttok ke iwanùsak man.

“Jerusalem, Jerusalem! Katù Maimu yenpoikannan mùwàtantàu molopai Katù neunokossan imaimu yenpoikannan mùwàtantàu tàk ke! Yà'là kaichalà itekkwa ayawon kon enpilipai wechippù, kalicho uya tùmunkà yamùk pilipù tapàli yokoik kasa, tùse ikupù uya iche pùla ewechippù!

Màlà kasa làma wakù pe tùusenpoikasan amyamlo kappon yamùk piyak, tùse ayau'nokon awanùssak kon man ikasa pe tukaik usennakantok ke molopai àli pe we'nàtok ke,” teppù Jesus uya.