Populære bibelvers fra Mark 12

Del

Jesus uya imaimu yeikuppù, “Tùkussen kulu enupantok kùlottawon màlà, ‘Yetatàk kon, Israel yamùk! Itepulu kùkatùyi mùkkàlà tewinan neken Itepulu. Itepulu Akatùyi i'nùnmakà, tamù'nawàlà eyewan ke, tamù'nawàlà ayakkwalù ke, tamù'nawàlà eusenumenkatok ke, molopai tamù'nawàlà emeluntàlù ke,’ tawon. Sàlà màlà yakon tùkussen kulu enupantok. ‘Kappon i'nùnmakà eyiwalà mechi'nùnmayai'nùk kasa,’ tawon. Sàlà yamùk asa'lon enupantok yentaino pùla iwechi màlà,” tukaik.

Màlàyau tùnenupa ton kà'mappù ya tùpyak. Tok pàk, “Ailon kulu sàlà, pùsàlà entuppa'no sa'ne nossan itayappù iwelichak lùppù uya eke peiwa itùsak man, tùulon kon yentai. “Masapùla tok uya màlà eke pe iwechi pàk màlà yapai itùsak. Tùse pùsàlà nossan uya màlà tamù'nawàlà tùpyawon tùwematok ipàk pan tùsak,” teppù Jesus uya.

Katù yùwùk tau Jesus weleutasak wechippù pùlayatta yen kaichalà. Tukkan kon kappon yamùk uya pùlayatta tùlù yeneppù ya. Molopai tukkan kon ipùlayattayi kek ton uya, tukke pùlayatta tùlùppù. Italumayippù sa'ne nossan itayappù iwelichak lùppù uya asa'lon lùkwà kalukuli pùlayatta pun tùlùppù malalon kulu.

Katù i'nùnmakà tamù'nawàlà eyewan ke, tamù'nawàlà eusenumenkatok ke, tamù'nawàlà ayapàikketù ke. Molopai ayakontalù i'nùnmakù eyiwalà mechi'nùnmayai'nùk kasa mùkapàssaik. Wakù pe iwa màlà sàlà asa'lon enupantok yawàlà we'nà wechi, tùpottàsen nà tùlù Katù yemyak yentai molopai kamo tùlù yentai,” teppù ya.

Jesus uya tok pàk, “Pata yesak, Rome pon piyak ye'matàk màlà, pata yesak Rome pon ponalok, molopai Katù piyak ye'makà màlà Katù ponalok,” teppù. Màlàpàk tok usenumenkappù ipàk.