Populære bibelvers fra Yohana 15

Del

Nanu osabibu, intae ilng'osil. Ore oloton tiatua nanu, naton sii nanu tiatua ninye, neiu lng'anayio kumok, amu ore matii nanu nimindimidimi intae aataas toki.

Entotoni tiatua nanu anaa enaton tiatua intae. Ore anaa enemeidim olng'osila atoiu lng'anayio makewan, te nemetii olchani, mindimidimi sii intae tinimitonini tiatua nanu.

Tinitonini intae tiatua nanu, neton ororei lai tiatua intae, entoomonu entoki pooki niyieuu naa keitaasi intae.

Mme intae likitegelutua nanu kake kategelua intae naitanap intae enchom entoiu ilng'anayio, nebik ilng'anayio linyi, paa ore pooki niomonono Papa te nkarna ai, neisho intae.

Meetae oloata enyorrata sapuk nalang ena, eji keitayu oltung'ani enkishui enye te nkaraki lchoreta lenyena.

Ore olng'osila tiatua nanu lemeiu Ilng'anayio, neiwuang'ie ninye, ore olng'osila pooki oiu ilng'anayio, neitobir metisidana, peyie eiu lng'anayio kumok.

“Ena enkitanapata ai, inchere tonyorra olikae anaa enatonyorra nanu intae.

Teina errepi Papa, inchere iatata lng'anayio kumok, niakuku taa lkipaareta laainei.

“Kara nanu osabibu odede, naa Papa lai olaramatani.

Tenemeton oltung'ani tiatua nanu nenang'ari boo anaa olng'osila, netoyu, nesotu iltung'ana ninche nenang'akini enkima, metapejo.

Atolikio intae kuna baa pee etum eng'ida ai atotona tiatua intae, pee etum eng'ida inyi ataboreyia.

Tinimbung'ubung'u intae nkitanapat aainei, naa aitonini tiatua enyorrata ai, anaa enaibung'a nkitanapat e Papa naton tiatua enyorrata enye.

Ena aitanap intae, inchere entonyorrata.

Te naa irara le nkop, naa anaata enyor enkop ilenyena; kake mirara ile nkop, amu ategelua intae aitung'uaa enkop, te nkaraki e ina pee eiba intae enkop.