Populære bibelvers fra Mateu 26

Del

Tonenu nakulomba kuchina namwingila mukumyeseka — shipilitu yinasake vene, oloze mujimba wanyama unahehela.

Haze vene avalwezele ngwenyi, Nguli nakulyonyinga chikuma mumwono wami, nge kufwa kaha. Salenu hano. Tonenu hamwe nayAmi.

Hakuswenyako chachindende kulutwe, alimbilile chameso-hamavu nakulomba ngwenyi, Ove Tata, nge chinahase, lupasa olu lungufume. Oloze chipwe ngocho, keshi munayi muchima wamiko, shina munayi muchima wove.

Mwomwo awa manyinga ami achilongeselo-chalushiko-lwaKalunga, náwambweka hali vavavulu, akuneha kuvakonekela milonga yavo yashili.

Jino omu vapwile nakulya chiwanyino chaKuzomboka, Yesu anonele mbolo. Kaha omu asakwililile, ayipuzwile nakuhana tumbaji twenyi nakwamba ngwenyi, Tambulenu, lyenu — ou mujimba wami.

Kaha anonele lupasa, omu asakwililile, avahanyinelwo nakwamba ngwenyi, Nwenumo muvosena.

Kaha ahilukile kuli tumbaji twenyi, kuvawana vali mutulo. Himwamba Petulu ngwenyi, Kumana kamwahashile kutona ola yimwe nayAmiko?

Nangumilweza ngwami, Kufuma oholili kangweshi kunwa cheka vyakumihako yamuvinyoko, palanga nakulikumbi lize nangukavinwa mwamuhya nayenu hamwe muwangana waTata.

Kaha Petulu himwanuka mazu aYesu akwamba ngwenyi, Shimbu kanda ndemba asanyike, naungukana katatu. Kaha alovokele haweluka nakulila nakulyonyinga.

Katukenu, tuyenu. Talenu, ou mwanguhana kumavoko avaka-kole nahete.

Haze vene Yesu amwambile ngwenyi, Someka poko yamukwale muchindalo chayo. Mwomwo veshovo navakwata kupoko yamukwale navakanonga kupoko yamukwale.