Populære bibelvers fra Mateu 28

Del

Shikaho, yenu nakwambulila vaka-mafuchi osena mujimbu wamwaza mangana valumuke mumuchima nakupwa tumbaji twami, mukavajimike mulijina lyaTata naMwana naShipilitu Wajila, mukavanangulenga kulinganga vyosena vize ngunamilweze. Kaha talenu, Ami nguli nayenu hamwe makumbi osena, palanga nakukukuma changonde yino yalikoji.

Omu Yesu apandamine kuli vakiko, avalwezele ngwenyi, Ngolo josena mwilu nahamavu vananguhanejo.

Oloze uze kangelo ambile vaze mapwevo ngwenyi, Kanda namwivwa womako. Mwomwo ngunatachikiza ngwami muli nakutonda Yesu, Uze vápapalilanga hakulusu. Keshi munoko, mwomwo vanamusangula lyehi ngana muze ambile. Twayenu, talenu haze vamusavalikanga.

Kaha Yesu avambile ngwenyi, Kanda namwivwa womako. Yenu mukalweze vandumbwami vayenga kuNgalileya. Kukiko navakangumwena.

Kaha omu vakungulukile navakulwane javaYuleya nakulivwasana, vaze maswalale vavahanyine jimbongo jajivulu, nakuvalweza ngwavo, Kambululenu ngwenu, Tumbaji twenyi vezanga nakumwivamo naufuku shimbu twapwanga etu mutulo. Kaha nge nachikevwakana kuli nguvulu, etu natukamukunyula nakumifumisa muukalu. Ngocho vatambwile jize jimbongo, nakulinga muze vavalwezele. Kaha mujimbu kana vautanjisa muli vaYuleya nakulelo.