Populære bibelvers fra Лукастар 1

Del

Бо пріґ о Дейл нане нісаво лав айсо, саво Ов те на бійріндялас те кєрен.

І акор отпгендя Марія: — Ме сом ле Раєскєрі совґалкіня, мі ачелпес манґє пал тийро лав. І акор анґєлос латар отґейля.

А анґєлос лакє отпгендя: — О Свентно Духос авела пре туте, е зор Майопрунескєрес учарела тут андре. Важ ода те чаворо, со тутар увльола, ейла Свентно, і вічінена Лес о Ча ле Девлескєро.

Бахталі ту сал, бо патянлял, і ачелапес тукє ода, со пгендя о Рай!

А канакє ту ачега пгарі, і ловтярега ле Час, і дега лескє нав Ісус. Ов ейла баро, і Лес вічінкєрена о Ча Майопрунескєро. І дела Лескє о Рай о Дейл о тронос лескєре дадескєро Давідоскєро. І кралінела про саворо родос ле Яковскєро міндик, і Лескєре краліпнаскє на ейла ніґда аґор.

І акор анґєлос лакє пгендя: — На дара, Марія, бо о Дейл сікадя кє туте благіпе!