Populære bibelvers fra Кэздэто 9

Del

О Дэл пхэндас: — Акэ вурма па ворба, сави Мэ пхандав машкар Мандэ ай тумэндэ, ай саконэ жювиндэ алатостэ, саво сы тумэнца, пэ са поколения, кай авна. Мэ щював андэ нувэра Мури радуга, ай вой авла вурма па ворба машкар Мандэ ай э пхув.

Саки врама, кана сыкадёла радуга машкар лэ нувэра, Мэ дыкхо ла и до ма гиндо па ворба, пханглы пэ са врама машкар о Дэл ай са жювиндэ алатура, кон траин пэ пхув.

Кон тэ на щёрэл рат манушэско, манушэскэ вастэса щёрдёла ви лэско рат. Анда кадо кэ о мануш сы кэрдо па мусура лэ Дэвлэско.

О Дэл бахтярдас лэ Ноес ай лэскэ щявэн ай пхэндас лэнгэ: — Кэрэн щяворэн ви кэрдён май бут ай пхэрдярэн э пхув.

Са, со траий ай мишкий-пэ, авла тумаро хабэ. Сар майинты Мэ дэм тумэнгэ зэлэна бараимата, ви аканак Мэ дав тумэнгэ са.

Мэк бари дар англа тумэндэ атярэн са алатура ай са чирикля черэскэ, са, со сы жювиндо пэ пхув, ай са паескэ маще: вон сы дынэ андэ тумарэ васт.

Ай тумэ кэрэн щяворэн ви кэрдён май бут ай пхэрдярэн э пхув, тэ авэл тумэн май бут.