Populære bibelvers fra मत्ती 1

Del

ओहर एगोट बेटा जनम देही अऊ तंए ओकर नांव ईसू राखबे, काबरकि ओहर अपन मईनसे मन ला ओमन कर पाप ले छुटकारा देही।”

ओ बचन एहर रहीस “सुना, एगोट कुंवारी हर आसापती होही अऊ एगोट बेटा ला जनम देही, अऊ ओकर नांव इमानुएल राखल जाही, जेकर मतलब होथे; परमेस्वर हमर संगे हवे।”

जे घनी ओहर ए सब बात मन कर बिचार करत रहीस, तेहीच घनी परभू कर एगोट दूत हर सपना में ओके दिखीस अऊ ओके कहीस, “दाऊद कर पीढ़ी कर ए यूसुफ! तंए मरियम ला अपन परानी बनाए बर झईन डरा, काबरकि जेहर ओकर कोख में हवे, ओहर पबितर आत्मा कती ले हवे।

तेकर ईसू मसीह कर जनम ए नियर होईस, कि जे घनी ओकर दाई मरियम कर मंगनी यूसुफ कर संगे होए रहीस बकिन ओमन दुनों झन घरदार-घरदारीन कर रूप में एक संग रहे कर आगूच ले, मरियम हर पबितर आत्मा कती ले आसापती होए गईस। मरियम कर होवईया घरदार यूसुफ हर परमेस्वर कर नजेर में सुघर जिनगी जिवईया मईनसे रहीस अऊ ओहर मरियम ला मईनसे मन कर आगू में बईदनाम करे बर नई चाहत रहीस, एकरे बर यूसुफ हर मरियम ला कले-कस छोंएड़ देहे कर बिचार करीस।