Populære bibelvers fra ଲୁକା 11

Del

ଏନାତେ ଚିମ୍ତାଙ୍ଗ୍ ଆପେ ଖାରାପ୍ ହୋବା କେତେ ଆପେୟାଃ ହୋନ୍‍କୋକେ ବେଶ୍ ଜିନିଷ୍‍କୋ ଏମୋଃ ପେ ସାରିୟା, ଦୋ ଆପେୟାଃ ସିର୍ମାଦିଶୁମ୍ ରେନ୍ ବୁଗିନ୍ ଆପୁ ଆଜାଃ ଆସିତାନ୍ କୋକେ ଏନାକୋ ଏତେ ହ ଥିମ୍ବା ପାବିତାର୍ ଆତ୍ମା ଚିନାଃ ମେନେଃ କାଏ ଏମାକୋୱା।”

ହାର୍ ଇଙ୍ଗ୍ ଆପେକେ କାଜିପେ ତାନିଙ୍ଗ୍, ଚି “ଆସିପେ, ଦୋ ଆପେକେ ଏମୋଗା; ଦାଣାୟାପେ, ଦୋ ଆପେ ନାମେୟା, ଟୋଃ-ଟୋଃ ୟାପେ, ଦୋ ଆପେୟାଃ ଲାଗିନ୍ ନିଜୋଗା।

ଚିୟାଃଚି ଅକଏ ଆସିୟାଏ, ଇନିଃକେ ନାମୋୱା, ହାର୍ ଅକଏ ଦାଣାୟାଏ, ଇନିଃ ନାମେୟାଏ; ହାର୍ ଅକଏ ଟୋଃ-ଟୋଃ ୟାଏ ଇନିଜାଃ ଲାଗିନ୍ ନିଜୋଗା।

ୟୀଶୁ ଇନ୍‍କୁକେ କାଜିକେଦାଏ, “ଚିମ୍ତା ଆପେ ବିନ୍ତି ରିକାୟାପେ ଦୋ କାଜିପେ, ‘ହେ ଆପୁ, ଆମାଃ ନୁତୁମ୍ ପାବିତାର୍ ମାନାତିଙ୍ଗ୍ ଅଃକା, ଆମାଃ ରାଇଜ୍ ହିଜୁଃ କା।

ଆଡୋଃ ଆଲେୟାଃ ପାପ୍ କୋକେ ଛାମା ତାମେ, ଚିୟାଃଚି ଆଲେ ୟଗି ଆଲେୟାଃ ସବେନ୍ ଆପ୍ରାଧି କୋକେ ଛାମା କୋ ତାନାଲେ। ହାର୍ ଆଲେକେ ପାରୀକ୍ଷା ରେ ଆଲୋମ୍ ଉୟୁଃ ଲେୟା।’”

ଆଲେୟାଃ ଦିନ୍ ଭାଇର୍ ରାଃ ହୋଲୋଙ୍ଗ୍ ସବେନ୍ ହୁଲାଙ୍ଗ୍ ଆଲେକେ ଏମାଲେମ୍

ଆମାଃ ହୋଡ଼ମୋ ରାଃ ବାତୀ ଆମାଃ ମେଏଃ ତାନାଃ, ଏନାଲାଗିନ୍ ଚିମ୍ତାଙ୍ଗ୍ ଆମାଃ ମେଏଃ ସାଫା ମେନାଃ, ଦୋ ଆମାଃ ସବେନ୍ ହୋଡ଼ମୋ ହ ମାସ୍କାଲ୍ ମେନାଃ; ମେନ୍ଦୋ ଚିମ୍ତାଙ୍ଗ୍ ଏନା ଖାରାପ୍ ମେନାଃ, ଏଣ୍ଡେ ଆମାଃ ହୋଡ଼ମୋ ହ ପୁରା ନୁବାଃ ମେନାଃ।

“ଜାହାନ୍ ହୋଡ଼ ବାତୀ ଜୁଲ୍ କେତେ ଦାନାଙ୍ଗ୍ ରେ ୟାଦୋ ପାଇଲା ଲାଥାର୍ ରେ କାଏ ମାଣ୍ଡାଅୟାଏ, ମେନ୍ଦୋ ପାଖା ଚେତାନ୍ ରେ ମାଣ୍ଡାଅୟାଏ ଚି, ଭିତାର୍ ହିଜୁଃ ତାନ୍‍କୋ ମାସ୍କାଲ୍ କୋ ନାମେୟା।