Populære bibelvers fra ମାତ୍ତିଉ 18

Del

ଚିୟାଃଚି ଅକତାଃରେ ବାର୍ହୋଡ଼୍ ୟାଦୋ ଆପିହୋଡ଼୍ ଇଙ୍ଗ୍ଆଃ ନୁତୁମ୍ ରେ ହୁଣ୍ଡି ନାକୋ, ଏନ୍ତାଃରେ ଇଙ୍ଗ୍ ଇନ୍‍କୁୱାଃ ଥାଲା ରେ ମେନାଇଙ୍ଗ୍‍ୟା।”

ଆଡୋଃଗି ଇଙ୍ଗ୍ ଆପେକେ କାଜିୟାପେ ତାନିଙ୍ଗ୍, ଆଗାର୍ ଆପେ ଏତେ ବାର୍ହୋଡ଼୍ ଅତେ ରେ ଜାହାନ୍ କାଜି ଲାଗିନ୍ତେ ମିୟାଃ ମୋନ୍ ହୋବାକେତେ ଏନାକେ ଆସିୟାପେ, ଦୋ ଏନା ଇଙ୍ଗ୍ଆଃ ଆପୁ ପାଡ଼େତେ ଅକନିଃ ସିର୍ମାଦିଶୁମ୍ ରେ ମେନିଜା, ଇନ୍‍କୁ ଲାଗିନ୍ ନାମୋଗା।

ନେୟା ରେ ଇନିଃ ମିୟାଃ ହୁଡିଙ୍ଗ୍ ହୋନ୍ କେ ନାଡ଼େଏ କେଡ଼ାକେତେ ଇନ୍‍କୁୱାଃ ଥାଲା ରେ ତିଙ୍ଗୁ କିଜାଏ, ହାର୍ କାଜିୟାଃକୋୱାଏ, “ଇଙ୍ଗ୍ ଆପେକେ ସାର୍ତି କାଜିୟାପେ ତାନିଙ୍ଗ୍ ଚି ଚିମିନ୍ ଜାକେଦ୍ ଆପେ କାପେ ରୁଆଡ଼ା ଆଡୋଃ ହୁଡିଙ୍ଗ୍ ହୋନ୍‍କୋ ଲେକା ନାରାମ୍ କାପେ ବାଇନା ଆପେ ସିର୍ମାଦିଶୁମ୍ ରାଃ ରାଇଜ୍ ରେ ବୋଲୋ କାପେ ଧାଡ଼ିୟା।

ଏନାମେନ୍ତେ ଜେତାଏ ଆପାନ୍ କେ ନେ ହୁଡିଙ୍ଗ୍ ହୋନ୍ ଲେକା ନାରାମ୍ ରିକାୟାଏ, ଇନିଃ ସିର୍ମାଦିଶୁମ୍ ରାଃ ରାଇଜ୍ ରେ ମାରାଙ୍ଗ୍ ହୋବାୱାଏ।

ଜେତାଏ ହଗି ଇଙ୍ଗ୍ଆଃ ନୁତୁମ୍ ତେ ମିୟାଃ ନେଲେକା ହୁଡିଙ୍ଗ୍ ହୋନ୍ କେ ସ୍ଵାଗାତ୍ ରିକାୟାଏ ଇନିଃ ଇଙ୍ଗ୍‍କେ ସ୍ଵାଗାତିଙ୍ଗ୍ ତାନାଏ।”

“ଇଙ୍ଗ୍ ଆପେକେ ସାର୍ତି କାଜିୟାପେ ତାନିଙ୍ଗ୍, ଅକନାଃ ଅଗି ଆପେ ଅତେ ରେ ଥୋଲେୟାପେ, ଏନା ସିର୍ମାଦିଶୁମ୍ ରେ ଥୋଲୋଗା ହାର୍ ଅକନାଃ ଅଗି ଆପେ ଅତେ ରେ ରାଡ଼ାୟାପେ, ଏନା ସିର୍ମାଦିଶୁମ୍ ରେ ରାଡ଼ାଅଗା।

“ନେଲେକାଗି ଆଗାର୍ ଆପେ କୋଏତେ ଜାହାଁଏ ଆପେୟାଃ ହାଗା କେ ମୋନ୍ ଏତେ କାଏ ଛାମାଇୟା, ଦୋ ଇଙ୍ଗ୍ଆଃ ଆପୁ ଅକନିଃ ସିର୍ମାଦିଶୁମ୍ ରେ ମେନିଜା, ଆପେ କେ ହଗି ଏନ୍‍ଲେକା ରିକାପେୟାଏ।”

ମେନ୍ଦୋ ଜେତାଏ ହଗି ନେ ହୁଡିଙ୍ଗ୍ କୋଏତେ ମାନେ ହୁଡିଙ୍ଗ୍ ହୋନ୍ ଲେକା ଅକଏ ଇଙ୍ଗ୍ଆଃ ରେ ବିଶ୍ଵାସ୍ ତାନାକୋ, ଏନ୍ ମିହୋଡ଼୍ କେ ବିଶ୍ଵାସ୍ ବାଗେ ଲାଗିନ୍ ଉସ୍କୁର୍ ରିକାୟାଏ, ଇନିଜାଃ ଲାଗିନ୍ ବେଶ୍ ହୋବାଅଃ ତେୟାଃ ଚି ମିୟାଃ ମାରାଙ୍ଗ୍ ଜାଁତା ଦିରି ଇନିଜାଃ ହୋଟୋଃ ରେ ହାକାଅଃ ତେୟାଃ, ଆଡୋଃ ଇନିଃ ଈକିର୍ ସାମୁଦାର୍ ରେ ଡୁବିଗୋଃ ତେୟାଏ।

ଆପେ ଚିନାଃ ପାହୋମ୍ ତାନାପେ? ଆଗାର୍ ଜାହାନ୍ ହୋଡ଼ ରାଃ ଏକ୍ ଶାଅ ମିଣ୍ଡୀକୋ ମେନାକୋୱା, ଆଡୋଃ ଇନ୍‍କୁଏତେ ମିୟାଃ ହୋରା-ରିଡ଼ିଙ୍ଗ୍ କେନୋଃରେ, ଦୋ ଚିନାଃ ଇନିଃ ନିନ୍ୟାନାବେ କୋକେ ବାଗେ କେତେ, ଆଡୋଃ ବୁରୁ କୋରେ ସେନ୍‍କେତେ, ଏନ୍ ହୋରା-ରିଡ଼ିଙ୍ଗ୍‍କାନ୍ ନିଈକେ କାଏ ଦାଣାୟାଏ?