Populære bibelvers fra ᤋᤥᤗᤡᤱᤛᤥᤔᤢ 8

Del

ᤕᤜᤘᤣ ᤍᤠᤱᤒᤠᤸᤗᤧ ᤂᤧᤴ ᤁᤢᤏᤠᤶᤃᤧᤏᤢ᤹ᤒᤠ ᤛᤡᤍᤢᤱᤈᤓᤠ ᤔᤡ᤺ᤰᤂᤢ᤹ᤀᤡᤴ ᤏᤠᤶᤛᤢᤀᤠᤱ ᤁᤢᤏᤡᤱᤘᤠ᤹ᤀᤥ ᤐᤠ᤺ᤳᤋᤢ. “ᤔᤧᤴᤇᤠᤶ ᤕᤠᤵᤔᤡ᤺ᤸᤗᤧ ᤁᤢᤏᤡᤱᤘᤠ᤹ᤀᤥᤒᤠ ᤐᤠ᤺ᤴᤜᤠ᤹ ᤂᤢᤏᤧ᤹ ᤆᤢ᤺ᤰᤁᤠᤱᤎᤥᤛᤠ ᤋᤠᤵᤑᤧ᤺ᤶᤒᤠ ᤆᤥᤰ. ᤜᤧᤰᤁᤣᤛᤠᤱ ᤋᤠᤵᤑᤧ᤺ᤶᤒᤠ ᤔᤧᤴᤇᤠᤶ ᤕᤠᤵᤔᤡ᤺ᤸᤗᤧ ᤆᤥᤃᤢᤸᤗᤧ ᤀᤠᤱᤃᤠ᤹ ᤕᤠᤶᤔᤥ ᤀᤠᤓᤧᤸᤗᤧᤀᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤛᤠᤰᤔᤢᤖᤠ ᤔᤧᤔᤧᤳᤋᤠᤴ॥ ᤀᤠᤸᤗᤥ ᤆᤥᤃᤢᤱᤒᤠ ᤁᤢᤀᤡᤛᤡᤰ ᤁᤧᤖᤧᤰ ᤌᤰᤛᤠᤐᤢᤛᤠᤜᤠ᤹ ᤕᤠᤶᤔᤥ ᤀᤠᤓᤧᤸᤗᤧᤀᤠᤱ ᤔᤧᤔᤧᤱᤅᤠᤛᤡᤅᤡᤴ॥ “ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤏᤧᤖ ᤌᤠᤖᤡᤰ ᤕᤠ᤹ᤖᤡᤶᤒᤠ ᤗᤧᤵᤔᤠ ᤏᤢ ᤁᤢᤈᤠ ᤛᤢᤶᤔᤠ ᤕᤧᤶ. ᤛᤣ᤺ᤶᤔᤠ ᤏᤢ ᤁᤥᤔᤠ. ᤜᤠᤱᤘᤠᤔᤠ ᤏᤢ ᤆᤢᤱᤈᤡ᤺ᤰᤔᤠ. ᤜᤧᤰᤁᤩᤠᤱ ᤗᤧᤴᤍᤡᤰ ᤏᤢ ᤛᤧᤴᤍᤡᤰ ᤀᤠᤓᤧᤸᤗᤧᤀᤠᤱ ᤔᤧᤏᤢᤵᤏᤧᤸᤗᤥ॥”

ᤜᤧᤰᤁᤩᤠᤱ ᤏᤢᤜ᤺ᤸᤗᤧ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤗᤠᤃᤡ ᤗᤳᤇᤠ ᤗᤧᤳᤋᤡ ᤋᤥ᤺ᤶᤔᤠᤍᤧᤴᤎᤡᤰ ᤆᤥᤃᤢᤀᤠᤱ ᤁᤧᤖᤧᤰ ᤐᤖᤡᤰᤐᤠ ᤛᤢᤳᤌᤥ ᤌᤰᤛᤠ ᤏᤢ ᤛᤢᤳᤌᤥ ᤐᤢᤛᤠᤜᤠ᤹ᤀᤥᤗᤠᤶ ᤔᤡᤎᤡᤱᤔᤏᤠᤒᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ ᤗᤧᤳᤋᤡ ᤋᤥ᤺ᤴᤍᤢ॥

ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤘᤠᤗᤠᤎᤠᤀᤥ ᤁᤧᤕᤠᤰᤐᤠ ᤏᤢᤜᤴ ᤏᤢ ᤁᤧᤖᤧᤰ ᤋᤠᤶᤓᤢᤱ ᤌᤰᤛᤠᤜᤠ᤹ ᤜᤧᤰᤁᤩᤠᤱ ᤜᤡᤶᤌᤰᤛᤠᤜᤠ᤹ ᤏᤡᤱᤘᤠ᤹ ᤀᤡ᤺ᤳᤋᤢᤛᤡ. ᤜᤧᤰᤁᤩᤠᤱ ᤂᤢᤏᤧ᤹ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤛᤢᤖᤡᤳ ᤁᤣᤈᤱ ᤜᤢᤖᤧᤖ ᤕᤠ᤺ᤴᤍᤢ. ᤜᤧᤰᤁᤩᤠᤱ ᤆᤫᤠ᤺ᤳᤋᤡᤴ ᤆᤒᤧᤖ ᤐᤣ॥

ᤂᤧᤴ ᤐᤢᤳᤋᤢ᤺ᤰᤁᤣᤴ ᤕᤢ᤺ᤴᤇᤡᤰ ᤂᤢᤏᤧ᤹ᤀᤥ ᤏᤢ᤺ᤰᤂᤧᤍᤩᤧ॥ ᤂᤧᤸᤗᤧ ᤁᤢᤶᤒᤪᤠᤀᤥ ᤂᤠᤖᤰ ᤋᤢᤵᤔᤏᤠᤒᤠ ᤐᤧ᤺ᤱᤘᤠᤗᤡ᤺ᤳᤇᤣᤸᤗᤧ ᤁᤢᤓᤧᤰᤘᤠᤎᤡᤰ ᤑᤡ᤺ᤳᤋᤢᤀᤠᤱ ᤐᤳᤇᤧ॥ ᤂᤧᤒᤩᤠᤱ ᤆᤫᤠ᤺ᤳᤋᤡᤴ ᤂᤠᤶᤒᤣ᤺ᤰᤔᤥ ᤕᤢᤔᤧᤖᤳᤇ ᤁᤧᤗ᤹ᤒᤠ ᤏᤢᤜ᤺ᤸᤗᤧ ᤏᤡᤱᤘᤠ᤹ ᤂᤥᤛᤢ॥