Populære bibelvers fra ลูกา 23

Del

เหย่ซู่ เฮ๊ เน๊อ, “เพ๋, ปลวาแก เหย่ซี เตเหล่ซื๊อ นี๋, เมเตเฮ๊เรอ เหย่ซี เม เตฮู๊เออเนอ, อา ซิเง เกอเร๊อโต่.” เร๊อ เกลอฮู๊ เต๊เห่ เก่ เบพย๊า หนิโหร่ลู เหย่ซู่ เห่อจ่า เออเนอเร๊อ เหย่ซี บ๊อ เต แบบุ๊ย เต๊อเจ่อ เด๊อ จู๊ ดื่อ อา ตาโตเบ่ เบ๊อะเตเพร โต พย๊า เบ๊อะตากยา เต ฮู๊เนอแพ๊.

เร๊อ เหย่ซู่ เฮ๊ฉื่อ อา เน๊อ, “แว เฮ๊จ๊อจ๋อ เจ๊อ เน, เออเตอเนอ ปาเนอ, เน อา กาโอ่ เต่อเกอดื่อ เร๊อ แว เด๊อ บรมสุขเกษม กู ปา.”

โทเรอ อา เฮ๊ เหย่ซู่ เน๊อ, “เก๋อ เหย่ซู๋, เบ๊อะเน แฮเป๊อเฮ๊อ ฮู๊ คุ๊ย เตเพร เฮ๊อ อาเบ๊อะเนอปาเนอ, เตเนแถ่เบ่ โต่เกอ แว ปา นี๋.”

เหย่ซู่ จ่าเพรอ เอ๊โทแถ่ฉว่าฉว่า เร๊อ อา เฮ๊ เน๊อ, “เก๋อ เพ๋, แว เด๊อะแลแกเฮ๊อ แว ซิปล่อเซอเพร เด๊อ เน กู๊ยากู เฮ๊อ,”อา เฮ๊ ฮู๊เนอ โทเรอ อา เซ๊ปลื๊อแก.

เหย่ซี จว๊าโต่ เด๊อ เหล่โอ่ โต๊โผ่ เด๊อ อู เอ๊ เน๊อ, “กู่กล๊อครุ๊ย.” โทเรอ เหย่ซี มือเซอแถ่ เต่อเกอ แกแย เมซื๊อ เทอเก่ อา เตซว๊าเตแส่ เออซิเนอ เร๊อ เหย่ซู่ เด๊อ อี๊ถื่อดีเต่ลู. เตเพร เร๊อ อา มือเซอแถ่ ลู เด๊อ เหย่ซู่ จ๊อทว๊า ตากยา, เตเพร เร๊อ อา มือเซอแถ่ ลู เด๊อ จ๊อจิ ตากยา.

เบ๊อะเหมาะโถ่ เช๊อเนอมือ ผื่อเบ่เฮ๊อ เบ๊อะเนอ, ต๊อเหมาะ คี๊ตือรือตา เต๊เก่เล โต่ เจ๊อ เด๊อ เหมาะเฮ๊แล โซมือ เบ่ เนอ เจ๊อ. เร๊อ อิเกบ่าดุ เด๊อ อู จ่อตาตือบี๊ ลู เด๊อ เตหลู่แตโฮกู เออต๊าบ่าเนอ, อา แลยา แก๊แถ่แกแล ปลื๊อแก เนอกยา.

โรมัน เกลอฮู๊เตเย กู่กล๊อ เออเตเพร แม๊เถอะ เตเมอาเหน่ เออเต๊เห่ เร๊อ อา ถู่เซ๊แถ่ จอแปแหร่ เร๊อ อา เฮ๊ เน๊อ, “แกแย เออเตเพร หม่า แกแยจ๊อ แกแยเต หม่าแหน่ เจ๊อ แหน่ เฮ๊อ!”